డయాబెటిస్ రోగులకు అలర్ట్.. తీపి కోసం షుగర్ ఫ్రీ వాడేస్తున్నారా.. అయితే, ఈ జబ్బులు వస్తాయట..
శరీర బరువును నియంత్రించడానికి లేదా నాన్-కమ్యూనికేబుల్ వ్యాధుల ప్రమాదాన్ని తగ్గించడానికి చక్కెర రహిత స్వీటెనర్లను ఉపయోగించకుండా ప్రపంచ ఆరోగ్య సంస్థ (WHO) హెచ్చరించింది.
శరీర బరువును నియంత్రించడానికి లేదా నాన్-కమ్యూనికేబుల్ వ్యాధుల ప్రమాదాన్ని తగ్గించడానికి చక్కెర రహిత స్వీటెనర్లను ఉపయోగించకుండా ప్రపంచ ఆరోగ్య సంస్థ (WHO) హెచ్చరించింది. షుగర్-ఫ్రీ స్వీటెనర్ల (NSS) వాడకం పెద్దలు లేదా పిల్లలలో శరీర బరువును తగ్గించడానికి ఎటువంటి దీర్ఘకాలిక ప్రయోజనాన్ని అందించదని ఫలితాల ఆధారంగా ఈ సిఫార్సు చేయబడింది. షుగర్-ఫ్రీ స్వీటెనర్ల దీర్ఘకాలిక ఉపయోగం టైప్ 2 మధుమేహం, గుండె జబ్బులు, పెద్దలలో మరణాల ప్రమాదం వంటి అవాంఛిత ప్రభావాలను కలిగి ఉండవచ్చని సమీక్ష ఫలితాలు చూపించాయని WHO తెలిపింది.
WHOఆహార భద్రత డైరెక్టర్ ఫ్రాన్సిస్కో బ్రాంకా మాట్లాడుతూ “ఆహారం లేదా పానీయానికి చక్కెర స్థానంలో షుగర్-ఫ్రీ స్వీటెనర్లని ఉపయోగించడం దీర్ఘకాలిక బరువు తగ్గడానికి సహాయం చేయదు.అని తేల్చి చెప్పారు. షుగర్-ఫ్రీ స్వీటెనర్ లో ఎలాంటి పోషక విలువలు లేవు” అని బ్రాంకా ఒక ప్రకటనలో తెలిపారు. ప్రజలు తమ ఆరోగ్యాన్ని మెరుగుపరచుకోవడానికి జీవితంలో మొదటి నుండి వారి ఆహారంలో చక్కెర మొత్తాన్ని తగ్గించాలని సూచించారు.
నిజానికి షుగర్ ఫ్రీని ఎక్కువగా తీసుకోవడం ఆరోగ్యానికి హానికరం అని మీకు తెలుసా. షుగర్ ఫ్రీ తీసుకోవడం వల్ల ఆరోగ్యానికి ఎలాంటి హాని కలుగుతుందో తెలుసుకోండి. షుగర్ ఫ్రీ ట్యాబ్లెట్ల గురించి చాలా పరిశోధనలు జరిగాయి. కెనడాలోని మానిటోబా విశ్వవిద్యాలయంలో నిర్వహించిన పరిశోధనలో చక్కెరకు బదులుగా కృత్రిమ స్వీటెనర్లను ఉపయోగించడం వల్ల జీర్ణక్రియపై ప్రతికూల ప్రభావాలు ఉన్నాయని తేలింది. ఇది ప్రేగులలో ఉండే బ్యాక్టీరియాపై ప్రతికూల ప్రభావాన్ని చూపుతుంది.
ఊబకాయం కారణం కావచ్చు:
షుగర్ ఫ్రీ వినియోగం కూడా ఊబకాయానికి కారణమవుతుందని చాలా కొద్ది మందికి మాత్రమే తెలుసు. ఈ విషయాన్ని పరిశోధనలో కూడా ప్రస్తావించారు. పరిశోధన ప్రకారం, షుగర్ ఫ్రీ ఊబకాయం మరియు గుండె సంబంధిత వ్యాధులను కూడా ఆహ్వానిస్తుంది.
అధిక రక్తపోటు కావచ్చు:
కెనడియన్ పరిశోధనల ప్రకారం, కృత్రిమ స్వీటెనర్లు కూడా అధిక బిపి సమస్యలను కలిగిస్తాయి. కృత్రిమ స్వీటెనర్లలో అస్పర్టమే, సుక్రలోజ్ మరియు స్టెవియా వంటి పదార్థాలు ఉంటాయి. వీటి వల్ల హైబీపీతోపాటు అనేక వ్యాధులు రావచ్చు.
షుగర్ ఫ్రీ ఈ వ్యాధుల ప్రమాదాన్ని పెంచుతుంది:
సుమారు 9 ఏళ్లుగా ఫ్రాన్స్‌లో లక్ష మందిపై జరిపిన అధ్యయనంలో ఈ విషయం వెలుగులోకి వచ్చింది. ఇందులో మధుమేహ వ్యాధిగ్రస్తులను చేర్చారు. షుగర్ ఫ్రీ వాడే వారిలో గుండె జబ్బులు వచ్చే ప్రమాదం 9 శాతం ఎక్కువగా ఉంటుందని పరిశోధనలు చెబుతున్నాయి. అదే సమయంలో, అలాంటి వారిలో బ్రెయిన్ స్ట్రోక్ వచ్చే ప్రమాదం 18 శాతం ఎక్కువ అని తెలిపారు.
షుగర్ ఫ్రీ ఎందుకు హానికరం?
షుగర్ ఫ్రీ అనేది 3 లవణాలు కలపడం ద్వారా తయారు చేయబడుతుంది. ఈ మూడు లవణాలు ఊబకాయం, గుండె, మధుమేహం, బ్రెయిన్ స్ట్రోక్ ప్రమాదాన్ని పెంచుతాయి.
(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)
మరిన్ని హెల్త్ న్యూస్ కోసం
