అమ్మబాబోయ్.. ఈ లక్షణాలు కనిపిస్తే శరీరంలో యూరిక్ యాసిడ్ పెరిగినట్లే..

యూరిక్ యాసిడ్ అనేది ఆహారం.. నీరు, అలాగే కణాల విచ్ఛిన్నం కారణంగా శరీరంలో ఉత్పత్తి అయ్యే రసాయనం.. ఇది రక్తంలో కరిగి మూత్రపిండాల ద్వారా మూత్రంలో విసర్జించబడుతుంది. శరీరంలో యూరిక్ యాసిడ్ పరిమాణం పెరిగితే లేదా మూత్రపిండాలు దానిని సరిగ్గా విసర్జించలేకపోతే, దాని స్థాయి అసాధారణంగా పెరుగుతుంది. అధిక ప్రోటీన్ ఆహారం, మద్యం సేవించడం, ఊబకాయం, పేలవమైన జీవనశైలి, తగినంత నీరు తీసుకోకపోవడం యూరిక్ యాసిడ్ పెరగడానికి ప్రధాన కారణాలు.. ఇంకా, కొన్ని వ్యాధులు, మందులు కూడా దాని స్థాయిని ప్రభావితం చేస్తాయి. పెరిగిన యూరిక్ యాసిడ్ శరీరంలో వాపు, నొప్పిని కలిగిస్తుంది. ముఖ్యంగా.. కాళ్లు, చేతుల వేళ్లల్లో వాపు, నొప్పి ఎక్కువగా ఉంటుంది..

అధిక యూరిక్ యాసిడ్ వల్ల కలిగే అత్యంత సాధారణ సమస్య గౌట్.. ఇది కీళ్లలో తీవ్రమైన నొప్పి, వాపును కలిగిస్తుంది. యూరిక్ యాసిడ్ మూత్రపిండాల్లో రాళ్లకు కూడా దారితీస్తుంది. ఇది మూత్ర విసర్జనలో ఇబ్బంది, నొప్పి – ఇన్ఫెక్షన్‌కు కారణమవుతుంది. దీర్ఘకాలికంగా పెరిగిన యూరిక్ యాసిడ్ స్థాయిలు గుండెపోటు, అధిక రక్తపోటు, తీవ్రమైన మూత్రపిండాల సమస్యలకు దారితీయవచ్చు.. ఇది శరీరంలో మంట మరియు ఆక్సీకరణ ఒత్తిడిని కూడా పెంచుతుంది.. ఎముకలు – కండరాలను ప్రభావితం చేస్తుంది. అందువల్ల, ప్రజలు తరచుగా ప్రారంభ తేలికపాటి లక్షణాలను విస్మరిస్తారు.. దీని వలన వ్యాధి క్రమంగా మరింత తీవ్రమవుతుంది.

యూరిక్ యాసిడ్ పెరుగుదల లక్షణాలు ఏమిటి?

ఆర్‌ఎంఎల్ హాస్పిటల్‌లోని మెడిసిన్ విభాగానికి చెందిన డాక్టర్ సుభాష్ గిరి వివరిస్తూ.. అధిక యూరిక్ యాసిడ్ ప్రారంభ లక్షణాలు తరచుగా తేలికపాటివి, సాధారణ అలసట లేదా కీళ్ల నొప్పిగా భావించబడతాయి. సాధారణ లక్షణాలలో కీళ్లలో, ముఖ్యంగా బొటనవేళ్లు, మోకాలు, చీలమండలలో ఆకస్మిక నొప్పి, వాపు ఉంటాయి. కీళ్లలో ఎరుపు, వెచ్చదనం ధృఢత్వం కూడా అనిపించవచ్చు.

తీవ్రమైన సందర్భాల్లో, గౌట్ దాడి రాత్రిపూట తీవ్రమయ్యే పదునైన, ఆకస్మిక నొప్పితో కూడి ఉంటుంది. కొంతమందికి మూత్రపిండాల్లో రాళ్లు, మూత్ర విసర్జన సమయంలో మంట లేదా తరచుగా మూత్ర విసర్జన కూడా వస్తుంది. ఇంకా, అలసట, కండరాల బలహీనత – కొన్నిసార్లు జ్వరం కూడా సంభవించవచ్చు. ఈ లక్షణాలు కొనసాగితే, తక్షణ వైద్య సహాయం – చికిత్స అవసరం.. ఎందుకంటే వాటిని విస్మరించడం దీర్ఘకాలంలో తీవ్రమైన ఆరోగ్య సమస్యలకు దారితీస్తుంది.

యూరిక్ యాసిడ్‌ను ఎలా నియంత్రించాలి

ప్రోటీన్ – అధిక ప్యూరిన్ ఆహారాలను తగ్గించండి.

రోజంతా కనీసం 7 నుండి 8 గ్లాసుల నీరు త్రాగాలి.

చక్కెర పానీయాలు – మద్యం మానుకోండి.

తేలికపాటి వ్యాయామం చేయండి లేదా క్రమం తప్పకుండా నడవండి.

ఊబకాయాన్ని తగ్గించుకోవడానికి ఆరోగ్యకరమైన ఆహారాన్ని అలవాటు చేసుకోండి.

వైద్యుల సలహా మేరకు మందులు – సప్లిమెంట్లను తీసుకోండి.

ఒత్తిడిని తగ్గించుకోవడానికి యోగా, ధ్యానం చేయండి.

మరిన్ని హెల్త్ వార్తల కోసం ఇక్కడ క్లిక్ చేయండి..