Horoscope: అబ్బా.. వారి లైఫ్ మారిపోబోతుంది.. 12 రాశులవారికి సోమవారం నాటి రాశిఫలాలు
మేషం వారికి సోమవారం ఆర్థిక పరిస్థితి గతం కంటే మెరుగ్గా ఉంటుంది. వృశ్చికం వారికి ఉద్యోగ జీవితం సాఫీగా సాగిపోతుంది. వారు వ్యాపారాలలో కీలక నిర్ణయాలు అమలు చేస్తారు. మేష రాశి మొదలు మీన రాశి వరకు 12 రాశుల వారికి ఆదివారంనాటి రాశిఫలాలు ఎలా ఉన్నాయంటే..?
Updated on: Dec 15, 2025 | 5:40 AM
మేషం (అశ్విని, భరణి, కృత్తిక 1)
ఆర్థిక పరిస్థితి గతం కంటే మెరుగ్గా ఉంటుంది. బంధుమిత్రుల ఆదరాభిమానాలు లభిస్తాయి. చేప ట్టిన వ్యవహారాలు, పనులు సంతృప్తికరంగా పూర్తవుతాయి. వృత్తి, ఉద్యోగాలు కొత్త పుంతలు తొక్కుతాయి. కొత్త ప్రాజెక్టులు, కొత్త లక్ష్యాలతో ఉద్యోగ జీవితం బిజీగా సాగిపోతుంది. వ్యాపారాల్లో మీ ఆలోచనలు, వ్యూహాలు లాభాలను తీసుకు వస్తాయి. దైవ చింతన పెరుగుతుంది. విద్యార్థులు పురోగతి చెందుతారు. కుటుంబ జీవితం హ్యాపీగా సాగిపోతుంది. ఆరోగ్యానికి ఇబ్బందేమీ ఉండదు.
వృషభం (కృత్తిక 2,3,4, రోహిణి, మృగశిర 1,2)
వృత్తి, ఉద్యోగ బాధ్యతల్లో మార్పులు చోటు చేసుకుంటాయి. వ్యాపారాల్లో ఆశించిన స్థాయిలో లాభాలు పెరుగుతాయి. అనుకోకుండా కొన్ని మంచి పరిచయాలు ఏర్పడతాయి. కుటుంబ సభ్యులతో కలిసి ఆధ్యాత్మిక కార్యక్రమాల్లో పాల్గొంటారు. చిన్ననాటి మిత్రులతో ఎంజాయ్ చేస్తారు. చేపట్టిన పనుల్ని సంతృప్తికరంగా పూర్తి చేస్తారు. విలువైన వస్తువులు కొనుగోలు చేస్తారు. దూర ప్రాంత బంధువులతో పెళ్లి సంబంధం కుదిరే అవకాశం ఉంది. కొద్ది శ్రమతో విద్యార్థులు రాణిస్తారు.
మిథునం (మృగశిర 3,4, ఆర్ద్ర, పునర్వసు 1,2,3)
ఉద్యోగ జీవితంలో సానుకూల వాతావరణం ఉంటుంది. అధికారులు మీ సలహాలు, సూచనలతో లబ్ధి పొందుతారు. వృత్తి, వ్యాపారాలు అంచనాల్ని మించిన లాభాలతో పురోగమిస్తాయి. ఆర్థిక సమస్యలు, వ్యక్తిగత సమస్యలు తగ్గిపోతాయి. ఆదాయంతో పాటు కుటుంబ ఖర్చులు కూడా బాగా పెరుగుతాయి. ఉద్యోగ, పెళ్లి ప్రయత్నాలు సానుకూలంగా సాగిపోతాయి. వ్యక్తిగత సమస్య ఒకటి పరిష్కారం అవుతుంది. ఆస్తి వివాదం ఒక కొలిక్కి వస్తుంది. విద్యార్థులు పురోగతి సాధి స్తారు.
