Bigg Boss 5 Telugu: బిగ్‌బాస్‌ వేదికపై బాలీవుడ్ స్టార్స్.. ఫినాలేలో సందడి చేయనున్న దీపికా.. అలియా..
బిగ్‌బాస్‌ సీజన్ 5 చివరి దశకు చేరుకుంది. ఇక మిగిలింది వారం రోజులు మాత్రమే. 19 మందితో మొదలైన ఈ షో.. ఇప్పుడు
Updated on: Dec 14, 2021 | 7:10 PM
బిగ్‌బాస్‌ సీజన్ 5 చివరి దశకు చేరుకుంది. ఇక మిగిలింది వారం రోజులు మాత్రమే. 19 మందితో మొదలైన ఈ షో.. ఇప్పుడు ఐదుగురికి చేరుకుంది. టాప్ 5 కంటెస్టెంట్స్గా సన్నీ, మానస్, శ్రీరామ్, షణ్ముఖ్, సిరి మిగిలారు. ఈ క్రమంలో తమ అభిమాన కంటెస్టెంట్ను గెలిపించుకునేందుకు ఫ్యాన్స్ ఇప్పటికే ఓటింగ్ ప్రచారాన్ని కూడా మొదలు పెట్టేశారు. అయితే ఈసారి గ్రాండ్ ఫినాలేను మరింత గ్రాండ్ గా ప్లాన్ చేసినట్లుగా టాక్. ఈసారి గ్రాండ్ ఫినాలేకు బాలీవుడ్ స్టార్స్ రాబోతున్నట్లుగా తెలుస్తోంది.
తాజాగా సోషల్ మీడియాలో వినిపిస్తున్న టాక్ ప్రకారం.. బిగ్‌బాస్‌ గ్రాండ్ ఫినాలేకు ఐకాన్ స్టార్ అల్లు అర్జున్ ముఖ్య అతిథిగా రాబోతున్నట్లుగా సమాచారం. బన్నీతోపాటు మరికొందరు స్టార్స్ కూడా బిగ్‌బాస్‌ వేదికపై సందడి చేయనున్నట్లుగా తెలుస్తోంది. అందులో బాలీవుడ్ బ్యూటీ అలియా భట్.. దీపికా పదుకొనె రాబోతున్నట్లుగా టాక్. వీరితోపాటు.. ఆర్ఆర్ఆర్ చిత్రయూనిట్ రామ్ చరణ్ కూడా బిగ్‌బాస్‌ వేదికపై ప్రేక్షకులను అలరించనున్నారట. ఇప్పటికే రామ్ చరణ్.. బిగ్‌బాస్‌ షో వేదికపై సందడి చేసిన సంగతి తెలిసిందే.
అయితే గత సీజన్లలో మెగాస్టార్ చిరంజీవి చేతుల మీదుగా బిగ్‌బాస్‌ విజేత ట్రోఫీ అందుకున్న సంగతి తెలిసిందే. ఇక ఈసారి సీజన్ 5లో బాలీవుడ్ బ్యూటీఫుల్ కపుల్ రణవీర్ సింగ్, దీపికా పదుకునె చేతుల మీదుగా బిగ్‌బాస్‌ ట్రోఫీ అందచేయనున్నారని టాక్ నడుస్తోంది. దీపికా, రణవీర్ నటిస్తోన్న 83 సినిమాను నాగార్జున ప్రమోట్ చేయనున్నారు. మరోవైపు ఆర్ఆర్ఆర్ మూవీ ప్రమోషన్స్ లో భాగంగా అలియా భట్, రామ్ చరణ్ సందడి చేయనున్నట్లుగా సమాచారం. మరి చూడాలి.. ఈసారి బిగ్‌బాస్‌ వేదికపై ట్రోఫీ అందచేయనున్న స్టార్స్ ఎవరనేది.
Radhe shyam: ‘సంచారి’ గా చక్కర్లు కొడుతున్న డార్లింగ్.. రాధేశ్యామ్ నుంచి సాంగ్ టీజర్..
Mahesh Babu: సూపర్ స్టార్ మహేష్‌ బాబుకు సర్జరీ.. దుబాయ్‌లో విశ్రాంతి తీసుకుంటున్న హీరో..
