Radhe shyam: ‘సంచారి’ గా చక్కర్లు కొడుతున్న డార్లింగ్.. రాధేశ్యామ్ నుంచి సాంగ్ టీజర్..
యంగ్‌ రెబల్‌ స్టార్‌ ప్రభాస్‌, పూజా హెగ్డే నటించిన చిత్రం 'రాధేశ్యామ్'. 'జిల్‌' ఫేం రాధాకృష్ణ కుమార్‌ దర్శకత్వం వహిస్తున్నాడు. వింటేజ్‌ లవ్‌స్టోరీగా తెరకెక్కుతోన్న ఈ సినిమాపై అంచానాలు భారీగానే ఉన్నాయి.
Updated on: Dec 14, 2021 | 2:58 PM
యంగ్‌ రెబల్‌ స్టార్‌ ప్రభాస్‌, పూజా హెగ్డే నటించిన చిత్రం ‘రాధేశ్యామ్’. ‘జిల్‌’ ఫేం రాధాకృష్ణ కుమార్‌ దర్శకత్వం వహిస్తున్నాడు. వింటేజ్‌ లవ్‌స్టోరీగా తెరకెక్కుతోన్న ఈ సినిమాపై అంచానాలు భారీగానే ఉన్నాయి. అందుకు తగ్గట్లే ఇప్పటివరకు ఈ సినిమా నుంచి విడుదలైన పోస్టర్లు, టీజర్లు, పాటలు ఫ్యాన్స్‌ను బాగా ఆకట్టుకున్నాయి. ఇప్పటికే షూటింగ్‌ పూర్తి చేసుకున్న ఈ చిత్రం సంక్రాంతి కానుకగా జనవరి 14న ప్రేక్షకుల ముందుకు రానుంది. విడుదలకు తక్కువ సమయం ఉండడంతో ప్రమోషన్‌ కార్యక్రమాలను వేగవంతం చేసింది చిత్రబృందం. ఇందులో భాగంగా వరుసగా అప్డేట్స్‌ ఇస్తోంది. తాజాగా ఈ సినిమా నుంచి మూడో సాంగ్‌ను రిలీజ్‌ చేశారు మూవీ మేకర్స్‌.
పాన్‌ ఇండియా స్థాయిలో తెరకెక్కుతోన్న ఈ ప్రేమకథ చిత్రానికి జస్టిన్‌ ప్రభాకరణ్‌ స్వరాలు సమకూరుస్తున్నారు. ఇప్పటికే ఈ సినిమా నుంచి విడుదలైన పాటలు సంగీతాభిమానులను అలరిస్తున్నాయి. తాజాగా మూడో పాటను చిత్రబృందం విడుదల చేసింది. ‘చలో… చలో… సంచారి! చల్ చలో… చలో! చలో… చలో… సంచారి! చల్ చలో… చలో… కొత్త నేలపై’ అనే లిరిక్స్‌తో సాగే ఈ పాటను అనిరుధ్‌ రవిచందర్‌ ఆలపించారు. కృష్ణకాంత్‌ సాహిత్యం అందించారు. 16న పూర్తి పాట విడుదల కానుంది. కాగా ఈ సాంగ్ టీజర్‌లో ఎంతో స్టైలిష్ అండ్‌ ల్యావిష్‌ లుక్‌లో కనిపిస్తున్నాడు డార్లింగ్.కాగా ఈ సాంగ్ టీజర్‌లో ఎంతో స్టైలిష్ అండ్‌ ల్యావిష్‌ లుక్‌లో కనిపిస్తున్నాడు డార్లింగ్. యూవీ క్రియేషన్స్, టీ సిరీస్ బ్యానర్లపై సంయుక్తంగా నిర్మిస్తున్న ఈ సినిమాలో రెబల్‌ స్టార్‌ కృష్ణంరాజు, భాగ్యశ్రీ, సచిన్‌ ఖేడ్కర్‌, మురళీ శర్మ తదితరులు కీలక పాత్రల్లో నటిస్తున్నారు.
Also Read:
Mahesh Babu Surgery: మహేష్ బాబు మోకాలికి శస్త్ర చికిత్స.. (లైవ్ వీడియో)
MLA Roja: ఎమ్మెల్యే రోజాకు తృటితో తప్పిన ప్రమాదం.. ఆమె ప్రయాణిస్తున్న ఫ్లైట్కు ఏమైందంటే..
