Dates: రోజూ ఉదయం ఖర్జూరం తింటే జరిగేది ఇదే..

ఖర్జూరాల గురించి ప్రత్యేకంగా పరిచయాలు అవసరం లేవు. వీటి గురించి చాలా మందికి తెలిసే ఉంటుంది. ఖర్జూరాలను ప్రతి రోజూ తినే అలవాటు చేసుకుంటే ఎన్నో సమస్యల నుంచి బయట పడొచ్చు..

Dates

Chinni Enni |
Updated on: Nov 29, 2024 | 11:59 AM

ఆరోగ్యంగా, అందంగా ఉండాలంటే అందుకు తగినట్టు ఆహారం తీసుకోవాలి. సరైన ఆహారం తీసుకుంటేనే లోపలి నుంచి అందంగా, ఆరోగ్యంగా ఉండగలం. ఏ ఆహారాలు పడితే వాటిని తినడం వల్ల అనవసర జబ్బులు రావడం ఖాయం. కాబట్టి మీ డైట్ ప్లాన్‌ని మార్చుకోండి. ఖర్జూరాలు అందరికీ తెలిసే ఉంటుంది. ఏదో ఎప్పుడో ఒక్కోటి తింటూ ఉంటారు. అలా కాకుండా ప్రతి రోజూ ఉదయం పూట ఖర్జూరం తింటే శరీరానికి చాలా మంచిది. అందులోనూ స్కూల్‌కి వెళ్లే పిల్లలకు అందిస్తే వారు మరింత ఆరోగ్యంగా ఉంటారు. రోగ నిరోధక శక్తి మెరుగు పడటమే కాకుండా, కండరాలు బలంగా ఉంటాయి. డేట్స్ తినడం వల్ల ఉత్సాహంగా ఉంటారు. దీర్ఘకాలిక వ్యాధులతో బాధ పడేవారు ప్రతి రోజూ డేట్స్‌ని మీ డైట్‌లో యాడ్ చేసుకోవడం చాలా ముఖ్యం. ఖర్జూరాల్లో అనేక పోషకాలు లభిస్తాయి. ఖర్జూరాలు తినడం వల్ల శరీరానికి అనేక లాభాలు కలుగుతాయి. మరి అవేంటో ఇప్పుడు చూద్దాం.

ఖర్జూరంలో పోషకాలు:

డేట్స్‌లో నియాసిన్, పొటాషియం, విటమిన్ బి6, రాగి, సెలీనియం, మెగ్నీషియం, ఫైబర్, యాంటీ ఆక్సిడెంట్లు ఉంటాయి.

రోగ నిరోధక శక్తి పెరుగుతుంది:

ఖర్జూరాలు తినడం వల్ల శరీరంలో రోగ నిరోధక శక్తి అనేది పెరుగుతుంది. వీటిల్లో ఉండే పోషకాలు ఇమ్యూనిటీని పెంచుతాయి. దీంతో రోగాలతో పోరాడే శక్తి లభిస్తుంది. ఇన్ఫెక్షన్లు, జబ్బులు త్వరగా రాకుండా ఉంటాయి. శరీరానికి తక్షణమే శక్తి కూడా అందుతుంది. చాలా మంది నీరసంగా ఉంటూ ఉంటారు. అలాంటి వారు ఉదయాన్నే రెండు ఖర్జూరాలు తింటే ఎనర్జిటిక్‌గా ఉంటారు.

ఇవి కూడా చదవండి

చర్మ సమస్యలు:

చర్మ సమస్యలతో బాధ పడేవారు ప్రతి రోజూ ఖర్జూరాలు తినడం వల్ల మంచి ఫలితం ఉంటుంది. చర్మ సమస్యలు రాకుండా ఉండాలన్నా ప్రతి రోజూ ఖర్జూరాలు తినాలి. ఇందులో ఉండే పోషకాలు చర్మాన్ని ఆరోగ్యంగా ఉండేలా చేస్తాయి.

గుండె సమస్యలు దూరం:

ఉదయం పూట ఖర్జూరాలు తినడం వల్ల గుండె సమస్యలు కూడా రాకుండా ఉంటాయి. గుండె సంబంధిత సమస్యలతో బాధ పడేవారు డేట్స్ తింటే మంచి ఫలితం కనిపిస్తుంది. ఇందులో ఉండే పొటాషియం గుండెకు శక్తిని ఇస్తుంది. రక్త పోటు కూడా కంట్రోల్‌లో ఉంటుంది. కాబట్టి రక్త పోటు ఉన్నవారు తిన్నా మంచిదే.

జీర్ణ సమస్యలు:

జీర్ణ సంబంధిత సమస్యలతో బాధ పడేవారు తరచూ ఖర్జూరాలు తినడం వల్ల మంచి ఫలితం ఉంటుంది. జీర్ణ సమస్యలు త్వరగా కంట్రోల్ అవుతాయి. ఖర్జూరాల్లో జీవక్రియను మెరుగు పరిచే గుణాలు కూడా ఉన్నాయి. కాబట్టి తిన్న ఆహారం త్వరగా జీర్ణం అవడమే కాకుండా.. మెటబాలిజం రేటు కూడా పెరుగుతుంది.