Uttar Pradesh: నేరస్తుల గుండెల్లో గుబులు పుట్టిస్తున్న బుల్డోజర్.. నిన్నపెట్రోల్ పంపు, ఇవాళ ఇల్లు, ఫాంహౌస్ కూల్చివేత!

Uttar Pradesh: నేరస్తుల గుండెల్లో గుబులు పుట్టిస్తున్న బుల్డోజర్.. నిన్నపెట్రోల్ పంపు, ఇవాళ ఇల్లు, ఫాంహౌస్ కూల్చివేత!
Sp Mla Shahjil Islam Farm House

ఉత్తరప్రదేశ్‌లో డబుల్ ఇంజన్ ప్రభుత్వాన్ని ఏర్పాటు చేసిన యూపీ ముఖ్యమంత్రి యోగి ఆదిత్యనాథ్‌, మళ్లీ బుల్డోజర్లకు పని చెప్పారు. రాష్ట్రంలో అక్రమ కట్టడాలపై ఉక్కుపాదం మోపుతున్నారు.

Balaraju Goud

|

Apr 09, 2022 | 11:33 AM

Uttar Pradesh Bulldozer: ఉత్తరప్రదేశ్‌లో అక్రమార్కుల గుండెల్లో బుల్డోజర్లు పరుగులు పెడుతున్నాయి. ఉత్తరప్రదేశ్‌లో డబుల్ ఇంజన్ ప్రభుత్వాన్ని ఏర్పాటు చేసిన యూపీ ముఖ్యమంత్రి యోగి ఆదిత్యనాథ్‌(Yogi Adityanath), మళ్లీ బుల్డోజర్లకు పని చెప్పారు. రాష్ట్రంలో అక్రమ కట్టడాలపై ఉక్కుపాదం మోపుతున్నారు. యూపీలో కూల్చివేతల పరంపర కొనసాగుతోంది. ఉత్తరప్రదేశ్‌లోని అధికార బీజేపీ ప్రభుత్వం(BJP Government) ప్రతిపక్షాలపై ప్రతీకార చర్యలకు పాల్పడుతోందని ప్రతిపక్ష పార్టీలు ఆరోపిస్తున్నాయి. నిందితులు, నేరస్తుల గుండెల్లో గుబులు పుట్టేలా యూపీ సర్కార్ వ్యవహరిస్తోంది. తప్పు చేస్తే ఏ క్షణంలో అధికారులు బుల్డోజర్ ​ను తమ ఇంటికి తీసుకొస్తారేమో అనే భయం నేరస్తుల్లో నెలకొంది. తాజాా బరేలీ జిల్లాకు చెందిన సమాజ్‌వాదీ పార్టీ ఎమ్మెల్యే షాజీల్ ఇస్లాం కష్టాలను తగ్గేలా లేవు.

రెండు రోజుల క్రితం, ఎమ్మెల్యే షాజీల్ ఇస్లాం అక్రమంగా నిర్మించిన అతని పెట్రోల్ పంపును బుల్డోజర్ సహాయంతో కూల్చివేశారు అధికారులు. పెట్రోల్ పంప్ నిబంధనల ప్రకారం నిర్మించలేదని, ఆ తర్వాత దానిని కూల్చివేశామని బరేలీ డెవలప్‌మెంట్ అథారిటీ (బీడీఏ) తెలిపింది. అదే సమయంలో, అతని ఇల్లు, బరాత్‌ఘర్, ఫామ్ హౌస్ కూడా బుల్డోజర్లు టార్గెట్‌ చేశాయి. వాస్తవానికి, ఈ భవనాల మ్యాప్‌ల ఆమోదానికి సంబంధించిన రుజువును చూపాలని బరేలీ డెవలప్‌మెంట్ అథారిటీ శుక్రవారం నోటీసు పంపింది. అయితే, ఎమ్మెల్యే షాజీల్ ఇస్లాం నుంచి ఎలాంటి సమాధానం రాలేదు. దీంతో అధికారులు దాడి చేసి, అక్రమ నిర్మాణాలను నేలమట్టం చేశారు.

