Papaya Seeds: క్యాన్సర్ నుంచి కొలెస్ట్రాల్ వరకు సర్వరోగాలకు దివ్యౌషధం.. రోజూ గంజిలో కాస్తింత కలుపుకుని తాగితే చాలు!

బొప్పాయి గింజల్లో ఫైబర్, ఆరోగ్యకరమైన కొవ్వులు, ప్రోటీన్, జింక్, భాస్వరం, కాల్షియం, మెగ్నీషియం, ఐరన్‌, కాల్షియంతో సహా ఎన్నో రకాల విటమిన్లు, మినరల్స్‌ ఉంటాయి. అలాగే బొప్పాయి గింజల్లో మోనోఅన్‌శాచురేటెడ్ కొవ్వు, పాలీఫెనాల్స్, ఫ్లేవనాయిడ్‌లు కూడా గణనీయమైన స్థాయిలో ఉంటాయి. ఇవి శక్తివంతమైన యాంటీఆక్సిడెంట్‌లు. ఇవన్నీ ఆరోగ్యాన్ని మెరుగుపరచడంలో, వ్యాధులను నివారించడంలో చాలా సహాయపడతాయి. బొప్పాయి గింజల ఇతర ప్రయోజనాలు ఏమిటో ఇక్కడ తెలుసుకుందాం..

వాపును తగ్గిస్తుంది

బొప్పాయి గింజల్లో విటమిన్ సి, ఆల్కలాయిడ్స్, ఫ్లేవనాయిడ్స్, యు పాలీఫెనాల్స్ వంటి ఇతర సమ్మేళనాలు పుష్కలంగా ఉంటాయి. ఈ సమ్మేళనాలన్నీ శోథ నిరోధక లక్షణాలను కలిగి ఉంటాయి. అందువల్ల ఆర్థరైటిస్ వంటి సమస్యల వల్ల కలిగే మంటను తగ్గించడానికి, నిరోధించడానికి ఇవి సహాయపడతాయి.

క్యాన్సర్ వచ్చే ప్రమాదం తక్కువ

బొప్పాయి గింజల్లో ఉండే పాలీఫెనాల్స్ శరీరానికి శక్తివంతమైన యాంటీ ఆక్సిడెంట్లుగా పనిచేస్తాయి. ఈ లక్షణాలు అనేక రకాల క్యాన్సర్ల నుంచి మీ శరీరాన్ని రక్షించడానికి పని చేస్తాయి. రోజూ 5 నుంచి 6 బొప్పాయి గింజలను చూర్ణం చేసి పాలు లేదా నీలల్లో కలిపి తాగవచ్చు.

ఇవి కూడా చదవండి

సండే కదా అని చికెన్ తెస్తే ఎంత పనైంది..! కళ్ల ముందే ఘోరం

సంతలో దర్జాగా 'మద్యం' అమ్మకాలు.. ఎక్కడో తెలుసా? వీడియో

పెద్దోళ్ల కురసబుద్ది..అర్ధరాత్రి BMWకారులో వచ్చి ఏంచేసిందో చూడండి

ఏందయ్యా ఈ ఘోరం.. పిట్టల్లా రాలిపోతున్న జనాలు! ఆపేదారేలేదా.. Video

పీరియడ్స్ సమస్యలు దూరం

బొప్పాయిలోని కెరోటిన్‌లు ఈస్ట్రోజెన్ వంటి హార్మోన్‌ల ఉత్పత్తిని నియంత్రించడంలో సహాయపడతాయి. అదేవిధంగా బొప్పాయి గింజలు రుతుక్రమాన్ని ఉత్తేజపరిచేందుకు, దాని క్రమాన్ని మెరుగుపరచడంలో సహాయపడతాయి. అలాగే, ఇది పీరియడ్స్ నొప్పిని తగ్గించడంలోనూ సహాయపడుతుంది.

గట్ ఆరోగ్యం

బొప్పాయి గింజలో ఉండే కార్బెన్ పేగుల్లో ఉండే పురుగులు, బ్యాక్టీరియాను చంపి మలబద్ధకాన్ని నివారిస్తుంది. జీర్ణవ్యవస్థ ఆరోగ్యాన్ని కాపాడుతుంది. బొప్పాయి గింజల్లో ఉండే అధిక పీచు పదార్థం ప్రేగు కదలికలను నియంత్రిస్తుంది. తద్వారా జీర్ణవ్యవస్థను ఆరోగ్యంగా ఉంచుతుంది.

కొలెస్ట్రాల్ తగ్గిస్తుంది

సాధారణంగా ఫైబర్ మన శరీరంలో కొలెస్ట్రాల్ స్థాయిలను తగ్గించడంలో సహాయపడుతుంది. దీని ప్రకారం బొప్పాయి గింజల్లోని ఫైబర్ శరీరంలోని కొలెస్ట్రాల్ స్థాయిని అదుపులో ఉంచడంలో సహాయపడుతుంది. అంతేకాదు బొప్పాయి గింజల్లో ఉండే ఒలేయిక్ యాసిడ్, మోనోశాచురేటెడ్ ఫ్యాటీ యాసిడ్‌లు శరీరంలోని చెడు కొలెస్ట్రాల్‌ స్థాయిలను తగ్గిస్తాయి.

బొప్పాయి గింజను ఎలా తినాలంటే

బొప్పాయి గింజలను తినడానికి, ముందుగా వాటిని రుబ్బుకోవాలి. అనంతరం పాలు, గంజి వంటి వాటితో కలిపి తాగవచ్చు. అంతే కాకుండా ఈ పొడిని వేడి నీటిలో కూడా కలుపుకుని తాగవచ్చు.

మరిన్ని ఆరోగ్య సంబంధిత వార్తల కోసం క్లిక్‌ చేయండి.