Redin Kingsley: 47 ఏళ్ల వయసులో తండ్రి కానున్న స్టార్ కమెడియన్.. గ్రాండ్‌గా భార్య సీమంతం.. వీడియో ఇదిగో

కోలీవుడ్ ప్రముఖ నటుడు, స్టార్ కమెడియన్ రెడిన్ కింగ్‌ స్లే శుభవార్త చెప్పాడు. ప్రస్తుతం చేతినిండా సినిమాలతో బిజీగా ఉంటోన్న ఈ నటుడు త్వరలోనే తండ్రిగా ప్రమోషన్ పొందనున్నాడు. తాజాగా అతని భార్య, ప్రముఖ సీరియల్ నటి సంగీత సీమంతం గ్రాండ్ గా జరిగింది.

Redin Kingsley

Basha Shek |

Updated on: Feb 09, 2025 | 3:39 PM

కోలీవుడ్ నటుడు రెడిన్ కింగ్ స్లే తెలుగు వారికి కూడా బాగా పరిచయమే. వరుణ్ డాక్టర్, బీస్ట్, ది వారియర్, జైలర్, మార్క్ ఆంటోని, మ్యాక్స్, కంగువా, కిరణ్ అబ్బవరం క తదితర హిట్ సినిమాలతో మంచి గుర్తింపు తెచ్చుకున్నాడీ స్టార్ నటుడు. తనదైన కామెడీతో కడుపుబ్బా నవ్వించాడు. ముఖ్యంగా జైలర్ సినిమాలో రెడిన్ కింగ్ స్లే కామెడీ ఆడియెన్స్ ను బాగా ఆకట్టుకుంది. ఈ క్రమంలోనే కిరణ్ అబ్బవరం నటించిన క సినిమాతో తెలుగు ఇండస్ట్రీలోకి కూడా అడుగు పెట్టాడు. సినిమాల సంగతి పక్కన పెడితే ఆయన వ్యాపారవేత్తగా గానూ రాణించారు. ఇక రెడిన్ పర్సనల్ లైఫ్ విషయానికొస్తే..2023లో తన ప్రేయసి సీరియల్ నటి సంగీతను పెళ్లి చేసుకున్నాడు. అప్పటికే 45 ప్లస్ లో ఉన్న ఆయన ఒక బుల్లితెర నటిని ప్రేమ వివాహం చేసుకోవడం హాట్ టాపిక్ గా మారింది. కొందరు విమర్శలు కూడా గుప్పించారు. అయితే వీటన్నింటినీ లెక్క చేయకుండా హ్యాపీగా తమ లైఫ్ ను లీడ్ చేస్తున్నారీ లవ్లీ కపుల్. ప్రస్తుతం చేతి నిండా సినిమాలతో బిజీగా ఉంటోన్న రెడిన్ త్వరలోనే తాను తండ్రిగా ప్రమోషన్ పొందనున్నాడు. ఆయన భార్య సంగీత ప్రస్తుతం నిండు గర్భంతో ఉంది. అయితే ఈ శుభవార్తను ఇప్పటివరకు అధికారికంగా ప్రకటించలేదు రెడిన్ దంపతులు. అయితే సంగీత సీమంతానికి సంబంధించిన ఫొటోలు, వీడియోలు ఇప్పుడు సామాజిక మాధ్యమాల్లో తెగ వైరలవుతున్నాయి.

సంగీత మేకప్ ఆర్టిస్ట్ రెడిన్ భార్య సీమంతం వీడియోను సామాజిక మాధ్యమాల్లో పోస్ట్ చేసింది. దీంతో పలువురు సినీ ప్రముఖులు, అభిమానులు, నెటిజన్లు రెడిన్- సంగీత దంపతులకు అభినందనలు, శుభాకాంక్షలు తెలుపుతున్నారు. కాగా గతేడాది ఏకంగా 10 సినిమాల్లో నటించాడు రెడిన్. అందులో క, బ్లడీ బెగ్గర్, కంగువా, మ్యాక్స్ వంటి సూపర్ హిట్ సినిమాలు కూడా ఉన్నాయి. ప్రస్తుతం ఈ నటుడి చేతిలో పలు కీలక ప్రాజెక్టులు ఉన్నాయి.

ఇవి కూడా చదవండి