వాస్తవానికి, రెండు రోజుల క్రితం, భోజిపురాకు చెందిన ఎస్పీ ఎమ్మెల్యే షాజిల్ ఇస్లాంకు చెందిన సిబిగంజ్‌లోని పెట్రోల్ పంప్ కూల్చివేయబడింది. ఎందుకంటే మ్యాప్ ఆమోదం లేకుండా పెట్రోల్ పంపు నిర్మించారని బరేలీ డెవలప్‌మెంట్ అథారిటీ వైస్ చైర్మన్ జోగేంద్ర కుమార్ అన్నారు. దీని కోసం ఇస్లాంకు నోటీసు ఇవ్వడం జరిగింది.అతను తన సమాధానం ఇవ్వలేదు. గత ఏడాది నుంచి నాలుగుసార్లు నోటీసులు ఇచ్చినా స్పందన రాలేదన్నారు. దీంతో పెట్రోల్ పంపు నిర్మాణాన్ని కూల్చివేశారు. షాజీల్ ఇస్లాం 2019లో అధికారులకు ఇచ్చిన పత్రాలలో నగర భూ సరిహద్దు విభాగం నుండి నో అబ్జెక్షన్ సర్టిఫికేట్ లేదు. అంతేకాదు ప్రభుత్వం సీలింగ్ ల్యాండ్‌లో పెట్రోల్ పంపు ఏర్పాటు చేసినట్లు అధికారులు చెబుతున్నారు.

ఎమ్మె్ల్యే షాజిల్ ఇస్లాం పాత ఇల్లు షహదానా స్క్వేర్‌లో నిర్మించడం జరిగింది. అతనికి CB గంజ్‌లో ఒక ఫామ్ హౌస్ కూడా ఉంది. అదే సమయంలో, ఈ మూడు భవనాలను కూడా మ్యాప్ ఆమోదం లేకుండానే నిర్మించారని బరేలీ డెవలప్‌మెంట్ అథారిటీ అనుమానిస్తోంది. అందుకే అధికార యంత్రాంగం మ్యాప్‌ను కోరింది. అదే సమయంలో, అధికార అధికారులు ప్రభుత్వ కార్యాలయంలోని ఫైళ్లను పరిశీలిస్తున్నారు. ఇప్పుడు షాజిల్‌కు నోటీసు ఇవ్వడంతో, అతని మ్యాప్ ఆమోదానికి రుజువును కోరింది. ప్రస్తుతం, షాజిల్ ఇస్లాం కేసుకు సంబంధించి బరేలీ డెవలప్‌మెంట్ అథారిటీ చాలా చురుకుగా ఉంది. బీడీఏ అతని ఆస్తులపై దర్యాప్తు చేస్తోంది. కాగా షాజీల్ ఇస్లాంపై కేసు నమోదు చేసిన పోలీసులు మౌనం వహిస్తున్నారు. నిజానికి, షాజీల్ ఇస్లాం గతంలో తుపాకీ బుల్లెట్లతో బెదిరింపులకు పాల్పడినట్లు ఆరోపణలు ఉన్నాయి. ఇందుకు సంబంధించి అతనిపై పోలీసులు కేసు నమోదు చేశారు. అదే సమయంలో, రెండు రోజుల క్రితం, షాజీల్ ఇస్లాం అనుచిత వ్యాఖ్యలకు సంబంధించిన ఆడియో ఇంటర్నెట్ మీడియాలో వైరల్ అయ్యింది.

Read Also…. Economic Crisis: శ్రీలంక తరహాలోనే భారత్‌లోని పలు రాష్ట్రాల పరిస్థితి.. ఇప్పుడు కళ్లు తెరిస్తేనే మంచిదంటూ బ్యూరోక్రాట్ల వార్నింగ్

Follow us on

Related Stories

Most Read Stories

Click on your DTH Provider to Add TV9 Telugu