బోర్డర్ గవాస్కర్ ట్రోఫీ

బోర్డర్-గవాస్కర్ ట్రోఫీ అనేది భారతదేశం, ఆస్ట్రేలియా మధ్య జరిగే టెస్ట్ క్రికెట్ సిరీస్. ఇది ప్రస్తుతం ఇంటర్నేషనల్ క్రికెట్ కౌన్సిల్ ఫ్యూచర్ టూర్స్ ప్రోగ్రాం ద్వారా నిర్వహిస్తున్నారు. సిరీస్ డ్రా అయితే, ట్రోఫీని కలిగి ఉన్న దేశం వద్దే ట్రోఫీ ఉంటుంది. ఈ సిరీస్‌కు ఆస్ట్రేలియాకు చెందిన అలన్ బోర్డర్, భారతదేశానికి చెందిన సునీల్ గవాస్కర్ పేరు పెట్టారు. వీరి కెరీర్‌లో 10,000 కంటే ఎక్కువ టెస్ట్ పరుగులు చేశారు.

బోర్డర్-గవాస్కర్ ట్రోఫీకి ముందు, భారత్, ఆస్ట్రేలియా 1947 నుంచి 1996 వరకు 49 సంవత్సరాల కాలంలో 50 సార్లు తలపడ్డాయి. స్వాతంత్ర్యం వచ్చిన వెంటనే భారతదేశాన్ని సందర్శించిన మొదటి దేశంగా ఆస్ట్రేలియా నిలిచింది. అయితే, ఈ కాలంలో, రెండు దేశాల మధ్య పర్యటనలు యాషెస్‌లో వలె షెడ్యూల్ చేయలేదు. రెండు దేశాలు తరచుగా 10-15 సంవత్సరాల తర్వాత ఇరు దేశాల్లో పర్యటించడం మొదలెట్టాయి. ఈ 50 టెస్టుల్లో ఆస్ట్రేలియా 24 సార్లు గెలుపొందగా, భారత్ 8 సార్లు గెలుపొందగా, 1 టెస్టు టై కాగా, మిగిలిన 17 టెస్టులు డ్రా అయ్యాయి. ప్రస్తుతం ఈ సిరీస్‌లో భాగంగా 5 టెస్ట్ మ్యాచ్‌లు జరగనున్నాయి.