Asia Cup 2025: ఆసియా కప్ ట్రోఫీ భారత జట్టుకు అందేది ఎప్పుడంటే..? కీలక అప్డేట్ ఇదిగో..

Asia Cup 2025: ఆసియా కప్ 2025 ఫైనల్లో భారత జట్టు అద్భుతమైన విజయం సాధించిన తర్వాత, ట్రోఫీ, పతకాల చుట్టూ ఉన్న వివాదం ఆగకుండా కొనసాగుతోంది. మంగళవారం దుబాయ్‌లో జరిగిన సమావేశంలో ఆసియా క్రికెట్ కౌన్సిల్ (ACC) ఈ అంశంపై తుది నిర్ణయం తీసుకోలేదు. బదులుగా కౌన్సిల్ ఈ సమస్య పరిష్కారాన్ని ఐదు టెస్ట్ ఆడే దేశాల బోర్డులకు వదిలివేసింది. భారతదేశం, పాకిస్తాన్, ఆఫ్ఘనిస్తాన్, శ్రీలంక, బంగ్లాదేశ్.

ట్రోఫీ వివాదం ఇంకా ముగియలే..

దుబాయ్ ఇంటర్నేషనల్ స్టేడియంలో జరిగిన ఫైనల్ మ్యాచ్ తర్వాత జరిగిన ఒక సంఘటన నుంచి ఈ వివాదం తలెత్తింది. భారత జట్టు అద్భుతమైన ప్రదర్శనతో ఆసియా కప్‌ను గెలుచుకుంది. కానీ, భారత ఆటగాళ్ళు పాకిస్తాన్ క్రికెట్ బోర్డు (PCB) చీఫ్ మొహ్సిన్ నఖ్వీ నుంచి ట్రోఫీ, పతకాలను స్వీకరించడానికి నిరాకరించారు. ఆ తర్వాత నఖ్వీ స్వయంగా ట్రోఫీని తీసుకున్నాడు. దీంతో టీమిండియా అది లేకుండానే సంబరాలు చేసుకోవలసి వచ్చింది. ఈ సంఘటన క్రికెట్ ప్రపంచాన్ని దిగ్భ్రాంతికి గురిచేసింది. రెండు దేశాల మధ్య ఉద్రిక్తతలను కొత్త స్థాయికి పెంచింది.

ఇటువంటి పరిస్థితిలో ఏసీసీ సమావేశానికి మోహ్సిన్ నఖ్వీ అధ్యక్షత వహించారు. బీసీసీఐ తరపున రాజీవ్ శుక్లా, ఆశిష్ షెలార్ వర్చువల్‌గా హాజరయ్యారు. ట్రోఫీ వివాదంతో పాటు, ఉపాధ్యక్షుడి ఎన్నిక, ఎమర్జింగ్ ప్లేయర్స్, అండర్-19 టోర్నమెంట్ల షెడ్యూల్‌ను ఖరారు చేయడం వంటి ఇతర ఎజెండా అంశాలు చర్చించలేదు. ట్రోఫీ వివాదాన్ని వీలైనంత త్వరగా పరిష్కరించడానికి అధికారిక ఆఫ్‌లైన్ సమావేశాన్ని నిర్వహించాలని BCCI, PCB, బంగ్లాదేశ్ క్రికెట్ బోర్డు (BCB), శ్రీలంక క్రికెట్ (SLC, ఆఫ్ఘనిస్తాన్ క్రికెట్ బోర్డు (ACB)లను ACC ఆదేశించింది.

ఇవి కూడా చదవండి

ఇదేం కర్మరా ఆజామూ.. పాక్ జట్టుకు ఇచ్చిన చెక్కులన్నీ బౌన్స్

వార్నీ.. పాక్ ఓటమిలో ఇంత స్టోరీ ఉందా.. 'పాంచ్' స్కెచ్ అదుర్స్

టీమిండియా జట్టు నుంచి 11మంది ఔట్.. నలుగురికే ఛాన్స్

'హరిస్ రవూఫ్ భారత్ కోసం పనిచేసే ఓ రా ఏజెంట్': బాబర్

మొహ్సిన్ నఖ్వీ భారీ డిమాండ్..

భారత జట్టు ఆసియా కప్ ట్రోఫీని కోరుకుంటే, భారత కెప్టెన్ సూర్యకుమార్ యాదవ్ ఏసీసీ కార్యాలయానికి వచ్చి వారి నుంచి దానిని తీసుకోవాల్సి ఉంటుందని మొహ్సిన్ నఖ్వీ స్పష్టంగా చెప్పినట్లు కొన్ని నివేదికలు పేర్కొన్నాయి. దీని అర్థం మొహ్సిన్ నఖ్వీ ఇప్పటికీ వ్యక్తిగతంగా ట్రోఫీని అందించడానికి మొహ్సిన్ నఖ్వీ మొండిగా ఉన్నాడు. అయితే, ఇది అసంభవం అనిపిస్తుంది.