IPL 2024 Prize Money: చిత్తుగా ఓడినా హైదరాబాద్ ఖాతాలో స్పెషల్ అవార్డ్.. ఐపీఎల్ 2024 ప్రైజ్ మనీ పూర్తి వివరాలు..

IPL 2024 Prize Money: చెన్నైలో కోల్ కతా నైట్ రైడర్స్, సన్ రైజర్స్ హైదరాబాద్ మధ్య జరిగిన ఫైనల్లో హైదరాబాద్ ఘోర పరాజయం పాలైంది. తద్వారా హైదరాబాద్ రెండోసారి ఛాంపియన్‌గా నిలిచే అవకాశాన్ని కోల్పోయింది. 8 వికెట్ల తేడాతో గెలిచిన కేకేఆర్ మూడోసారి ఛాంపియన్‌గా నిలిచింది.

Pl 2024 Prize Money

Venkata Chari |
Updated on: May 27, 2024 | 8:44 AM

IPL 2024 Prize Money: చెన్నైలో కోల్ కతా నైట్ రైడర్స్, సన్ రైజర్స్ హైదరాబాద్ మధ్య జరిగిన ఫైనల్లో హైదరాబాద్ ఘోర పరాజయం పాలైంది. తద్వారా హైదరాబాద్ రెండోసారి ఛాంపియన్‌గా నిలిచే అవకాశాన్ని కోల్పోయింది. 8 వికెట్ల తేడాతో గెలిచిన కేకేఆర్ మూడోసారి ఛాంపియన్‌గా నిలిచింది. ఈ ఫైనల్ మ్యాచ్ ముగియడంతో ఐపీఎల్ 17వ ఎడిషన్ ఘనంగా జరిగింది. దీంతో పాటు ప్రైజ్ వివరాలు కూడా వెల్లడయ్యాయి. మూడోసారి ఛాంపియన్‌గా నిలిచిన కోల్‌కతా నైట్‌రైడర్స్‌కు రూ.20 కోట్ల ప్రైజ్ మనీ అందింది.

ఫైనల్ మ్యాచ్‌లో ఓడి రన్నరప్ టైటిల్‌తో సరిపెట్టుకున్న సన్‌రైజర్స్ హైదరాబాద్ జట్టుకు 13 కోట్ల ప్రతిఫలం దక్కింది. మూడో స్థానంలో ఉన్న రాజస్థాన్ రాయల్స్ రూ.7 కోట్లు దక్కించుకుంది. ఇక నాలుగో స్థానంలో ఉన్న రాయల్ ఛాలెంజర్స్ బెంగళూరు జట్టుకు రూ.6.5 కోట్లు దక్కాయి.

లీగ్‌లో అత్యధిక పరుగులు చేసి ఆరెంజ్ క్యాప్ గెలుచుకున్న ఆటగాడికి 15 లక్షల ప్రైజ్ మనీ దక్కింది. ప్రస్తుతం 14 మ్యాచుల్లో 741 పరుగులు చేసిన విరాట్ కోహ్లి ఈ అవార్డును అందుకున్నాడు.

ఇవి కూడా చదవండి

అలాగే లీగ్‌లో అత్యధిక వికెట్లు తీసిన పేసర్‌కు రూ.15 లక్షల ప్రైజ్ మనీ దక్కింది. ప్రస్తుతం 24 వికెట్లతో మొదటి స్థానంలో ఉన్న పంజాబ్ కింగ్స్ ఫాస్ట్ బౌలర్ హర్షల్ పటేల్ ఈ బహుమతిని అందుకోనున్నాడు.