Rakul Preet Singh: రకుల్ ప్రీత్‌కు క్రేజీ ఆఫర్.. స్టార్ హీరో సినిమాలో ఛాన్స్ దక్కించుకున్న ఢిల్లీ సుందరి..

Rakul Preet Singh: అందాల రకుల్ ప్రీత్ సింగ్‌కు అవకాశాలు తగ్గాయా అంటే.. అవుననే టాక్ వినిపిస్తుంది. సంధీప్ కిషన్ నటించిన వెంకటాద్రి ఎక్స్‌ప్రెస్ అనే సినిమాతో మంచి హిట్ అందుకుంది. ఆ తర్వాత ఈ ముద్దుగుమ్మ తెలుగులో బిజీ హీరోయిన్‌గా మారిపోయింది. వరుస అవకాశాలు అందుకుంటూ దూసుకుపోయింది. తక్కువ సమయంలోనే స్టార్ హీరోయిన్‌గా మారిపోయింది ఈ చిన్నది. దాదాపు టాప్ హీరోలందరి సరసన నటించింది రకుల్. ఇక తెలుగులోనే కాకుండా.. తమిళ్‌లోనూ ఈ ముద్దుగుమ్మ స్టార్ హీరోయిన్ స్టేటస్‌ను అందుకోవడానికి ప్రయత్నించింది. అలాగే బాలీవుడ్‌లోనూ అదృష్టాన్ని పరీక్షించుకుంది. అక్కడ పలు సినిమాల్లో చేసింది ఈ పుత్తడి బొమ్మ. అయితే ఈ మధ్య కాలంలో రకుల్ జోరు తగ్గిందనే టాక్ గట్టిగా వినిపిస్తుంది. నిన్నమొన్నటివరకు స్టార్ హీరోలకు ఈ అమ్మడే మొదటి ఛాయిస్‌గా ఉండేది. కానీ ఇప్పుడు కొత్త అందాలు ఎంట్రీ ఇవ్వడంతో రకుల్ లాంటి సీనియర్ బ్యూటీ ఆఫర్లు తగ్గాయన్నది ఇన్సైడ్ టాక్.

ప్రస్తుతం రకుల్ విశ్వనటుడు కమల్ హాసన్ నటిస్తున్న భారతీయుడు 2 సినిమాలో కీలక పాత్ర చేస్తుంది. ఆలాగే తెలుగులో వైష్ణవ్ తేజ్ నటించిన కొండపోలం సినిమాలో హీరోయిన్‌గా చేస్తుంది. గ్రామీణ నేపథ్యంలో తెరకెక్కుతున్న ఈ సినిమాలో రకుల్ పల్లెటూరి యువతిగా కనిపించనుంది. ఇక ఇప్పుడు ఈ అమ్మడికి అదిరిపోయే ఆఫర్ వచ్చిందని తెలుస్తుంది. అయితే ఆ ఆఫర్ వచ్చింది తెలుగులో కాదు..అలాఅని తమిళ్‌లోనూ కాదు.. బాలీవుడ్‌లో. తెలుగు-తమిళ్ భాషల్లో సూపర్ హిట్ అయిన క్రైమ్ థ్రిల్లర్ రాక్షసుడు సినిమాను బాలీవుడ్ లో రీమేక్ చేయాలని చూస్తున్నారట. ఈ సినిమాను హిందీలో స్టార్ హీరో అక్షయ్ కుమార్ రీమేక్ చేసేందుకు గాను ఏర్పాట్లు చేస్తున్నాడు. ఈ సినిమాలో హీరోయిన్‌గా రకుల్ ప్రీత్‌ను అనుకుంటున్నారట. ఈ సినిమాలో రకుల్ పాత్రకు కాస్త ఎక్కువ ప్రాముఖ్యత ఉంటుంది. కనుక నటిగా నిరూపించుకునేందుకు ఈ అమ్మడికి అవకాశం ఉంది. మరి రకుల్ రాక్షసుడితోనైనా అక్కడ రాణిస్తుందేమో చూడాలి.

మరిన్ని ఇక్కడ చదవండి : 

Aakaasam Nee Haddhu Ra : సూర్య సినిమాకు అవార్డుల పంట.. మారో ఘనత సాధించిన ఆకాశం నీ హద్దురా..

Virushka: లండన్‌ వీధుల్లో చక్కర్లు కొడుతోన్న విరుష్క జంట.. రెస్టారెంట్‌లో సందడి చేసిన స్టార్ కపుల్. ఫొటోలు వైరల్‌.

Actor Nani: మరోసారి జెర్సీ కాంబో రిపీట్ కానుందా.. నానితో సినిమా ప్లాన్ చేస్తున్న గౌతమ్ తిన్ననూరి