Dil Ruba Trailer: మళ్లీ లవర్ బాయ్గా మారిన కిరణ్ అబ్బవరం.. దిల్ రూబా ట్రైలర్ చూశారా.. ?
ఎలాంటి బ్యాగ్రౌండ్ సపోర్ట్ లేకుండా సినీరంగంలోకి అడుగుపెట్టి హీరోగా మంచి గుర్తింపు తెచ్చుకున్నాడు కిరణ్ అబ్బవరం. వరుస సినిమాల్లో నటిస్తూ ప్రేక్షకుల హృదయాల్లో చెరగని స్థానం సంపాదించుకున్నాడు. ఇటీవలే క సినిమాతో సూపర్ హిట్ అందుకున్నాడు. ఈ సినిమాలో మాస్ యాక్షన్ హీరోగా మెప్పించాడు కిరణ్.
Updated on: Mar 06, 2025 | 6:04 PM
టాలీవుడ్ ఇండస్ట్రీలో యంగ్ హీరో కిరణ్ అబ్బవరం ఫాలోయింగ్ గురించి చెప్పక్కర్లేదు. ఎలాంటి బ్యాగ్రౌండ్ లేకుండానే సినీరంగంలోకి అడుగుపెట్టి హీరోగా మంచి గురింపు తెచ్చుకున్నాడు. ఎస్ఆర్ కళ్యాణమండపం హిట్ తర్వాత ఇటీవలే క మూవీతో భారీ విజయాన్ని అందుకున్నాడు. విభిన్న కాన్సెప్ట్ తో వచ్చిన ఈ సినిమాకు మంచి రెస్పాన్స్ వచ్చింది. ఇక ఇప్పుడు మరోసారి లవర్ బాయ్ గా అలరించేందుకు సిద్ధమయ్యాడు. ప్రస్తుతం అతడు ప్రధాన పాత్రలో నటిస్తున్న సినిమా దిల్ రూబా. డైరెక్టర్ విశ్వకరుణ్ దర్శకత్వం వహిస్తున్న ఈ సినిమాలో కిరణ్ సరసన రుక్సర్ థ్లిల్లాన్ కథానాయికగా నటిస్తుంది. మనసును హత్తుకునే ప్రేమకథతో రూపొందించిన ఈ మూవీ కోసం ఫ్యాన్స్ ఆసక్తిగా వెయిట్ చేస్తున్నారు.
ఇప్పటికే రిలీజ్ అయిన పోస్టర్స్, సాంగ్స్, టీజర్ ఆకట్టుకున్నాయి. ఈ చిత్రాన్ని మార్చి 14న థియేటర్లలో రిలీజ్ చేయనున్నారు. ఈ నేపథ్యంలో మేకర్స్ గురువారం ట్రైలర్ రిలీజ్ చేశారు. నటీనటుల పాత్రలను పరిచయం చేస్తూ ఈ ట్రైలర్ సాగింది. తప్పు చేసిన తర్వాత చెప్పే సారీకి, అవసరం తీరిపోయిన తర్వాత చెప్పే థాంక్స్ కు నా దృష్టిలో విలువ లేదు అని కిరణ్ అబ్బవరం చెప్పే డైలాగ్స్ తో ప్రారంభమైన ఈ ట్రైలర్ ఆద్యంతం ఆకట్టుకునేలా ఉంది.
క సినిమాలో మాస్ యాక్షన్ హీరోగా కనిపించిన కిరణ్.. ఇప్పుడు దిల్ రూబా సినిమాలో లవర్ బాయ్ గా కనిపించనున్నాడు. అలాగే అటు యాక్టింగ్, ఇటు యాక్షన్ సీక్వెన్స్ లు అలరించేలా ఉన్నాయి. తాజాగా విడుదలైన ట్రైలర్ ఆకట్టుకుంటుంది.
ఇది చదవండి : Tollywood: చిన్నప్పుడే అవార్డులు.. టాలీవుడ్ క్రేజీ హీరో.. ఇప్పుడు అవకాశాల కోసం..
Tollywood: అప్పుడు కలెక్టర్ దగ్గర ఉద్యోగం.. ఇప్పుడు స్టార్ కమెడియన్.. ఎవరో తెలుసా.. ?
Mahesh Babu: మహేష్ మేనకోడలు ఎంత అందంగా ఉందో చూశారా.. ? ఇక హీరోయిన్స్ సైడ్ అవ్వాల్సిందే..
