Pawan Kalyan: ‘రంగబలి’లో పవన్ కల్యాణ్ ఐకానిక్ స్టెప్.. నాగశౌర్య, జానీ మాస్టర్ల మాస్ డ్యాన్స్ చూశారా?
మూవీ ప్రమోషన్స్లో భాగంగా రంగబలి నుంచి డ్యాన్స్ వీడియోను రిలీజ్ చేశారు మేకర్స్. పవర్ స్టార్ పవన్ కల్యాణ్ నటించిన జానీ పాటను రీక్రియేట్ చేశారు నాగశౌర్య. నారాజుగాకుర పాటలోని పవన్ వేసిన ఐకానిక్ స్టెప్ప్ను దింపేశారు. నాగశౌర్యతో పాటు జానీ మాస్టర్ కూడా హుషారుగా స్టెప్పులేశారు.
Updated on: Jul 04, 2023 | 6:29 PM
యంగ్ హీరో నాగశౌర్య నటించిన తాజా చిత్రం రంగబలి. యుక్తి తరేజ హీరోయిన్గా కనిపించనుంది. కమెడియన్ సత్య కీలక పాత్రలో నటించారు. పవన్ బాసంశెట్టి దర్శకత్వం వహిస్తోన్న ఈ సినిమాను సుధాకర్ చెరుకూరి నిర్మించారు. ఇప్పటికే అన్ని హంగులు పూర్తి చేసుకున్న రంగబలి జులై 7న ప్రేక్షకుల ముందుకు రానుంది. దీంతో ప్రమోషన్ కార్యక్రమాల్లో స్పీడ్ పెంచింది చిత్రబృందం. ఇప్పటికే సినిమా నుంచి విడుదలైన పోస్టర్లు, టీజర్లు, ట్రైలర్లు ఓ రేంజ్లో హిట్ అయ్యాయి. ఇక మూవీ రిలీజ్ టైమ్ దగ్గర పడుతుండడంతో వినూత్నంగా ప్రమోషన్ కార్యక్రమాలు నిర్వహిస్తున్నారు. ఇప్పటికే ప్రముఖ టీవీ యాంకర్లను ఇమిటేట్ చేస్తూ కమెడియన్ సత్య స్పూఫ్ ఇంటర్వ్యూ తెగ వైరలవుతోంది. తాజాగా మూవీ ప్రమోషన్స్లో భాగంగా రంగబలి నుంచి డ్యాన్స్ వీడియోను రిలీజ్ చేశారు మేకర్స్. పవర్ స్టార్ పవన్ కల్యాణ్ నటించిన జానీ పాటను రీక్రియేట్ చేశారు నాగశౌర్య. నారాజుగాకుర పాటలోని పవన్ వేసిన స్టెప్ప్ను దింపేశారు. నాగశౌర్యతో పాటు జానీ మాస్టర్ కూడా హుషారుగా స్టెప్పులేశారు.
ప్రస్తుతం రంగబలికి సంబంధించిన ఈ డ్యాన్స్ వీడియో తెగ వైరలవుతోంది. నాగశౌర్య, జానీ మాస్టర్ల మాస్ డ్యాన్స్ అభిమానులను విపరీతంగా ఆకట్టుకుంటోంది. కాగా పవన్కి జానీ మాస్టర్ పెద్ద ఫ్యాన్ అన్న సంగతి ప్రత్యేకంగా చెప్పక్కర్లేదు. ఇక చాలా సందర్భాల్లో పవన్ కల్యాణ్పై తన అభిమానాన్ని బయటపెట్టాడు నాగ శౌర్య. ప్రస్తుతం యూట్యూబ్లో రంగబలి డ్యాన్స్ వీడియో ట్రెండింగ్లో ఉంది.
మరిన్ని సినిమా వార్తల కోసం క్లిక్ చేయండి..
