Rakul Preet Singh: గోవాలోని లగ్జరీ రిసార్ట్‌ హోటల్‌లో రకుల్‌, జాకీల వివాహం.. ఒక్క రోజుకు ధరెంతో తెలుసా?

ప్రముఖ నటి రకుల్ ప్రీత్ సింగ్ , నిర్మాత జాకీ భగ్నానీ ఫిబ్రవరి 21న పెళ్లి చేసుకోనున్నారు. ముందుగా విదేశాల్లో డెస్టినేషన్ వెడ్డింగ్ చేసుకోవాలని నిర్ణయించుకున్నారు. అయితే అదే సమయంలో పెళ్లి వేదికను మార్చేశారు. గోవాలోని ఓ లగ్జరీ హోటల్‌లో పెళ్లి చేసుకోవాలని ఫిక్స్ అయ్యారీ లవ్ బర్డ్స్

Rakul Preet Singh Wedding

Updated on: Feb 15, 2024 | 2:17 PM

ప్రముఖ నటి రకుల్ ప్రీత్ సింగ్ , నిర్మాత జాకీ భగ్నానీ ఫిబ్రవరి 21న పెళ్లి చేసుకోనున్నారు. ముందుగా విదేశాల్లో డెస్టినేషన్ వెడ్డింగ్ చేసుకోవాలని నిర్ణయించుకున్నారు. అయితే అదే సమయంలో పెళ్లి వేదికను మార్చేశారు. గోవాలోని ఓ లగ్జరీ హోటల్‌లో పెళ్లి చేసుకోవాలని ఫిక్స్ అయ్యారీ లవ్ బర్డ్స్. సౌత్ గోవాలోని ఐటీసీ గ్రాండ్ హోటల్‌లో రకుల్ , జాకీల వివాహం జరగనుంది. ఈ వివాహానికి అతికొద్ది మంది అతిథులు, కేవలం కుటుంబ సభ్యులు మాత్రమే హాజరవుతారని తెలుస్తోంది. తమ పెళ్లి కోసం గోవాలోని ఐటీసీ గ్రాండ్ రిసార్ట్‌ హోటల్‌ను బుక్‌ చేశారట రకుల్‌, జాకీ. ఇదొక విలాసవంతమైన హోటల్. సుమారు 45 ఎకరాల్లో విస్తరించి ఉన్న ఈ హోటల్ లో మొత్తం 246 గదులు ఉన్నాయి. చుట్టూ ప్రశాంతమైన వాతావరణం ఈ రిసార్ట్‌కున్న అతి పెద్ద ప్లస్‌ పాయింట్‌. ‘మేక్ మై ట్రిప్’ ప్రకారం, గోవాలోని ఐటీసీ గ్రాండ్ హోటల్‌లో ఒక్కో గది ధర రాత్రికి 19 వేల రూపాయల నుండి 75 వేల రూపాయల వరకు ఉంటుంది. ఇందులో అదనంగా కొన్ని పన్నులు కూడా ఉన్నాయి. గోవాలోని ఈ హోటల్‌లో రకుల్‌, జాకీల పెళ్లికి అన్ని ఏర్పాట్లు పూర్తయ్యాయి. మూడు రోజుల పాటు ఈ పెళ్లి వేడుక జరగనుంది. ఫిబ్రవరి 19 నుంచి ప్రీ వెడ్డింగ్ కార్యక్రమాలు ప్రారంభం కానున్నాయి.

రకుల్, జాకీల పెళ్లి పూర్తిగా ఎకో ఫ్రెండ్లీగా జరగనుంది. అందుకే ఎవరికీ కూడా ప్రింటెడ్ ఇన్విటేషన్లు ఇవ్వలేదు. అంతా డిజిటల్ ఆహ్వానమే. అదే విధంగా తమ వివాహ వేడుకలో పటాకులకు చోటు లేదని ఈవెంట్ మేనేజర్‌ స్పష్టం చేశారు. దీంతో చాలా మందికి రకుల్, జాకీలు ఆదర్శంగా నిలిచారు. రకుల్ ప్రీత్ సింగ్, జాకీ చాలా ఏళ్లుగా ప్రేమలో ఉన్నారు. ఇద్దరూ పార్టీలు, సినిమా ఈవెంట్లలో కలిసి కనిపిస్తున్నారు. లాక్‌డౌన్ సమయం నుంచే వీరు ప్రేమలో ఉన్నట్లు తెలుస్తోంది. రకుల్ ప్రీత్ సింగ్ చాలా ఏళ్లుగా సినీ ఇండస్ట్రీలో కొనసాగుతోంది. తెలుగు, తమిళ్‌, కన్నడతో పాటు బాలీవుడ్‌లోనూ ఎన్నో సూపర్ హిట్ చిత్రాల్లో నటించి మెప్పించింది. ఇక రకుల్‌కు కాబోయే భర్త జాకీ భగ్నానీ కూడా హిందీ చిత్ర పరిశ్రమలో ప్రముఖ నిర్మాతగా కొనసాగుతున్నారు. సినిమా రంగానికి చెందిన వీరిద్దరూ పెళ్లిపీటలెక్కడంతో పలువురు సినీ ప్రముఖులు, అభిమానులు, నెటిజన్లు ముందస్తు శుభాకంక్షలు తెలుపుతున్నారు .

ఇవి కూడా చదవండి