కర్కాటకం (పునర్వసు 4, పుష్యమి, ఆశ్లేష)
ఉద్యోగంలో ఒత్తిడి, శ్రమ తప్పకపోవచ్చు. వృత్తి, వ్యాపారాలు సజావుగా సాగిపోతాయి. ఇంటా బయటా పని ఒత్తిడి బాగా పెరుగుతుంది. జీవిత భాగస్వామి ఆరోగ్యం విషయంలో అప్రమత్తంగా ఉండాలి. ముఖ్యమైన పనులు, వ్యవహారాలు నిదానంగా పూర్తవుతాయి. నిరుద్యోగులకు సొంత ఊర్లోనే ఉద్యోగం లభించే అవకాశం ఉంది. ఆర్థిక పరిస్థితి సాధారణంగా ఉంటుంది. పుణ్య కార్యాల్లో పాల్గొంటారు. విద్యార్థులు కష్టపడాల్సి ఉంటుంది. ఆహార, విహారాల్లో కాస్తంత జాగ్రత్తగా ఉండాలి.
సింహం (మఖ, పుబ్బ, ఉత్తర 1)
ఉద్యోగ జీవితం ప్రోత్సాహకరంగా సాగిపోతుంది. వృత్తి, వ్యాపారాల్లో రాబడి పెరిగే అవకాశం ఉంది. ఆర్థిక వ్యవహారాలు ఆశాజనకంగా ఉంటాయి. అనుకున్న సమయానికి పనులు పూర్తి చేసుకో గలుగుతారు. వ్యక్తిగత సమస్య ఒకటి పరిష్కారం అవుతుంది. పిల్లల చదువుల విషయంలో శుభ వార్తలు వింటారు. వస్త్రాభరణాలు కొనుగోలు చేస్తారు. ఆరోగ్యం చాలావరకు అనుకూలంగా ఉంటుంది. రావలసిన డబ్బు సకాలంలో చేతికి అందుతుంది. విద్యార్థులకు సమయం బాగుంది.
కన్య (ఉత్తర 2,3,4, హస్త, చిత్త 1,2)
ఆదాయం బాగానే వృద్ధి చెందుతుంది. వృథా ఖర్చులకు కళ్లెం వేస్తారు. ఉద్యోగంలో బరువు బాధ్య తలు పెరుగుతాయి. వృత్తి, వ్యాపారాలు లాభసాటిగా పురోగమిస్తాయి. తలపెట్టిన పనులన్నిటినీ పట్టుదలగా పూర్తి చేస్తారు. ముఖ్యమైన వ్యవహారాల్లో బంధుమిత్రులు సహాయంగా ఉంటారు. ఆరోగ్యం బాగానే ఉంటుంది. మంచి పరిచయాలు ఏర్పడతాయి. ఇతరులకు మేలు జరిగే పనులు చేస్తారు. బంధువర్గంలో పెళ్లి సంబంధం కుదురుతుంది. విద్యార్థులు బాగా కష్టపడాల్సి ఉంటుంది.
తుల (చిత్త 3,4, స్వాతి, విశాఖ 1,2,3)
ఆర్థిక పరిస్థితి సంతృప్తికరంగా ఉంటుంది. అనేక మార్గాల్లో ఆదాయం వృథా చెందుతుంది. ఖర్చుల విషయంలో ఆచితూచి వ్యవహరించడం మంచిది. కుటుంబ సభ్యులతో హ్యాపీగా కాలక్షేపం చేయడం, దైవ కార్యాల్లో పాల్గొనడం జరుగుతుంది. ఉద్యోగంలో ప్రాధాన్యం, ప్రాభవం పెరుగుతాయి. వృత్తి, వ్యాపారాలు బిజీగా సాగుతాయి. నిరుద్యోగులు విదేశాల నుంచి ఆశించిన శుభవార్త వింటారు. పిల్లలు వృద్ధిలోకి వస్తారు. విద్యార్థులు తేలికగా విజయాలు సాధిస్తారు. ఆరోగ్యానికిలోటు లేదు.
వృశ్చికం (విశాఖ 4, అనూరాధ, జ్యేష్ట)
ఉద్యోగ జీవితం సాఫీగా సాగిపోతుంది. వృత్తి, వ్యాపారాలు పరవాలేదనిపిస్తాయి. కుటుంబసమే తంగా ఒక శుభ కార్యంలో పాల్గొంటారు. వ్యక్తిగత సమస్యల విషయంలో కొద్దిగా మానసిక ఒత్తిడి ఉంటుంది. స్వల్ప అనారోగ్యానికి అవకాశం ఉంది. మిత్రుల నుంచి సహాయం లభిస్తుంది. ముఖ్య వ్యవహారాలను నిదానంగా పూర్తి చేస్తారు. కుటుంబ సభ్యులతో దైవ కార్యాల్లో పాల్గొంటారు. బంధు వులతో కొద్దిగా సమస్యలు తలెత్తుతాయి. విద్యార్థులు చదువుల మీద శ్రద్ధ పెంచాల్సి ఉంటుంది.
