IND vs AUS: గిల్ తలకు బలంగా తగిలిన బంతి.. కట్చేస్తే.. 10 బంతుల్లో గేమ్ క్లోజ్..
India vs Australia, Melbourne T20I: మెల్బోర్న్లో జరుగుతున్న రెండవ T20I లో శుభ్మాన్ గిల్ తక్కువ పరుగులకే అవుట్ అయ్యాడు. తలపై బంతి బలంగా తగిలి కేవలం తొమ్మిది బంతుల్లోనే ఔటయ్యాడు. గిల్ కేవలం ఐదు పరుగులు మాత్రమే చేశాడు.
Updated on: Oct 31, 2025 | 2:57 PM
India vs Australia, Melbourne T20I: మెల్బోర్న్లో భారత్, ఆస్ట్రేలియా మధ్య జరుగుతున్న రెండవ టీ20లో, శుభ్మాన్ గిల్ క్రీజులోకి వచ్చిన వెంటనే మూడు సంఘటనలు ఒకదాని తర్వాత ఒకటి జరిగాయి. ఈ మూడు సంఘటనలూ భారత ఓపెనర్ ఇన్నింగ్స్లో కేవలం 10 బంతుల్లో ఊహించని సంఘటనలు చోటు చేసుకున్నాయి. మ్యాచ్లోని మొదటి బంతికే గిల్కు భారీ ప్రమాదం తప్పింది. గిల్ వికెట్ కోసం బలమైన అప్పీల్ జరిగింది. అయితే, అతను అదృష్టవశాత్తూ సేవ్ అయ్యాడు. ఆ తర్వాత, మ్యాచ్లోని మొదటి ఓవర్లోని మూడవ బంతి నేరుగా వెళ్లి అతని తలపై తాకింది. అతను హెల్మెట్ ధరించి ఉండటం అదృష్టం. కానీ, బంతి తలపై తగిలిన తర్వాత, శుభ్మాన్ గిల్ ఎక్కువసేపు క్రీజులో సురక్షితంగా ఉండలేకపోయాడు. అతని ఇన్నింగ్స్ తదుపరి 7 బంతుల్లో ముగిసింది.
గిల్ తలకు తగిలిన బంతి..
మెల్బోర్న్ టీ20 మ్యాచ్లో, భారత ఇన్నింగ్స్లో జోష్ హాజిల్వుడ్ మొదటి ఓవర్ వేశాడు. అతని ఓవర్లోని మూడవ బంతి గిల్ హెల్మెట్ ముందు భాగంలో నేరుగా తాకింది. కొత్త క్రికెట్ నిబంధనల ప్రకారం, బంతి అతని హెల్మెట్కు తగిలిన తర్వాత జట్టు ఫిజియో బ్యాట్స్మన్ను పరీక్షించాల్సిందే. మెల్బోర్న్లో గిల్ విషయంలో కూడా అదే జరిగింది. గిల్కు తగిలిన తర్వాత ఫిజియో చెక్ చేశారు. అయితే, గిల్కే ఏం కాలేదు.
గిల్ వికెట్ తీసిన హేజిల్వుడ్..
హెల్మెట్ కు తగిలిన సంఘటన తర్వాత శుభ్మాన్ గిల్ ఆటను తిరిగి ప్రారంభించాడు. అయితే, అతని ఇన్నింగ్స్ 10 బంతులు మాత్రమే కొనసాగింది. మూడవ ఓవర్ నాల్గవ బంతికి హాజిల్వుడ్ చేతిలో అతను అవుట్ అయ్యాడు. గిల్ 10 బంతులు ఎదుర్కొని 5 పరుగులు చేశాడు.
