Kantara- RGV: చిన్న సినిమా రికార్డ్స్ను బద్దలు కొట్టింది.. కాంతార మూవీపై ఆర్జీవీ రివ్యూ..
డైరెక్టర్ రామ్ గోపాల్ వర్మ సైతం కాంతార సినిమా గురించి ట్వీట్ చేశారు. ఎలాంటి అంచనాలు లేకుండా చిన్న సినిమాగా విడుదలై.. భారీ బడ్జెట్ పెద్ద చిత్రాల రికార్డులను బద్దలు కొట్టిందని అన్నారు. ప్రస్తుతం ఆర్జీవీ చేసిన ట్వీట్ నెట్టింట వైరలవుతుంది.
ప్రస్తుతం బాక్సాఫీస్ వద్ద కాంతారమేనియా కొనసాగుతుంది. ఎలాంటి అంచనాలు లేకుండా చిన్న సినిమాగా ప్రేక్షకుల ముందుకు వచ్చిన ఈ మూవీ కలెక్షన్ల సునామి సృష్టిస్తోంది. ముందుగా కన్నడలో విడుదలైన ఈ సినిమా బ్లాక్ బస్టర్ హిట్ టాక్ సొంతం చేసుకుంది. దీంతో ఈ మూవీని తెలుగుతోపాటు, హిందీ, తమిళం, కన్నడ భాషలలోనూ విడుదల చేస్తున్నారు. ఇప్పటికే విడుదలైన తెలుగు, హిందీ, తమిళ్ వెర్షన్స్కు ఊహించని రీతిలో రెస్పాన్స్ వస్తోంది. కన్నడ స్టార్ రిషబ్ శెట్టి స్వియ దర్శకత్వంలో తెరకెక్కిన ఈ సినిమా అన్ని వర్గాల ప్రేక్షకులను మెప్పించింది. ఇప్పటికే ప్రభాస్, అనుష్క వంటి స్టార్స్ సైతం ఈ సినిమపై తమ అభిప్రాయాలను సోషల్ మీడియా వేదికగా తెలిపారు. ఇక ఇప్పుడు డైరెక్టర్ రామ్ గోపాల్ వర్మ సైతం కాంతార సినిమా గురించి ట్వీట్ చేశారు. ఎలాంటి అంచనాలు లేకుండా చిన్న సినిమాగా విడుదలై.. భారీ బడ్జెట్ పెద్ద చిత్రాల రికార్డులను బద్దలు కొట్టిందని అన్నారు. ప్రస్తుతం ఆర్జీవీ చేసిన ట్వీట్ నెట్టింట వైరలవుతుంది.
ముందు రిషబ్ శెట్టి ఇంటర్వ్యూ చూడండి.. తనలో ఉన్న సింప్లిసిటీ కారణంగానే కాంతార లాంటి గ్రేట్ ఫిల్మ్ బయటికి వచ్చిందంటూ.. తన ట్వీట్లో రాసుకొచ్చారు. అంతేకాదు.. భారీ బడ్జెట్ సినిమాలే.. థియేటర్లకు ప్రేక్షకులను రప్పిస్తాయన్న మిత్‌ను కాంతార సినిమాతో.. రిషబ్ షెట్టి బద్దలు కొట్టాడన్నారు. రాబోయే తరాలకు కాంతార ఓ పాఠం అంటూ.. తన ట్వీట్లో కోట్ చేశారు. పెద్ద బడ్జెట్ సినిమాలు తీసేవారికి కాంతార కలెక్షన్స్ ఓ పీడకలని.. 300,400,500 కోట్ల బడ్జెట్‌తో సినిమాలు తీసేవారికి.. ఈ సినిమా కలెక్షన్స్ హార్ట్‌ అటాక్ తెప్పిస్తాయని తన ట్వీట్లో రాసుకొచ్చారు. “కాంతార అనే అద్భుతమైన పాఠాన్ని అందరికీ అందించినందుకు ధన్యవాదాలు, సినిమా పరిశ్రమలోని వారందరూ మీకు ట్యూషన్ ఫీజు చెల్లించాలి” అంటూ.. మరో ట్వీట్ చేసి.. కాంతారాకు..డైరెక్టర్ కమ్ హీరో రిషబ్ షెట్టికి మరింత ప్రమోషన్ కల్పించారు.
ఇప్పటివరకు కాంతార సినిమా ప్రపంచవ్యాప్తంగా రూ. 100 కోట్ల వసూలు చేసింది. అంతేకాకుండా.. ఐఎండీబీలో అత్యధిక రేటింగ్ పొందిన భారతీయ సినిమాగా రికార్డ్ క్రియేట్ చిసంది. ఈ సినిమాలో రిషబ్ శెట్టితోపాటు.. కిషోర్, అచ్యుత్ కుమార్, సప్తమి గౌడ, ప్రమోద్ శెట్టి నటించారు. ఈ సినిమా కంబాలా, కోలా సాంప్రదాయల నేపధ్యంలో తెరకెక్కించారు. హంబాలే ఫిల్మ్ బ్యానర్ పై ఈ సినిమాను నిర్మించారు.
Just when all Filmwallas came to the conclusion that only SUPER STARS, MASSIVE PRODUCTION VALUES and SPECTACULAR VFX can bring people to theatres , a small tiny film with no names #Kantara is breaking all the records of the BIGGIES
— Ram Gopal Varma (@RGVzoomin) October 17, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
