Rashi Phalalu: వారికి ప్రశాంతంగా ఉద్యోగ జీవితం.. 12 రాశుల వారికి రాశిఫలాలు
దిన ఫలాలు (డిసెంబర్ 4, 2025): మేష రాశి వారికి ఆదాయానికి లోటుండదు. అదనపు ఆదాయ మార్గాలు సత్ఫలితాలనిస్తాయి. వృషభ రాశి వారు వృత్తి, ఉద్యోగాల్లో అధికారుల నుంచి కొన్ని శుభవార్తలు అందుతాయి. ఒక శుభ పరిణామం చోటు చేసుకుంటుంది. మిథున రాశి వారికి ఆదాయానికి, ఆరోగ్యానికి లోటుండకపోవచ్చు. వృత్తి, ఉద్యోగాల్లో పని భారం పెరిగే అవకాశం ఉంది. మేష రాశి మొదలు మీన రాశి వరకు 12 రాశుల వారికి గురువారంనాటి రాశిఫలాలు ఎలా ఉన్నాయంటే..?
Updated on: Dec 04, 2025 | 5:31 AM
దిన ఫలాలు (డిసెంబర్ 4, 2025): మేషం (అశ్విని, భరణి, కృత్తిక 1): వృత్తి, ఉద్యోగాల్లో బరువు బాధ్యతలు బాగా పెరుగుతాయి. అధికారులు ఎక్కువగా ఆధారపడే అవకాశం ఉంది. వృత్తి, వ్యాపారాల్లో కూడా తీరిక లేని పరిస్థితి ఉంటుంది. వ్యాపారాల్లో పోటీదార్ల సమస్యలు బాగా తగ్గిపోతాయి. ఇంటా బయటా మీ మాటకు విలువ ఉంటుంది. ఆదాయానికి లోటుండదు. అదనపు ఆదాయ మార్గాలు సత్ఫలితాలనిస్తాయి. అనారోగ్య సమస్యలుండే అవకాశం ఉంది. ఆర్థిక సమస్యల నుంచి చాలావరకు బయటపడతారు. గౌరవ మర్యాదలు పెరుగుతాయి.
వృషభం (కృత్తిక 2,3,4, రోహిణి, మృగశిర 1,2): వృత్తి, ఉద్యోగాల్లో అధికారుల నుంచి కొన్ని శుభవార్తలు అందుతాయి. ఒక శుభ పరిణామం చోటు చేసుకుంటుంది. విదేశీయానానికి, విదేశాలలో స్థిరపడడానికి అవకాశాలు మెరుగుపడతాయి. అనుకోకుండా ధన యోగం పడుతుంది. సేవా కార్యక్రమాల్లోనూ, దైవ కార్యాల్లోనూ ఎక్కువగా పాల్గొంటారు. ఉద్యోగంలో ప్రాధాన్యం పెరుగుతుంది. డాక్టర్లు, లాయర్లు వంటి వృత్తుల వారికి ఆశించిన గుర్తింపు లభిస్తుంది. వ్యాపారాలు బిజీగా సాగిపోతాయి. ఆరోగ్యం అనుకూలంగా ఉంటుంది.
మిథునం (మృగశిర 3,4, ఆర్ద్ర, పునర్వసు 1,2,3): కొన్ని ముఖ్యమైన పనులు, వ్యవహారాలు కొద్ది శ్రమతో ఇంటా బయటా బాగా ఒత్తిడి ఉండే అవకాశం ఉంది. ఆదాయానికి, ఆరోగ్యానికి లోటుండకపోవచ్చు. వృత్తి, ఉద్యోగాల్లో పని భారం పెరిగే అవకాశం ఉంది. ఆదాయం కలిసి వస్తుంది కానీ, ఖర్చులు పెరుగుతాయి. వ్యాపారాలు నిలకడగా సాగిపోతాయి. ఆహార, విహారాల్లో జాగ్రత్తగా ఉండడం మంచిది. కుటుంబ జీవితం చాలావరకు సామరస్యంగా సాగిపోతుంది. పిల్లలు వృద్ధిలోకి వస్తారు. నిరుద్యోగులు శుభవార్తలు వినే అవకాశం ఉంది.
