Game Changer: అఫీషియల్.. గేమ్ ఛేంజర్ ప్రీ రిలీజ్ ఈవెంట్కు డిప్యూటీ సీఎం పవన్ కల్యాణ్.. ఫ్యాన్స్కు పండగే
మెగాభిమానులకు సంక్రాంతి ముందే రానుంది. గ్లోబల్ స్టార్ రామ్ చరణ్ గేమ్ ఛేంజర్ ప్రీ రిలీజ్ ఈవెంట్ కు ఏపీ డిప్యూటీ సీఎం పవర్ స్టార్ పవన్ కల్యాణ్ ముఖ్య అతిథిగా రానున్నారు. తాజాగా దీనికి సంబంధించి అధికారిక ప్రకటన వెలువడింది.
Updated on: Jan 02, 2025 | 10:55 PM
గ్లోబల్ స్టార్ రామ్ చరణ్ నటించిన ‘గేమ్ ఛేంజర్’ సినిమా విడుదలకు కౌంట్ డౌన్ మొదలైంది . ఈ చిత్రం జనవరి 10న గ్రాండ్గా విడుదల కానుంది. ఈ సినిమాపై అభిమానుల్లో భారీ అంచనాలు ఉన్నాయి. అభిమానుల అంచనాలను రెట్టింపు చేసేలా ట్రైలర్ను విడుదల చేశారు. ‘గేమ్ ఛేంజర్’ సినిమా ట్రైలర్ గురువారం (జనవరి 2) విడుదలైంది. SS రాజమౌళి ట్రైలర్ను విడుదల చేసి శుభాకాంక్షలు తెలిపారు. మెగా అభిమానులకు ఈ ట్రైలర్ బాగా నచ్చింది. సినిమా విడుదల కోసం వారు ఆతృతగా ఎదురుచూస్తున్నారు. తాజాగా మెగాభిమానులకు మరింత జోష్ ఇచ్చేలా మరో అప్డేట్ ఇచ్చారు మేకర్స్. గేమ్ ఛేంజర్’ సినిమా ప్రీరిలీజ్ ఈవెంట్పై చిత్రబృందం అధికారిక ప్రకటన విడుదల చేసింది. జనవరి 4వ తేదీన రాజమండ్రి వేదికగా ఈ మెగా ఈవెంట్ నిర్వహించబోతున్నట్లు స్పష్టం చేసింది. ఈ ఫంక్షన్కు ఆంధ్రప్రదేశ్ ఉప ముఖ్యమంత్రి పవన్ కల్యాణ్ ముఖ్య అతిథిగా హాజరు కాబోతున్నట్లు ప్రకటించారు. దీంతో మెగాభిమానుల ఆనందానికి హద్దుల్లేకుండా పోయాయి. బాబాయి, అబ్బాయిలను ఒకే వేదికపై చూసేందుకు ఆతృతగా ఎదురుచూస్తున్నామంటున్నారు మెగా ఫ్యాన్స్
కాగా ‘గేమ్ ఛేంజర్’ సినిమాలో రామ్ చరణ్కి జోడీగా బాలీవుడ్ బ్యూటీ కియారా అద్వానీ నటించింది. పొలిటికల్ థ్రిల్లర్తో పాటు ఫ్యామిలీకి నచ్చే సెంటిమెంట్ కథాంశంతో ఈ సినిమా ఉంటుందనే ట్రైలర్ ద్వారా నిరూపితమైంది. ఓవరాల్గా ఈ సినిమా మెగాభిమానులకు మంచి ఎంటర్టైన్మెంట్ ప్యాకేజీగా ఉండనుందని తెలుస్తోంది. ఈ సినిమాలో అంజలి, ఎస్.జె. సూర్య, సముద్రఖని, శ్రీకాంత్, నవీన్ చంద్ర, సునీల్ తదితరులు ప్రధాన పాత్రలు పోషించారు. థమన్ ఈ సినిమాకు సంగీతం అందించారు. ఇప్పటికే ఈ సినిమా నుంచి విడుదలైన రా మచ్చా, నానా హైరానా, జరగండి, ధోప్ పాటలు యూట్యూబ్ లో ట్రెండింగ్ లో నిలిచాయి. ఇక కొన్ని గంటల క్రితమే రిలీజ్ చేసిన ట్రైలర్ కూడా నెక్ట్స్ లెవెల్ ఉందంటున్నారు మెగా ఫ్యాన్స్.
రాజమండ్రిలో గేమ్ ఛేంజర్ ప్రీ రిలీజ్ ఈవెంట్..
A power packed pre release event for #GameChanger🔥 to be graced by the honorable Deputy CM of Andhra Pradesh @pawankalyan garu✨
The #MegaPowerEvent is going to be MASSIVE 🗓️ 4th January 📍 Rajahmundry#GameChangerOnJanuary10🚁
Global Star @AlwaysRamCharan @shankarshanmugh… pic.twitter.com/P653XEcQYu
— Game Changer (@GameChangerOffl) January 2, 2025
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి . .
