Russia Ukraine Crisis: యుద్ధం ముగింపు దశకు చేరుకుందా.. రష్యా ఏం ఆలోచిస్తుంది..

ఉక్రెయిన్‌(Ukraine)పై యుద్ధం చేస్తున్న రష్యా ప్రపంచం నుంచి ఒత్తిడిని ఎదుర్కొంటోంది. ఈ యుద్ధం వల్ల రష్యా(Russia) భవిష్యత్తులో సవాళ్లను ఎదుర్కొవాల్సి రావొచ్చు. సోవియట్ యూనియన్ రద్దుతో ఏర్పడిన ఉక్రెయిన్ యుద్ధాన్ని రష్యాకు సైనిక విపత్తుగా మార్చవచ్చు. వ్లాదిమిర్ పుతిన్‌(Putin)కు ఈ వివాదాన్ని తొందరగా ముగింపు పలకాలని చూస్తున్నట్లు తెలుస్తోంది. అందుకే ఇరు దేశాలు చర్చలు కొనసాగిస్తున్నారు. మంగళవారం ఇస్తాంబుల్‌లోని డోల్మాబాస్ అధ్యక్ష కార్యాలయంలో జరిగిన శాంతి చర్చలలో ఉక్రెయిన్ పక్షం అందించిన రాతపూర్వకమైన “ప్రాథమిక” ప్రతిపాదనలు అదే సూచిస్తున్నాయి. కైవ్ చుట్టూ ఉన్న సైనికులను తగ్గించాలని ఉక్రెయిన్ కోరింది. ఇస్తాంబుల్‌లో రష్యా ప్రధాన సంధానకర్త వ్లాదిమిర్ మెడిన్స్కీ యుద్ధం తీవ్రతరం చేయడం, కాల్పుల విరమణ మధ్య వ్యత్యాసం ఉందని నొక్కి చెప్పారు. “ఇది కాల్పుల విరమణ కాదు, ఇది క్రమంగా సంఘర్షణను తగ్గించాలనే మా కోరిక” అని చెప్పారు. “మేము ఈ నగరాన్ని (కైవ్) అదనపు ప్రమాదంలో పెట్టకూడదనుకుంటున్నాము” అని పేర్కొన్నాడు.

ఉక్రేనియన్ ప్రతినిధి బృంద అధిపతి డేవిడ్ అరాఖమియాచే ఉక్రెయిన్ తరఫున ప్రతిపాదనలు చేశారు. పుతిన్ ఎప్పటి నుంచో డిమాండ్ విషయం ఉక్రెయిన్ NATOలో చేరే ప్రయత్నాన్ని విరమించుకోవాలని.. దీనిపై అరాఖమియా మాట్లాడుతూ కైవ్ అనేక దేశాల నుంచి భద్రతా హామీని కోరినట్లు చెప్పారు. అది NATO పరస్పర ఆత్మరక్షణ నిబద్ధతకు భిన్నంగా పని చేస్తుందని వివరించారు. UK, చైనా, US, టర్కీ, ఫ్రాన్స్, కెనడా, ఇటలీ, పోలాండ్, ఇజ్రాయెల్‌లను సాధ్యమైన హామీదారులుగా పేర్కొన్నాడు. కైవ్‌పై దాడిని ముగించాలనే రష్యా వాదనలను విశ్వసించరాదని US పేర్కొంది. అయితే యుద్ధంలో అలసిపోయిన ఉక్రెయిన్, అట్లాంటిక్ కూటమి సహాయ వాగ్దానాల గురించి నిరాశ, భ్రమలు కలిగి ఉంది.

“శాంతి ఒప్పందం చేసుకోవడానికి పుతిన్-జెలెన్స్కీ శిఖరాగ్ర సమావేశానికి సిద్ధంగా ఉన్నట్లు మాస్కో ప్రకటించింది. సంబంధిత విదేశాంగ మంత్రులు పత్రాన్ని ఖరారు చేసి, ఇంక్ చేసిన తర్వాత మాత్రమే అటువంటి సమావేశాన్ని షెడ్యూల్ చేయవచ్చని క్రెమ్లిన్ గతంలో పేర్కొన్నారు. ఉక్రెయిన్ ఇప్పుడు ఆ నిబంధనలను సమర్థవంతంగా అంగీకరించడానికి సిద్ధంగా ఉంది. మరీ ముఖ్యంగా, NATO తూర్పు వైపు మరింత విస్తరించడానికి వ్యతిరేకంగా భద్రతా హామీలపై రష్యా షరతులను ఉక్రెయిన్ అంగీకరించవచ్చు. US-NATO-EU కూటమి ఐరోపా కోసం పరస్పర ఆమోదయోగ్యమైన కొత్త భద్రతా నిర్మాణాన్ని రూపొందించడానికి ముందుకు సాగాల్సిన అవసరం ఉంది.

ఆర్థిక పరంగా రష్యాకు యుద్ధం భారీగా నష్టపోయి ఉండవచ్చు. కానీ తిరిగి శాంతిని నెలకొల్పడం, ఐరోపాతో ఆర్థిక సంబంధాలు పునరుద్ధరణం తర్వాతే రష్యా ప్రయోజనం పొందుతుంది. చమురు, గ్యాస్‌తో పాటు, యూరోపియన్ పరిశ్రమలకు అవసరమైన గోధుమలు, లోహాలు, ఖనిజాలు జీవితకాల గరిష్టాలను తాకుతున్నాయి. డిసెంబర్‌తో పోలిస్తే గోధుమల ధర 30 శాతం అధికంగా ఉన్నాయి. చిప్ తయారీ, నానోటెక్ పరిశ్రమకు కీలకమైన నికెల్ ధర 60 శాతం పెరిగింది. ఉత్ప్రేరక కన్వర్టర్‌లకు అవసరమైన పల్లాడియం 70 శాతం పెరిగింది. బొగ్గు ఆల్ టైమ్ అత్యధికంగా టన్నుకు 400డాలర్లు పలుకుతోంది. నిత్యావసర వస్తువుల ధరల పెరుగుదల పుతిన్‌కు కూడా ప్రయోజనం చేకూరుస్తుంది. చమురు, గ్యాస్ ధరల పెంపు ప్రపంచ వ్యాప్తంగా వినియోగదారుల ద్రవ్యోల్బణాన్ని పెంచుతుంది. సోవియట్ అనంతర రష్యా ఐరోపాతో ఆర్థిక ఏకీకరణ తర్వాత ఆర్థికంగా ఎదిగింది. అత్యంత శక్తివంతమైన యూరోపియన్ దేశమైన జర్మనీ, ఇంధన సరఫరాల కోసం రష్యాపై ఆధారపడింది.

Read Also.. Ukraine-Russia Crisis: పెద్ద ప్రమాదమే పొంచివుంది.. రష్యా బలగాలు వెనక్కిపై జెలెన్‌స్కీ కీలక వ్యాఖ్యలు