Benefits of Sesame Seeds: నువ్వులు, బెల్లం కలిపిన లడ్డూలు ఈ రోగాలకి దివ్య ఔషధం.. రోజుకోటి తింటే ఎన్నిలాభాలో… ఎలాగంటే..?
పిల్లలకు, ఒక చెంచా నుండి 2 చెంచాల నువ్వులు + బెల్లం మిశ్రమం కలిపి తినవచ్చు. నువ్వుల లడ్డూ అయితే అందులో సగం లడ్డూ తినొచ్చు. కొంతమంది పిల్లలు నువ్వులు తినడానికి ఇష్టపడరు. నువ్వులను గ్రైండ్ చేసి అందులో బెల్లం, నెయ్యి, యాలకులు కలిపి లడ్డూలుగా చేసుకుంటే ఇష్టంగా తింటారు.
నువ్వుల వల్ల కలిగే ఆరోగ్య ప్రయోజనాల గురించి అందరికీ తెలిసిందే. ఈ నువ్వులు రెండు రకాలుగా మార్కెట్లో అందుబాటులో ఉంటాయి. అవి నల్ల నువ్వులు, తెల్ల నువ్వులు. తెల్ల నువ్వులను ఎక్కువగా వంటకాల్లో ఉపయోగిస్తుంటారు. ఇక నల్ల నువ్వులను పూజాది కార్యక్రమాలతో పాటు, కొందరు వంటల్లోనూ ఉపయోగిస్తారు. అలాగే, నువ్వుల నూనె కూడా వంటలు, పూజలకు వాడుతుంటారు. అయితే, నల్ల నువ్వులు, తెల్ల నువ్వుల్లోనూ ఉండే పోషకాలు మాత్రం సమానంగా ఉంటాయి. అయితే నువ్వులు, బెల్లం కలిపి తింటే ఎన్ని ఆరోగ్య ప్రయోజనాలు కలుగుతాయో తెలిస్తే మాత్రం మీరు షాక్‌ అవ్వాల్సిందే.
నువ్వులను బెల్లంతో కలిపి తినడం వల్ల శరీరానికి అనేక రకాల ఆరోగ్య ప్రయోజనాలు లభిస్తాయి.
పొటాషియం, సోడియం, ఐరన్ వంటి పోషకాలు బెల్లంలో లభిస్తాయి. అదేవిధంగా నువ్వులు వివిధ రకాల పోషకాలను కలిగి ఉంటాయి. అందుకే మన పూర్వీకులు నువ్వులు, బెల్లంతో చిరుతిళ్లు చేసి పిల్లలకు పెట్టేవారు. పిల్లల పోషణను పెంచడంలో నువ్వులు, బెల్లం ప్రధాన పాత్ర పోషిస్తాయి. బెల్లం, నువ్వులు ఈ రెండు పదార్థాలు మన శరీరంలో వేడిని పుట్టిస్తాయి.. అందువల్ల చాలా మంది నువ్వులకు దూరంగా ఉంటారు. అయితే వేయించిన నువ్వులు, బెల్లం కలిపి తింటే గుండె ఆరోగ్యం మెరుగుపడుతుంది.
నువ్వులు, బెల్లం కలయికలో అసంతృప్త కొవ్వు ఆమ్లాలు పుష్కలంగా ఉంటాయి. ఈ మిశ్రమాన్ని ప్రతిరోజూ కొద్దిగా తింటే గుండె ఆరోగ్యం మెరుగుపడుతుంది. ఇది మీ గుండె జబ్బుల ప్రమాదాన్ని తగ్గిస్తుంది.
మధుమేహ బాధితులు
మధుమేహం ఉన్నవారు బెల్లం తినకూడదు. కానీ ఇందులో చాలా పోషకాలు ఉన్నందున, దీనిని తక్కువ పరిమాణంలో తినవచ్చు. రోజుకు అర చెంచా కంటే తక్కువ బెల్లం తీసుకోవడం వల్ల శరీరానికి మేలు జరుగుతుంది. అతిగా తినడం వల్ల రక్తంలో చక్కెర స్థాయిలు పెరుగుతాయి.
ఐరన్ లోపము
రక్తహీనత ఉన్నవారు, ఐరన్ తక్కువగా ఉన్నవారు వేయించిన నువ్వులు, బెల్లం కలిపి తినవచ్చు. రోజూ ఒక చెంచా నువ్వులు, బెల్లం కలిపి తీసుకుంటే శరీరంలో ఐరన్ లోపం తగ్గుతుంది. ఐరన్ లోపం ఎక్కువగా స్త్రీలు, పిల్లలలో సంభవిస్తుంది. వారు ఇలా తినటం మంచిది.
బరువు కోల్పోతారు!
రోజూ 1 చెంచా నువ్వులు, బెల్లం కలిపి తింటే బరువు తగ్గుతారు. ఎందుకంటే ఇలా తింటే ఎక్కువసేపు ఆకలి వేయదు. ఈ విధంగా మీరు కేలరీలు అధికంగా ఉండే ఆహారాన్ని తినకుండా నివారించవచ్చు.
చెడు కొవ్వు
నువ్వులు, బెల్లం తింటే శరీరంలోని చెడు కొలెస్ట్రాల్ త్వరగా తగ్గిపోతుంది. కొలెస్ట్రాల్ సమస్య ఉన్నవారు ప్రతిరోజూ ఒక చెంచా నువ్వులు, బెల్లం తినవచ్చు. ఇది సహజంగా చెడు కొలెస్ట్రాల్‌ను తగ్గించడంలో మీకు సహాయపడుతుంది.
ఎంత తినాలి?
మధుమేహం ఉన్నవారు అర చెంచా కంటే ఎక్కువ తినకూడదు. పిల్లలకు, ఒక చెంచా నుండి 2 చెంచాల నువ్వులు + బెల్లం మిశ్రమం కలిపి తినవచ్చు. నువ్వుల లడ్డూ అయితే అందులో సగం లడ్డూ తినొచ్చు. కొంతమంది పిల్లలు నువ్వులు తినడానికి ఇష్టపడరు. నువ్వులను గ్రైండ్ చేసి అందులో బెల్లం, నెయ్యి, యాలకులు కలిపి లడ్డూలుగా చేసుకుంటే ఇష్టంగా తింటారు.
మరిన్ని హెల్త్ వార్తల కోసం ఇక్కడ క్లిక్ చేయండి
