Monday Worship: సోమవారం నాడు శివుడిని ఇలా ఆరాధిస్తే అన్ని సమస్యలు తొలగిపోతాయి.. వివరాలు మీకోసం..
హిందూ మతంలో ప్రతి రోజు ఏదో ఒక దేవతకి అంకితం చేయబడింది. సోమవారాన్ని ఆదిదేవుడు శివుని రోజుగా పరిగణిస్తారు. అందుకే భక్తులు సోమవారాలు ఉపవాసం ఉండి శివుడిని మనస్ఫూర్తిగా పూజిస్తారు.
Updated on: Feb 06, 2023 | 6:10 AM
హిందూ మతంలో ప్రతి రోజు ఏదో ఒక దేవతకి అంకితం చేయబడింది. సోమవారాన్ని ఆదిదేవుడు శివుని రోజుగా పరిగణిస్తారు. అందుకే భక్తులు సోమవారాలు ఉపవాసం ఉండి శివుడిని మనస్ఫూర్తిగా పూజిస్తారు. దేవతలందరిలోనూ శివుడు చాలా అమాయక, సున్నితమైన దేవుడిగా పరిగణించబడ్డాడు. భక్తులు పిలిస్తే చాలు పరవశించిపోతారు. సోమవారం నాడు శివుడిని పూజించడం, ఆయనకు సంబంధించిన కొన్ని ప్రత్యేక చర్యలు చాలా ప్రభావవంతంగా పరిగణించబడ్డాయి. ఇలా చేయడం వల్ల వైవాహిక జీవితంలో సుఖశాంతులు లభిస్తాయని, భక్తులకు శివుని అనుగ్రహం లభిస్తుందని చెబుతారు. సోమవారం ఎలాంటి చర్యలు, పరిహారాలు చేయాలో ఇప్పుడు తెలుసుకుందాం..
మనస్ఫూర్తిగా ఆరాధించండి..
సోమవారం రోజున పరమశివుడిని హృదయపూర్వకంగా ఆరాధించడం వల్ల జీవితంలోని కష్టాలన్నీ తొలగిపోతాయి. శంకరుని ప్రసన్నం చేసుకోవడానికి తెల్లవారుజామున నిద్రలేచి తలస్నానం చేసి పూజించాలి.
ఈ వస్తువులను శివుడికి సమర్పించాలి..
సోమవారం నాడు పరమ శివుడికి అభిషేకం చేయడం చాలా పవిత్రమైనదిగా పరిగణించబడుతుంది. ఈ రోజున శివలింగంపై గంధం, అక్షత, బిల్వ పత్ర, ధాతుర, పాలు, గంగాజలం సమర్పించడం ద్వారా.. శివుడు త్వరగా ప్రసన్నుడై భక్తులను అనుగ్రహిస్తాడని విశ్వాసం.
ఈ వస్తువులను శివునికి నైవేద్యంగా పెట్టాలి..
నెయ్యి, పంచదార, గోధుమ పిండితో చేసిన ప్రసాదాన్ని సోమవారం నాడు పరమశివునికి నైవేద్యంగా పెట్టాలి. ధూపం, దీపాలతో పరమేశ్వరుడికి హారతి ఇవ్వాలి. అనంతరం ప్రసాదం నేవైద్యం పెట్టి, అందరికీ పంచాలి. ఇలా చేయడం వల్ల శివుడి అనుగ్రహం లభించింది మీ కష్టాలన్నీ తొలగిపోతాయి.
ఈ మంత్రం లాభాలను ఇస్తుంది..
సోమవారం నాడు మహామృత్యుంజయ మంత్రాన్ని 108 సార్లు జపించడం ద్వారా శివుని విశేష అనుగ్రహం లభిస్తుంది. శివలింగానికి పచ్చి ఆవు పాలను సమర్పించడం కూడా మంచి నివారణగా పరిగణించబడుతుంది.
అవసరమైన వారికి దానం చేయండి..
సోమవారం నాడు తలస్నానం చేసిన తర్వాత తెల్లటి రంగు దుస్తులు ధరించాలి. ఈ రోజున తెల్లని రంగు ఆహార పదార్థాలను అవసరమైన వారికి దానం చేయాలి. ఇది జాతకంలో చంద్ర గ్రహం స్థితిని బలపరుస్తుంది. ఇంట్లో ఆనందం, శాంతిని కలిగిస్తుంది.
గమనిక: ఇందులో పేర్కొన్న సమాచారం మత విశ్వాసాల ఆధారంగా ఇవ్వడం జరిగింది. దీనిని టీవీ9 తెలుగు ధృవీకరించడం లేదు.
మరిన్ని ఆధ్యాత్మిక వార్తల కోసం ఈ లింక్ క్లిక్ చేయండి..
