RRR Movie: క్రేజీ వీడియోతో ఆర్ఆర్ఆర్ టీంకు కంగ్రాట్స్ చెప్పిన ప్రకాష్ రాజ్.. వైరలవుతున్న పోస్ట్..
అమెరికాలోని లాస్ ఏంజిల్స్ లో జరిగిన 80వ గోల్డెన్ గ్లోబ్ అవార్డ్స్ వేడుకలలో బెస్ట్ ఒరిజినల్.. నాన్ ఇంగ్లీష్ కేటగీరిలో ఈ చిత్రంలోని నాటు నాటు పాటకు అవార్డ్ వచ్చిన సంగతి తెలిసిందే. మ్యూజిక్ డైరెక్టర్ ఎంఎం కీరవాణి ఈ అవార్డు అందుకున్నారు.
Updated on: Jan 19, 2023 | 8:24 AM
విశ్వ వేదికపై అత్యంత ప్రతిష్టాత్మక అవార్డు సొంతం చేసుకుంది ఆర్ఆర్ఆర్ చిత్రయూనిట్. అమెరికాలోని లాస్ ఏంజిల్స్ లో జరిగిన 80వ గోల్డెన్ గ్లోబ్ అవార్డ్స్ వేడుకలలో బెస్ట్ ఒరిజినల్.. నాన్ ఇంగ్లీష్ కేటగీరిలో ఈ చిత్రంలోని నాటు నాటు పాటకు అవార్డ్ వచ్చిన సంగతి తెలిసిందే. మ్యూజిక్ డైరెక్టర్ ఎంఎం కీరవాణి ఈ అవార్డు అందుకున్నారు. ఈ సందర్భంగా చిత్రయూనిట్ కు అభినందనలు తెలిపారు సినీ, రాజకీయ ప్రముఖులు. ప్రధాని మోదీ.. మెగాస్టార్ చిరంజీవి, నారా చంద్రబాబు నాయుడు, సీఎం జగన్ వంటి ప్రముఖు ట్రిపుల్ ఆర్ బృందానికి కంగ్రాట్స్ తెలిపారు. గోల్డెన్ గ్లోబ్ అవార్డ్ అందుకోవడం పట్ల ప్రస్తుతం ఆర్ఆర్ఆర్ టీం సంతోషంగా సెలబ్రెషన్స్ జరుపుకుంటుంది. ఈ క్రమంలోనే విలక్షణ నటుడు ప్రకాష్ రాజ్ ట్రిపుల్ ఆర్ యూనిట్ కు కంగ్రాట్స్ చెబుతూ షేర్ చేసిన ఓ పోస్ట్ ఇప్పుడు నెట్టింట వైరలవుతుంది. తనదైన శైలీలో ఓ క్రేజీ వీడియో షేర్ చేస్తూ శుభాకాంక్షలు తెలిపారు.
నాటు నాటు పాటకు హాలీవుడ్ యాక్టర్స్ లారెల్, హార్టీ డాన్స్ చేస్తున్న వీడియోను పోస్ట్ చేశారు. ఆయన షేర్ చేసిన ఈ మాషప్ వీడియో ఫన్నీగా ఉంది.. షేర్ చేసిన తక్కువ సమయంలోనే నెట్టింట చక్కర్లు కొడుతుంది ఈ వీడియో. అయితే ఇదే వీడియోను ప్రముఖ వ్యాపారవేత్త ఆనంద్ మహీంద్రా సైతం ట్విట్టర్ వేదికగా షేర్ చేశారు. నాటు నాటటు మేనియా నుంచి ఎవరూ తప్పించుకోలేరు. వీడియోలోని ఆ రెండు పాత్రల్లో ఆర్ఆర్ఆర్ హీరోల్లో కనిపించినంత ఎనర్జీ ఉండకపోవచ్చు. అయినా పర్లేదు. ఎంజాయ్ చేయండి అంటూ రాసుకొచ్చారు ఆనంద్ మహింద్రా.
దర్శకధీరుడు రాజమౌళి తెరకెక్కించిన ఆర్ఆర్ఆర్ చిత్రంలో మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ ప్రధాన పాత్రలలో నటించగా.. బాలీవుడ్ బ్యూటీ అలియా భట్, ఒలివియా మోరీస్, శ్రియా, అజయ్ దేవగన్, సముద్రఖని కీలకపాత్రలలో కనిపించారు. ఇందులో చరణ్, తారక్ నటనకు విదేశీయులు సైతం ఫిదా అయ్యారు. ఇక ఈ సినిమాకు సిక్వెల్ కూడా రాబోతుందని.. ప్రస్తుతం అందుకు సంబంధించిన స్క్రిప్ట్ వర్క్ జరుగుతుందని ఇటీవలే హింట్ ఇచ్చారు జక్కన్న.
Celebrating #NaatuNaatu … ??? beautiful.. congratulations Team #RRR again pic.twitter.com/QOXi4IZQkI
— Prakash Raj (@prakashraaj) January 13, 2023
No one is immune from the catchiness of #NaatuNaatu. Not even inhabitants of the past..? L&H may not have the same energy as the #RRR duo but they’re not bad! Enjoy the #FridayFeeling pic.twitter.com/9tMSfAKux5
— anand mahindra (@anandmahindra) January 13, 2023
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