కర్కాటకం (పునర్వసు 4, పుష్యమి, ఆశ్లేష): వృత్తి, ఉద్యోగాల్లో శుభవార్తలు వింటారు. ఆదాయంలో కొద్దిపాటి పెరుగుదల ఉంటుంది. ఆదాయ ప్రయత్నాలన్నీ సత్ఫలితాలనిస్తాయి. పిల్లలు వృద్ధిలోకి వస్తారు. జీవిత భాగస్వామికి మంచి గుర్తింపు లభిస్తుంది. వ్యాపారాలు లాభసాటిగా పురోగమిస్తాయి. నిరుద్యోగులకు సమయం అనుకూలంగా ఉంది. కొందరు బంధువుల సహకారంతో పెళ్లి సంబంధం నిశ్చయం అయ్యే అవకాశం ఉంది. ఉద్యోగపరంగా విదేశాల నుంచి ఆశించిన సమాచారం అందుతుంది. ఆరోగ్యం పరవాలేదు.
సింహం (మఖ, పుబ్బ, ఉత్తర 1): వృత్తి, ఉద్యోగాల్లో అధికారులు మీ మీద ఆధారపడడం ఎక్కువవుతుంది. వ్యాపారాలు లాభసాటిగా ముందుకు సాగుతాయి. ఆర్థిక వ్యవహారాలు సంతృప్తికరంగా చక్కబడతాయి. అదనపు ఆదాయ మార్గాలు సత్ఫలితాలనిస్తాయి. కుటుంబంలో ప్రశాంత వాతావరణం నెలకొంటుంది. పిల్లల నుంచి శుభ వార్తలు వింటారు. ఆరోగ్యం నిలకడగా ఉంటుంది. చిన్ననాటి మిత్రులను కలుసుకుని సర దాగా కాలక్షేపం చేస్తారు. కొందరు మిత్రులకు అండగా నిలబడతారు. దైవ కార్యాల్లో పాల్గొంటారు.
కన్య (ఉత్తర 2,3,4, హస్త, చిత్త 1,2): రోజంతా ఉత్సాహంగా, ప్రోత్సాహకరంగా సాగిపోతుంది. కుటుంబ విషయాల్లో సానుకూల దృక్పథంతో వ్యవహరించడం మంచిది. వృత్తి, ఉద్యోగాల్లో అధికారులు ప్రత్యేక బాధ్యతలను అప్పగిస్తారు. అధికారాలు పెరిగే అవకాశం ఉంది. వ్యాపారాల్లో విశ్రాంతి ఉండని పరిస్థితి ఏర్పడుతుంది. ఇంటా బయటా అనుకూల పరిస్థితులుంటాయి. కుటుంబ వ్యవహారాలను జీవిత భాగస్వామి సహాయంతో చక్కదిద్దుతారు. రావలసిన డబ్బు కొద్దిగా చేతికి అందుతుంది. ఆరోగ్యానికి ఢోకాఉండదు.
తుల (చిత్త 3,4, స్వాతి, విశాఖ 1,2,3): ఆర్థిక విషయాలకు సమయం బాగా అనుకూలంగా ఉంది. ఉద్యోగ జీవితం ప్రశాంతంగా, సానుకూలంగా సాగిపోతుంది. ఆదాయం బాగా వృద్ధి చెందుతుంది. శుభకార్యాలు, ఆధ్యాత్మిక కార్యక్రమాల్లో పాల్గొంటారు. కుటుంబ సభ్యులతో సరదాగా కాలక్షేపం చేస్తారు. వృత్తి, వ్యాపారాల్లో లాభాలకు కొదవ ఉండదు. ముఖ్యంగా వృత్తి జీవితంలో డిమాండ్ పెరుగుతుంది. మిత్రులతో విందులో పాల్గొంటారు. ఉద్యోగ, పెళ్లి ప్రయత్నాల్లో ఒకటి రెండు శుభవార్తలు వింటారు. పిల్లలు వృద్ధిలోకి వస్తారు.
వృశ్చికం (విశాఖ 4, అనూరాధ, జ్యేష్ట): ముఖ్యమైన వ్యవహారాల్లో శ్రమ, తిప్పట ఎక్కువగా ఉంటాయి. పనులు, ప్రయత్నాల్లో ఆటంకాలు ఎక్కువగా ఉంటాయి. వృత్తి, వ్యాపారాల్లో శ్రమ ఎక్కువ, ఫలితం తక్కువగా ఉంటుంది. ఉద్యోగ జీవితం ప్రశాంతంగా, సాఫీగా సాగిపోతుంది. ఆదాయం, ఆరోగ్యం నిలకడగా ఉంటాయి. పెళ్లి ప్రయత్నాలు సానుకూలపడతాయి. ఉద్యోగ ప్రయత్నాలకు సానుకూల స్పందన లభిస్తుంది. దైవకార్యాల్లో పాల్గొంటారు. పిల్లల నుంచి శుభవార్తలు వింటారు. ఎవరినీ గుడ్డిగా నమ్మకపోవడం మంచిది.
