ఆసియా కప్

పురుషుల ఆసియా కప్ అనేది ఆసియా క్రికెట్ కౌన్సిల్ నిర్వహించే ద్వైవార్షిక క్రికెట్ టోర్నమెంట్. ఈ పోటీలో ఆసియా సభ్యుల సీనియర్ పురుషుల జాతీయ క్రికెట్ జట్లు పోటీపడతాయి. ఇవి ఆసియా ఖండాంతర ఛాంపియన్‌ను నిర్ణయిస్తాయి. ఇది 1983లో ఆసియా క్రికెట్ కౌన్సిల్ స్థాపించబడినప్పుడు మొదలైంది. ఆసియా దేశాల మధ్య సద్భావనను ప్రోత్సహించడానికి ఒక చర్యగా ఇది మొదలైంది. క్రికెట్‌లో విజేత జట్టు ఆసియా ఛాంపియన్‌గా మారే ఏకైక ఖండాంతర ఛాంపియన్‌షిప్ ఇది. 2023 ఎడిషన్‌ను గెలుచుకున్న తర్వాత భారతదేశం డిఫెండింగ్ ఛాంపియన్‌గా ఆసియా కప్ 2025 బరిలో నిలవనుంది. ఇక 2025లో ఆసియా కప్ టీ20ఐ ఫార్మాట్‌లో నిర్వహించనున్నారు.

మొదటి ఎడిషన్ 1984లో యునైటెడ్ అరబ్ ఎమిరేట్స్‌లోని షార్జాలో జరిగింది. ఇక్కడ కౌన్సిల్ కార్యాలయాలు 1995 వరకు ఉన్నాయి. శ్రీలంకతో క్రికెట్ సంబంధాలు దెబ్బతిన్న కారణంగా భారతదేశం 1986 టోర్నమెంట్‌ను బహిష్కరించింది. భారతదేశంతో రాజకీయ సంబంధాలు దెబ్బతిన్న కారణంగా పాకిస్తాన్ 1990–91 టోర్నమెంట్‌ను బహిష్కరించింది. అదే కారణంతో 1993 టోర్నమెంట్‌ను రద్దు చేసింది. 2009 నుంచి ఈ టోర్నమెంట్‌ను ద్వైవార్షికానికి ఒకసారి నిర్వహిస్తామని ACC ప్రకటించింది. ఆసియా కప్‌లో ఆడే అన్ని ఆటలకు అధికారిక ODI హోదా ఉందని ICC తీర్పు ఇచ్చింది.

2015లో ఆసియా క్రికెట్ కౌన్సిల్‌ను కుదించిన తర్వాత, 2016 నుంచి ఆసియా కప్ ఈవెంట్‌లను రాబోయే ప్రపంచ ఈవెంట్‌ల ఫార్మాట్ ఆధారంగా, వన్డే ఇంటర్నేషనల్, ట్వంటీ 20 ఇంటర్నేషనల్ ఫార్మాట్‌లకు మార్చుతుంటారని ఐసిసి ప్రకటించింది . ఫలితంగా, 2016 ఈవెంట్ T20I ఫార్మాట్‌లో జరిగిన మొదటి ఈవెంట్, 2016 ICC వరల్డ్ ట్వంటీ 20 కి ముందు సన్నాహక టోర్నమెంట్‌గా పనిచేసింది.

ఎనిమిది టైటిళ్లు (ఏడు వన్డేలు, ఒక టి20ఐ) గెలిచిన భారత్ ఈ టోర్నమెంట్‌లో అత్యంత విజయవంతమైన జట్టు. శ్రీలంక ఆరు టైటిళ్లతో రెండవ అత్యంత విజయవంతమైన జట్టు కాగా, పాకిస్తాన్ రెండు టైటిళ్లు గెలుచుకుంది. శ్రీలంక అత్యధిక ఆసియా కప్‌లు (16) ఆడింది. ఆ తర్వాత భారత్, పాకిస్తాన్, బంగ్లాదేశ్ (15) ఆడాయి.