ENG vs NZ: ఇది కదా పుత్రోత్సాహమంటే.. కుమారుల శతకాలను చూసి పండగ చేసుకున్న తండ్రులు..
England Vs New Zealand Test Series 2022: పిల్లలు ప్రయోజకులైతే అంతకుమించిన ఆనందం మరొకటి ఉండదు తల్లిదండ్రులకు. ఇంగ్లండ్‌ ఆటగాళ్లు జో రూట్‌ (Joe Root), (ఓలీపోప్‌ Ollie Pope) ప్రస్తుతం ఇలాంటి ఆనందాన్నే అనుభవిస్తున్నారు..
England Vs New Zealand Test Series 2022: పిల్లలు ప్రయోజకులైతే అంతకుమించిన ఆనందం మరొకటి ఉండదు తల్లిదండ్రులకు. ఇంగ్లండ్‌ ఆటగాళ్లు జో రూట్‌ (Joe Root), (ఓలీపోప్‌ Ollie Pope) ప్రస్తుతం ఇలాంటి ఆనందాన్నే అనుభవిస్తున్నారు. అంతర్జాతీయ క్రికెట్‌లో తమ కుమారుల సాధిస్తున్న రికార్డులను చూసి ఉబ్బితబ్బిబ్బవుతున్నారు. తాజాగా ఈ ఇద్దరూ ఆటగాళ్లు సెంచరీలు చేయడం, అదే సమయంలో గ్యాలరీలో పక్క పక్కనే ఉన్న వారి తల్లిదండ్రులు పుత్రోత్సాహంతో పొంగిపోవడం, పరస్పరం అభినందనలు చెప్పుకోవడం నెట్టింట్లో వైరల్ గా మారింది. న్యూజిలాండ్‌తో ఇంగ్లండ్‌ రెండో టెస్టు సందర్భంగా మూడో రోజు ఆటలో ఈ అరుదైన ఘటన చోటు చేసుకుంది. కుమారుల ఆటను ప్రత్యక్షంగా చూసేందుకు స్టేడియంకు వచ్చిన ఆ తండ్రులు ఆత్మీయంగా ఆలింగనం చేసుకున్న వీడియో సోషల్‌ మీడియాలో చక్కర్లు కొడుతోంది.
ఇక మ్యాచ్‌ విషయానికొస్తే.. నాటింగ్‌హమ్‌ వేదికగా జరగుతున్న ఈ టెస్ట్‌లో టాస్‌ గెలిచిన ఇంగ్లండ్‌ మొదట బౌలింగ్‌ ఎంచుకుంది. డారిల్‌ మిచెల్‌ (190), టామ్‌ బ్లండల్‌లు రాణించడంతో కివీస్‌ మొదటి ఇన్నింగ్స్‌లో 553 పరుగుల భారీస్కోరు అందించింది. అనంతరం బ్యాటింగ్‌కు దిగన ఆతిథ్య జట్టు మూడో రోజు ఆట ముగిసే సమయానికి 5 వికెట్లకు 473 పరుగులు సాధించింది. టెస్ట్‌లో తన సూపర్‌ ఫామ్‌ను కొనసాగిస్తోన్న మాజీ కెప్టెన్‌ జోరూట్‌ (163 బ్యాటింగ్‌; 25 ఫోర్లు) టెస్టుల్లో 27వ సెంచరీ సాధించాడు. అతనికి తోడు వన్‌డౌన్‌ ఆటగాడు ఓలీపోప్‌ (145; 13 ఫోర్లు, 3 సిక్స్‌లు) కూడా సెంచరీ చేయడంతో కివీస్‌కు ధీటుగా బదులిస్తోంది ఇంగ్లండ్‌. ప్రస్తుతం న్యూజిలాండ్‌ మొదటి ఇన్నింగ్స్‌ స్కోరుకు ఇంగ్లండ్‌ కేవలం 80 పరుగుల దూరంలో మాత్రమే ఉంది. చేతిలో ఇంకా 5 వికెట్లు ఉన్నాయి కాబట్టి ఇంగ్లండ్‌ ఆధిక్యం సంపాదించే అవకాశాలు ఉన్నాయి. ఇక లార్డ్స్‌ వేదికగా జరిగిన మొదటి టెస్టులో ఇంగ్లండ్‌ ఘన విజయం సాధించిన సంగతి తెలిసిందే.
Beautiful moment from today ❤️
The fathers of Ollie Pope and Joe Root embrace as both their sons reach ? for ???????#ENGvNZ pic.twitter.com/r2j13MKyjh
— England’s Barmy Army (@TheBarmyArmy) June 12, 2022
మరిన్ని క్రీడా వార్తల కోసం క్లిక్ చేయండి..
Also Read:
వేగంగా బరువు తగ్గాలనుకుంటున్నారా? అయితే కాఫీలో వీటిని కలుపుకోండి..