ధనుస్సు (మూల, పూర్వాషాఢ, ఉత్తరాషాఢ 1): ఉద్యోగంలో అధికారులు మిమ్మల్ని ఎక్కువగా ఉపయోగించుకుంటారు. వృత్తి, వ్యాపారాల్లో ఒత్తిడి బాగా పెరుగుతుంది. కుటుంబ వ్యవహారాల్లో వ్యయ ప్రయాసలు తప్పకపోవచ్చు. ముఖ్యమైన పనులు సకాలంలో పూర్తవుతాయి. ఆదాయం చాలావరకు నిలకడగా ఉంటుంది. ఖర్చుల్ని తగ్గించుకోవడం మంచిది. ఇతరులకు సహాయం చేయాల్సి వస్తుంది. ఆరోగ్యం బాగానే ఉంటుంది. కొత్త కార్యక్రమాలు చేపడతారు. వ్యక్తిగత సమస్యలు తగ్గుముఖం పడతాయి. ఎవరికీ హామీలు ఉండవద్దు.
మకరం (ఉత్తరాషాఢ 2,3,4, శ్రవణం, ధనిష్ట 1,2): వృత్తి, ఉద్యోగాల్లో కూడా మీకు ప్రాధాన్యం బాగా పెరుగుతుంది. ఆదాయానికి, ఆరోగ్యానికి ఇబ్బందేమీ ఉండదు. మంచి పరిచయాలు ఏర్పడతాయి. సేవా, సహాయ కార్యక్రమాల్లో పాల్గొంటారు. చిన్ననాటి మిత్రుల్ని కలుసుకుంటారు. ఆధ్యాత్మిక చింతన పెరుగుతుంది. కుటుంబసమేతంగా కొన్ని ఇష్టమైన ఆలయాల్ని సందర్శిస్తారు. విదేశాల్లో ఉన్న పిల్లల నుంచి శుభ వార్తలు వింటారు. కొందరు మిత్రుల వల్ల ఆర్థిక సమస్యలుంటాయి. కుటుంబ జీవితం సాఫీగా, హ్యాపీగా సాగుతుంది.
కుంభం (ధనిష్ట 3,4, శతభిషం, పూర్వాభాద్ర 1,2,3): వృత్తి, ఉద్యోగాలు సజావుగా, సానుకూలంగా సాగిపోతాయి. వ్యాపారాలు నిలకడగా ముందుకు వెడతాయి. వ్యక్తిగత సమస్యలు కొద్దిగా ఇబ్బంది పెడతాయి. పిల్లల నుంచి ఆశించిన సమాచారం అందుతుంది. ఇంటా బయటా ఆచితూచి వ్యవహరించాల్సిన అవసరం ఉంది. ఆదాయం ఆశాజన కంగా ఉంటుంది. స్వల్ప అనారోగ్య సమస్యలుండవచ్చు. కొందరు స్నేహితులతో విందులో పాల్గొంటారు. నిరుద్యోగుల ఉద్యోగ ప్రయత్నాలు ఫలిస్తాయి. ఆధ్యాత్మిక కార్యక్రమాలకు హాజరవుతారు.
మీనం (పూర్వాభాద్ర 4, ఉత్తరాభాద్ర, రేవతి): ఉద్యోగంలో అధికారుల ఆదరాభిమానాలు లభిస్తాయి. వృత్తి, వ్యాపారాలు బాగా అనుకూలంగా, లాభదాయకంగా సాగిపోతాయి. ముఖ్యమైన ఆదాయ మార్గాల మీద దృష్టి పెడతారు. కొత్త వ్యాపా రాలు లేదా కొత్త పెట్టుబడుల గురించి ఆలోచన చేస్తారు. నిరుద్యోగులకు ఉద్యోగావకాశాలు పెరుగుతాయి. పెళ్లి ప్రయత్నాలు సఫలమవుతాయి. ఆశించిన శుభవార్తలు వింటారు. కొందరు మిత్రుల్ని ఆర్థికంగా ఆదుకుంటారు. ఆరోగ్యం అనుకూలంగా ఉంటుంది. ఆలయాలు సందర్శిస్తారు.
