Junior Movie : ఓటీటీలోకి వచ్చేసిన జూనియర్.. స్ట్రీమింగ్ ఎక్కడంటే..
ఇప్పుడు సోషల్ మీడియాలో ఎక్కడ చూసిన మారుమోగుతున్న సాంగ్ వైరల్ వయ్యారి... కొన్ని రోజుల క్రితం టాలీవుడ్ యంగ్ హీరోయిన్ ఈ పాటలో మాస్ స్టెప్పులతో ఇరగదీసింది. ఈ పాట నెట్టింట ఏ స్థాయిలో పాపులర్ అయ్యిందో చెప్పక్కర్లేదు. చిన్న పెద్దా ఈ పాటకు కాలు కదిపారు. ఇంతకీ ఈ సాంగ్ ఏ సినిమాలోనిదో తెలుసా.. ?
Updated on: Sep 30, 2025 | 12:30 PM
టాలీవుడ్ హాసిని.. అలియాస్ జెనీలియా ఇప్పుడిప్పుడే సినిమాల్లోకి ఎంట్రీ ఇచ్చిన సంగతి తెలిసిందే. ఇన్నాళ్లు వేద్, సితారే జమీన్ పర్ సినిమాలతో ప్రేక్షకులను అలరించిన ఆమె.. ఇటీవలే జూనియర్ సినిమాతో తెలుగు అడియన్స్ ముందుకు వచ్చింది. ఈ సినిమాలో జెనీలియా కీలకపాత్ర పోషించింది. చాలా కాలం తర్వాత మరోసారి తన నటనతో ఆకట్టుకుంది ఈ ముద్దుగుమ్మ. దాదాపు రెండున్నర నెలల క్రితం థియేటర్లలో విడుదలైంది జూనియర్ సినిమా. ఇందులో శ్రీలీల కథానాయికగా నటించగా.. ఈ మూవీతో వెండితెరకు హీరోగా పరిచయమయ్యాడు గాలి జనార్దన్ రెడ్డి తనయుడు కిరీటి. కాలేజీ బ్యాక్ర్ డ్రాప్ తో వచ్చిన ఈ సినిమా జనాలను ఆకట్టుకుంది.
ఇవి కూడా చదవండి : Tollywood : 750కు పైగా సినిమాలు.. బ్రహ్మానందంతో ప్రత్యేక అనుబంధం.. ఈ కమెడియన్ ఎవరో గుర్తుపట్టారా.. ?
రాధాకృష్ణ రెడ్డి దర్శకత్వం వహించిన ఈ సినిమాకు దేవి శ్రీ ప్రసాద్ సంగీతం అందించారు. ముఖ్యంగా ఈ సినిమా విడుదలకు ముందే యూట్యూబ్ లో సంచలనం క్రియేట్ చేసింది వైరల్ వయ్యారి సాంగ్. ఈ పాటలో కిరీటి, శ్రీలీల ఊర మాస్ స్టెప్పులు ప్రేక్షకులను ఊర్రూతలూగించాయి. థియేటర్లలో పాజిటివ్ టాక్ అందుకున్న ఈ సినిమా ఇప్పుడు ఓటీటీలోకి వచ్చేసింది.
ఇవి కూడా చదవండి : Tollywood : తెలుగులో సెన్సేషన్ హీరోయిన్.. కుర్రాళ్ల ఆరాధ్య దేవత.. ఇప్పుడు ఇలా..
ఎలాంటి హడావిడి లేకుండా సైలెంట్ గా ప్రముఖ ఓటీటీ ప్లాట్ ఫామ్ ఆహాలోకి వచ్చేసింది. ఈ మూవీ ఇప్పుడు ఆహా ఓటీటీలో స్ట్రీమింగ్ అవుతుంది. అలాగే అమేజాన్ ప్రైమ్ వీడియోలనూ అందుబాటులోకి వచ్చింది. ఈ సినిమా కథ విషయానికి వస్తే.. అభి (కిరిటీ) అనే ఇంజనీరింగ్ కుర్రాడు.. తన స్నేహితురాలు స్పూర్తి (శ్రీలీల) పనిచేస్తున్న కంపెనీలోనే ఉద్యోగంలో జాయిన్ అవుతాడు. అదే కంపెనీకి విజయ (జెనీలియా) బాస్. అభి, విజయ మధ్య కోపాలు ఉంటాయి. కానీ ఇద్దరు కలిసి విజయనగరం ఎందుకు వెళ్లాల్సి వచ్చిందనేది సినిమా.
ఇవి కూడా చదవండి : Andarivaadu Movie: తస్సాదియ్యా.. అసలేం మారలేదు గురూ.. చిరంజీవితో నటించిన ఈ హీరోయిన్ ఏం చేస్తుందంటే..
