Glowing Skin: చర్మంపై మచ్చలు, ముడతలు పోవాలా.. రాత్రి పూట ఇలా చేస్తే చాలు.. మెరిసే అందం మీ సొంతం..
Glowing Skin: చర్మంలో ముడతల సమస్య తగ్గాలంటే హైడ్రేటెడ్గా ఉంచుకోవాలి. చర్మంలో ముడతల వల్ల ముఖంలోని మెరుపు పోతుంది. దీంతో చర్మం వదులుగా కూడా మారుతుంది. యవ్వనంగా, మెరిసే చర్మం కోసం అలోవెరా జెల్, విటమిన్ ఈ క్యాప్సూల్స్ ఉపయోగించండి. దీని వల్ల చర్మంలో తేమ అలాగే ఉండి చర్మం కూడా బిగుతుగా మారుతుంది. ముడుతలను నివారించడానికి, మీరు రాత్రి నిద్రపోయే ముందు విటమిన్ ఈ క్యాప్సూల్తో చర్మాన్ని మసాజ్ చేయవచ్చు.
Updated on: Jul 31, 2023 | 8:40 AM
శారీరక ఆరోగ్యం పట్ల శ్రద్ధతో పాటు చర్మ సంరక్షణ కూడా అంతే ముఖ్యం. మన శరీరానికి ఎంత పోషణ అవసరమో చర్మానికి కూడా అంతే అవసరం. చర్మాన్ని మచ్చలు లేకుండా ఉంచడానికి, ప్రజలు అనేక రకాల సౌందర్య చికిత్సలు, ఉత్పత్తులను అనేక రకాలుగా ఉపయోగిస్తారు. కానీ, మెరిసే చర్మం కోసం మీరు ఇంటి నివారణలను కూడా ఉపయోగించవచ్చు.
చాలా సార్లు మార్కెట్ నుంచి కొనుగోలు చేసిన ఉత్పత్తులను ఉపయోగించడం వల్ల కూడా ముఖంపై మొటిమలు వచ్చే ప్రమాదం ఉంది. అయితే బ్యూటీ ప్రొడక్ట్స్ బదులు విటమిన్ ఈ క్యాప్సూల్స్, అలోవెరా జెల్ వంటివి వాడొచ్చు. దాని గురించి తెలుసుకుందాం..
రాత్రి పూట ఇలా చేయాలి..
రాత్రి పడుకునే ముందు మీ చర్మాన్ని బాగా శుభ్రం చేసుకోవాలి. దీని తరువాత, ఒక చెంచా అలోవెరా జెల్లో ఒక విటమిన్ ఈ క్యాప్సూల్ మిక్స్ చేసి మీ ముఖానికి అప్లై చేయండి. ఈ మిశ్రమాన్ని రాత్రంతా మీ ముఖంపై ఉంచి, ఉదయం నీటితో శుభ్రం చేసుకోండి. దీని వల్ల చర్మపు మచ్చలు, మొటిమల సమస్యలు పరిష్కారం అవుతాయి.
చర్మాన్ని మృదువుగా చేయడంలో సహాయం..
రోజులో ఉండే దుమ్ము, ధూళి కారణంగా చర్మం డల్ గా మారి మృదువుగా ఉండలేకపోతుంది. కానీ, అలోవెరాలో విటమిన్ ఈ క్యాప్సూల్స్ మిక్స్ చేసి ముఖానికి రాసుకుంటే చర్మం మృదువుగా మారుతుంది. ఇందులో ఉండే ఫ్యాటీ యాసిడ్స్, ఎంజైమ్లు చర్మానికి మెరుపునిస్తాయి. మీరు అలోవెరా జెల్, విటమిన్ ఈ కలిపి నూనెను కూడా అప్లై చేసుకోవచ్చు.
ముడతలు తక్కువగా ఉంటాయి..
చర్మంలో ముడతల సమస్య తగ్గాలంటే హైడ్రేటెడ్గా ఉంచుకోవాలి. చర్మంలో ముడతల వల్ల ముఖంలోని మెరుపు పోతుంది. దీంతో చర్మం వదులుగా కూడా మారుతుంది. యవ్వనంగా, మెరిసే చర్మం కోసం అలోవెరా జెల్, విటమిన్ ఈ క్యాప్సూల్స్ ఉపయోగించండి. దీని వల్ల చర్మంలో తేమ అలాగే ఉండి చర్మం కూడా బిగుతుగా మారుతుంది. ముడుతలను నివారించడానికి, మీరు రాత్రి నిద్రపోయే ముందు విటమిన్ ఈ క్యాప్సూల్తో చర్మాన్ని మసాజ్ చేయవచ్చు.
(ఈ కథనంలో అందించిన సమాచారం సాధారణ నమ్మకాలపై ఆధారపడి ఉంది. TV9 తెలుగు దీనిని ధృవీకరించలేదు. నిపుణులను సంప్రదించిన తర్వాత మాత్రమే అనుసరించాలి.)
మరిన్ని ఆరోగ్య వార్తల కోసం ఇక్కడ క్లిక్ చేయండి..
