Parineeti Chopra’s Saina : ఓటీటీలో రిలీజ్ అయిన బ్యాడ్మింటన్ స్టార్ బయోపిక్..

'లేడీస్‌ వర్సెస్‌ రికీ భాల్‌' సినిమాతో వెండితెరకు పరిచయమైంది అందాల తార పరిణితి చోప్రా. తొలి సినిమాతోనే తన నటనతో బీ-టౌన్‌ ప్రేక్షకులను ఆకట్టుకుందీ బ్యూటీ

Rajeev Rayala | Edited By: Rajitha Chanti|
Updated on: Apr 24, 2021 | 8:22 AM

Parineeti Chopra’s Saina : ‘లేడీస్‌ వర్సెస్‌ రికీ భాల్‌’ సినిమాతో వెండితెరకు పరిచయమైంది అందాల తార పరిణితి చోప్రా. తొలి సినిమాతోనే తన నటనతో బీ-టౌన్‌ ప్రేక్షకులను ఆకట్టుకుందీ బ్యూటీ. మొదటి సినిమాతోనే ఉత్తమ నూతన నటిగా ఫిలిమ్‌ ఫేర్‌ అవార్డుకు నామినేట్‌ అయ్యిందంటేనే ఈ అందాల తార క్రేజ్‌ ఏంటో అర్థం చేసుకోవచ్చు. ఇటీవలే ఈ అమ్మడు ఓ బయోపిక్ సినిమాతో ప్రేక్షకుల ముందుకు వచ్చింది. సినీ ఇండస్ట్రీలో ఇటీవల ప్రముఖుల బయోపిక్‏లో హావా నడుస్తోంది. ఇప్పటికే తమిళ్ ఇండస్ట్రీలో హీరో సూర్య ప్రముఖ ఎయిర్‌ దక్కన్‌ సంస్థను స్థాపించి అందరికీ తక్కువ ధరకే విమాన ప్రయాణ సౌకర్యం అందించిన కెప్టెన్‌ గోపీనాథ్‌ జీవితంలోని అంశాల ఆధారంగా ఈ సినిమాను రూపొందించిన ఈ మూవీ సూపర్ హిట్ సాధించిన సంగతి తెలిసిందే. ఇక ఇటు బీటౌన్ లో కూడా బయోపిక్‏ల హావా నడుస్తోంది. ఈ క్రమంలోనే బ్యాడ్మింటన్ లో తొలి ఒలంపిక్ పతకం సాధించిన ప్రముఖ బ్యాడ్మింటన్ క్రీడాకారిణి సైనా నెహ్వాల్ జీవిత కథపై సైనా అనే సినిమాను నిర్మించారు. ఇందులో సైనాగా పరిణితీ చోప్రా నటిస్తోంది. అయితే ఈ సినిమా ఇప్పుడు ఓటీటీ వేదికగా రిలీజ్ అయ్యింది. నిజానికి గతేడాది విడుదల కావాల్సిన ఈ సినిమా కరోనా కారణంగా వాయిదా పడి మొత్తానికి ఈ ఏడాది మార్చ్ 26న దేశవ్యాప్తంగా విడుదలైంది. కానీ సైనా రిలీజ్ సమయంలో థియేటర్స్ 50% అక్యూపెన్సీతో రన్ అవ్వడంతో సైనాకు కలెక్షన్స్ అనుకున్నంతగా రాలేదు. ఇప్పడు ఈ సినిమా ఓటీటీలోకి వచ్చేసింది. ఇప్పడు సైనా బయోపిక్ అమెజాన్ ప్రైమ్ లో స్ట్రీమింగ్ అవుతోంది.

మరిన్ని ఇక్కడ చదవండి :