ధనుస్సు (మూల, పూర్వాషాఢ, ఉత్తరాషాఢ 1)
ఉద్యోగంలో ప్రాధాన్యం బాగా పెరుగుతుంది. ఆర్థిక వ్యవహారాలు, ఆర్థిక లావాదేవీలు ఆశించిన ఫలితాలనిస్తాయి. బంధుమిత్రులతో శుభ కార్యంలో పాల్గొంటారు. వృత్తి, వ్యాపారాల్లో లాభాలు పెరుగుతాయి. స్థిరాస్తి క్రయ విక్రయాలు లాభ సాటిగా సాగుతాయి. నిరుద్యోగులకు మంచి ఆఫర్లు అందుతాయి. సమాజంలో మీ మాటకు, చేతకు విలువ పెరుగుతుంది. రాజకీయ నాయకులతో పరిచయాలు ఏర్పడతాయి. విద్యార్థులకు సమయం అనుకూలంగా ఉంది. ఆరోగ్యం పరవాలేదు.
మకరం (ఉత్తరాషాఢ 2,3,4, శ్రవణం, ధనిష్ట 1,2)
ఆర్థిక పరిస్థితి కొద్దిగా ప్రతికూలంగా ఉండే అవకాశం ఉంది. ప్రస్తుతానికి ఎవరికీ ఎటువంటి వాగ్దా నాలు చేయకపోవడం మంచిది. వృత్తి, ఉద్యోగాల్లో శ్రమ, ఒత్తిడి తగ్గే అవకాశం ఉంది. వ్యాపారాల్లో బాగా బిజీ అవుతారు. కుటుంబపరంగా బాధ్యతలు పెరుగుతాయి. తలపెట్టిన వ్యవహారాలు, పనులు సకాలంలో పూర్తవుతాయి. రాదనుకుని వదిలేసుకున్న డబ్బు చేతికి అందుతుంది. ముఖ్యమైన అవసరాలు తీరిపోతాయి. ఆరోగ్యం బాగానే ఉంటుంది. విద్యార్థులు శ్రద్ధ పెంచాల్సి ఉంటుంది.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఉద్యోగంలో ఆశించిన పదోన్నతికి అవకాశం ఉంది. వృత్తి, వ్యాపారాల్లో సొంత నిర్ణయాలు తీసుకో వడం మంచిది. ఆర్థిక పరిస్థితి బాగా అనుకూలంగా సాగిపోతుంది. మిత్రులకు సహాయం చేయడం జరుగుతుంది. నిరుద్యోగుల ప్రయత్నాలకు సానుకూల స్పందన లభిస్తుంది. ఉన్నతస్థాయి వ్యక్తు లతో పరిచయాలు పెరుగుతాయి. ఇతరుల విషయాల్లో జోక్యం చేసుకోవద్దు. విద్యార్థులు శ్రమప డాల్సి ఉంటుంది. ఆరోగ్యం బాగానే ఉంటుంది. అనుకోకుండా ఆదాయం వృద్ది బాగా చెందుతుంది.
మీనం (పూర్వాభాద్ర 4, ఉత్తరాభాద్ర, రేవతి)
రోజంతా సానుకూలంగా, సంతృప్తికరంగా సాగిపోతుంది. వృత్తి, ఉద్యోగాల్లో ఆర్థిక ప్రయోజనాలను పొందుతారు. ఆర్థిక ప్రయత్నాలు బాగా కలిసి వస్తాయి. పలుకుబడి, గౌరవమర్యాదలు పెరుగు తాయి. వ్యాపారాల్లో మీ ఆలోచనలు, ప్రయత్నాలు లాభాలను తెచ్చిపెడతాయి. నిరుద్యోగులు శుభవార్త వినడం జరుగుతుంది. పెళ్లి ప్రయత్నాలు ఫలించి, పరిచయస్థులలో పెళ్లి సంబంధం కుదురుతుంది. ఆర్థిక లావాదేవీలు, స్పెక్యులేషన్ లాభిస్తాయి. విద్యార్థులు విజయాలు సాధిస్తారు.
