Fixed Deposit: బ్యాంకు వినియోగదారులకు గుడ్న్యూస్.. ఈ బ్యాంకులో ప్రత్యేక ఫిక్స్డ్ డిపాజిట్ స్కీమ్.. వడ్డీ రేట్ల పెంపు
ప్రస్తుతం ప్రభుత్వ, ప్రైవేటు రంగాల బ్యాంకులు వివిధ రకాల డిపాజిట్లపై వడ్డీ రేట్లను పెంచుతున్నారు. బ్యాంకు ఫిక్స్డ్ డిపాజిట్లపై వడ్డీ రేట్లు పెంచుతూ నిర్ణయాలు తీసుకుంటున్నాయి. ఇప్పటికే దాదాపు.
Updated on: Oct 07, 2022 | 9:49 PM
ప్రస్తుతం ప్రభుత్వ, ప్రైవేటు రంగాల బ్యాంకులు వివిధ రకాల డిపాజిట్లపై వడ్డీ రేట్లను పెంచుతున్నారు. బ్యాంకు ఫిక్స్డ్ డిపాజిట్లపై వడ్డీ రేట్లు పెంచుతూ నిర్ణయాలు తీసుకుంటున్నాయి. ఇప్పటికే దాదాపు అన్ని బ్యాంకులు వినియోగదారుల డిపాజిట్లపై వడ్డీ రేట్లు పెంచుతూ నిర్ణయాలు తీసుకుంటున్నాయి. సాధారణ కస్టమర్ల నుంచి సీనియర్ సిటిజన్ల వరకు వడ్డీ రేట్లను పెంచుతున్నాయి. ఇందులో సీనియర్ సిటిజన్లకు అధిక ప్రాధాన్యత ఇస్తున్నాయి బ్యాంకులు. కెనరా బ్యాంక్ 666 రోజుల కాలవ్యవధి కోసం ప్రత్యేక ఫిక్స్డ్ డిపాజిట్ ప్లాన్ను ప్రారంభించింది. ప్రైవేట్ సెక్టార్ రుణదాత తన సాధారణ కస్టమర్లకు 7% వడ్డీ రేటును అందిస్తోంది. అయితే సీనియర్ సిటిజన్లు ఈ డిపాజిట్లపై 7.5% పొందుతారు. రూ.2 కోట్ల కంటే తక్కువ డిపాజిట్లపై ఈ బ్యాంక్ ప్రత్యేక టర్మ్ డిపాజిట్ పథకాన్ని చేపట్టింది. ఇప్పుడు మీ పెట్టుబడిపై గరిష్ట రాబడిని పొందండి. 666 రోజుల పాటు పెట్టుబడి పెట్టడం ద్వారా 7.50% వడ్డీని అందించే కెనరా స్పెషల్ డిపాజిట్ స్కీమ్ను అందిస్తున్నామని కెనరా బ్యాంక్ ట్వీట్ చేసింది.
ఎఫ్డీ వడ్డీ రేటు:
కెనరా బ్యాంక్ ప్రారంభించిన ఈ ప్రత్యేక టర్మ్ డిపాజిట్ పథకం సాధారణంగా ప్రజలకు 7 శాతం వార్షిక వడ్డీ రేటును అందిస్తుంది. అయితే సీనియర్ సిటిజన్లు వారి డబ్బుపై 7.5 శాతం వార్షిక రాబడిని పొందుతారు. సీనియర్ సిటిజన్లకు 8.4% అందించే యూనిటీ బ్యాంక్ ప్రత్యేక ఫిక్స్డ్ డిపాజిట్ స్కీమ్ యూనిటీ స్మాల్ ఫైనాన్స్ బ్యాంక్ లిమిటెడ్ దసరా, దీపావళి పండుగలను పురస్కరించుకుని ప్రత్యేక ఫిక్స్డ్ డిపాజిట్ పదవీకాలం అయిన షాగున్ స్కీమ్ను ప్రారంభించింది. 501 రోజుల ఫిక్స్డ్ డిపాజిట్ కోసం రిటైల్ కస్టమర్లు 7.90% ఆకర్షణీయమైన రాబడిని పొందుతారు. అయితే సీనియర్ సిటిజన్లు 8.40 శాతం పొందుతారు. అయితే ఈ పండుగ ఆఫర్ 31 అక్టోబర్ 2022 వరకు బుక్ చేసిన డిపాజిట్లకు మాత్రమే అందుబాటులో ఉంటుందని బ్యాంకు తెలిపింది.
కెనరా బ్యాంక్ పెంచిన రుణ రేట్లను నేటి నుంచి అమలులోకి తీసుకువచ్చింది. రెపో లింక్డ్ లెండింగ్ రేటు, మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేటుని కెనరా బ్యాంక్ పెంచింది. సవరించిన రేట్లు అక్టోబర్ 7, 2022 నుండి అమల్లోకి వచ్చాయి. బ్యాంక్ అన్ని అవధి కాలాల్లో ఎంసీఎల్ఆర్, ఆర్ఎల్ఎల్ఆర్ని పెంచింది.
Now get maximum returns on your investment!
Presenting Canara Special Deposit Scheme that offers 7.50% interest by investing for 666 days. #CanaraBank #CanaraBankSpecialDepositScheme #666Days pic.twitter.com/I2WEoHzVQr
— Canara Bank (@canarabank) October 7, 2022
ఫిక్స్డ్ డిపాజిట్ల రేట్లు
7 రోజుల నుండి 10 సంవత్సరాల వరకు మెచ్యూర్ అయ్యే డిపాజిట్లపై కెనరా బ్యాంక్ సాధారణ ప్రజలకు 2.90 శాతం నుండి 5.75 శాతం వరకు, అలాగే సీనియర్ సిటిజన్లకు 2.90 శాతం నుండి 6.25 శాతం వరకు వడ్డీ రేటును అందిస్తుంది. నేటి నుంచి సవరించిన మార్జినల్ కాస్ట్ ఆఫ్ ఫండ్స్ బేస్డ్ లెండింగ్ రేటు (ఎంసీఎల్ఆర్) అమల్లోకి రానుంది. ఎంసీఎల్ఆర్ వరుసగా 1 నెల, 3 నెలలు, 6 నెలలకు 7.05 శాతం, 7.40 శాతం, 7.80 శాతానికి పెంచబడింది. ఒక్కొక్కటి 15 బేసిస్ పాయింట్లు పెంచింది.
ఫిక్స్డ్ డిపాజిట్ల కోసం ఆన్లైన్లో కూడా దరఖాస్తు చేసుకునే సదుపాయం ఉంది. canarabank.com లో ఆన్లైన్లో దరఖాస్తు చేసుకోవచ్చు. లేదా సమీప శాఖను సందర్శించి కూడా దరఖాస్తు చేసుకోవచ్చు. మరింత సమాచారం కోసం మీరు 1800 425 0018 లేదా 1800 103 0018కి కాల్ చేయవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
