అన్‏స్టాపబుల్ విత్ ఎన్బీకే

నటసింహం నందమూరి బాలకృష్ణ ఓ వైపు హీరోగా రాణిస్తూనే మరోవైపు టాక్ షోతో ఆకట్టుకుంటున్నారు. ప్రముఖ ఓటీటీ సంస్థ ఆహాలో ఈ టాక్ షో స్ట్రీమింగ్ అవుతుంది. తెలుగు కంటెంట్ తో ప్రేక్షకుల మన్నలను పొందిన ఆహా. అన్ స్టాపబుల్  అంటూ ప్రేక్షకులను అలరిస్తున్నారు బాలయ్య.  బాలయ్య షోతో ప్రేక్షకులకు డబుల్ ఎంటర్టైనమెంట్ ఇస్తుంది. ఇప్పటికే విజయవంతంగా మూడు సీజన్స్ పూర్తి చేసుకున్న అన్ స్టాపబుల్ ఇప్పుడు సీజన్ 4తో ప్రేక్షకుల ముందుకు రానుంది. ఇప్పటికే ఈ షోకు చాలా మంది ప్రముఖులు, సినీ సెలబ్రెటీలు హాజరయ్యి సందడి చేశారు. బాలయ్య తనదైన స్టైల్ లో చిలిపి ప్రశ్నలు వేసి గెస్ట్ గా వచ్చిన వారిని తికమక పెట్టారు. ఇప్పటికే మహేష్ బాబు, పవన్ కళ్యాణ్, అల్లు అర్జున్, ప్రభాస్ లాంటి స్టార్ హీరోలతో పాటు బాలీవుడ్ హీరో రణబీర్ కపూర్ కూడా హాజరయ్యి అలరించారు. అలాగే రాజకీయ ప్రముఖులు చంద్రబాబు, కిరణ్ కుమార్ రెడ్డి కూడా ఈ షోలో సందడి చేశారు. ఇక ఇప్పుడు సీజన్ 4లోనూ చాలా మంది ప్రముఖులు హాజరు కానున్నారు.