Almonds Side Effects : బాదం పప్పులు ఎక్కువగా తినకండి.. ఊపిరిపోయే ప్రమాదం పొంచి ఉంది..! నిపుణుల హెచ్చరిక

బాదంపప్పులను భారతదేశంలోనే కాకుండా ప్రపంచవ్యాప్తంగా ప్రజలు ఎంతో బలవర్ధకమైన ఆహారంగా తింటారు. ఇందులోని పోషకాలు శరీరానికి ఎంతో మేలు చేస్తాయి.. కాబట్టి దీన్ని తినమని మన పెద్దలు, వైద్యులు కూడా చెబుతుంటారు. బాదంపప్పు తింటే మెదడు షార్ప్ అవ్వడమే కాకుండా జ్ఞాపకశక్తి కూడా పెరుగుతుందని అంటారు. ఈ ప్రయోజనాలను తెలుసుకున్న చాలా మంది ఈ డ్రై ఫ్రూట్‌ని అవసరానికి మించి తీసుకోవడం మొదలు పెడుతున్నారు. ఇలా చేయడం వల్ల శరీరానికి మేలు కంటే కీడే ఎక్కువగా జరుగుతుందని వైద్య నిపుణులు హెచ్చరిస్తున్నారు. ఈ నేప‌థ్యంలో బాదం ప‌ప్పుల‌ను మితిమీరి తీసుకుంటే ఎలాంటి ప‌రిణామాలు ఎదుర్కొవాల్సి వస్తుందో ఇక్కడ తెలుసుకుందాం.

బాదంపప్పు ఎక్కువగా తినడం మూత్రపిండాల ఆరోగ్యానికి మంచిది కాదు. ఈ డ్రై ఫ్రూట్‌లో ఆక్సలేట్ ఉంటుంది. ఇది మూత్రపిండాల్లో రాళ్లకు దారితీస్తుంది. అలాగే, బాదంపప్పులో విటమిన్ ఇ పుష్కలంగా ఉంటుంది. బాదం పప్పును ఎక్కువగా తింటే, అది విటమిన్ ఓవర్‌డోస్‌కు దారితీస్తుంది. ఇది రక్తస్రావం వంటి తీవ్రమైన వ్యాధులకు దారితీస్తుంది. అలాగే బాదం పప్పును ఎక్కువగా తీసుకోవడం వల్ల శరీరంలో టాక్సిన్స్ పెరిగి పొట్టకు మంచిది కాదు. ఈ కారణంగా, గర్భిణీ స్త్రీలు దీనిని తినకూడదని సలహా ఇస్తారు.

అలాగే, బాదంలో చాలా ఫైబర్ ఉంటుంది. ఇది కడుపుకు మంచిదని భావిస్తారు. కానీ, దీనిని ఎక్కువగా తినడం వల్ల మలబద్ధకం, జీర్ణ సమస్యలు వస్తాయి. మీరు బరువు పెరగడం గురించి ఆందోళన చెందుతుంటే, బాదంపప్పును ఎప్పుడూ ఎక్కువగా తినకండి. అది మీ బరువును పెంచుతుంది. పొట్ట చుట్టూ కొవ్వు పేరుకుపోయేలా చేస్తుంది. ఎక్కువ పరిమాణంలో బాదంపప్పును తింటే, వాటిలోని ఫైబర్ కాల్షియం, ఐరన్, జింక్, మెగ్నీషియం శోషణను నిరోధిస్తుంది. అంతేకాదు.. పరిమితి కంటే ఎక్కువ బాదంపప్పు తినడం వల్ల శరీరంలో హెచ్‌సిఎన్ స్థాయి పెరుగుతుంది. ఇది శ్వాస సమస్యలకు దారితీస్తుంది. అదనంగా, నాడీ పతనం, ఊపిరిపోయే ప్రమాదం కూడా ఉంది.

ఇవి కూడా చదవండి

తమలపాకు మిరియాలు కలిపి తింటే ఏమవుతుందో తెలుసా..?

ఎక్కువ కాలం ఆరోగ్యంగా జీవించాలంటే... ఇలాంటి ఆహారం మేలు..

మీ చర్మం ముత్యంలా మెరిసిపోవడానికి అద్భుతమైన ఇంటి చిట్కాలు..

అక్టోబరు 29న ప్రపంచ స్ట్రోక్ డే.. మహిళల్లోనే ఎక్కువ సమస్య..

బాదంపప్పులో ఫైటిక్ యాసిడ్ అనే సమ్మేళనం ఉంటుంది. ఈ ఫైటిక్ యాసిడ్ కాల్షియం, జింక్, ఐరన్ వంటి అవసరమైన ఖనిజాలను జీర్ణం చేసే శరీర సామర్థ్యాన్ని అడ్డుకుంటుంది. బాదం ఒక పోషకమైన ఆహారం అయినప్పటికీ, ఎక్కువగా తినడం వల్ల శరీరంలో ఈ ఖనిజాల లోపం ఏర్పడుతుంది. బాదం ఆరోగ్య ప్రయోజనాలను పొందడానికి, కొన్ని బాదంపప్పులను రాత్రిపూట నీటిలో నానబెట్టుకుని..ఆ మరుసటి రోజు ఉదయం పైన పొట్టును తీసేసి తినండి.

(గమనిక: ఆరోగ్య నిపుణులు, ఇతర అధ్యాయనాల ద్వారా అందిన సమాచారం మేరకు ఈ వివరాలు అందిస్తున్నాం.. ఇందులోని అంశాలు కేవలం అవగాహన కోసం మాత్రమే. ఏదైనా సందేహాలు,సమస్యలు ఉన్నా వైద్యులను సంప్రదించడమే మంచిదని గమనించగలరు.)

మరిన్ని లైఫ్ స్టైల్ న్యూస్ కోసం క్లిక్ చేయండి..