Tibet Earthquake: టిబెట్‌లో భూకంప విధ్వంసం.. 95 మంది మృతి..130 మందికి గాయాలు
మంగళవారం ఉదయం బలమైన భూకంపం మొత్తం ఐదు దేశాలను వణికించింది. టిబెట్, నేపాల్, బంగ్లాదేశ్, భారతదేశం, ఇరాన్ దేశాల్లో బలమైన భూకంపం సంభవించింది. భూకంప కేంద్రం టిబెట్, నేపాల్ గా ఉన్నట్లు తెలుస్తోంది. ఈ భూకంపం ఉత్తర భారతదేశంలోని అనేక నగరాలను ప్రభావితం చేసింది. భూకంపం కారణంగా టిబెట్‌లో చాలా మంది మరణించారు. భారత్‌లో ఎలాంటి ప్రాణ, ఆస్తి నష్టం జరిగినట్లు సమాచారం లేదు. టిబెట్‌లో పెను విధ్వంసం చోటుచేసుకుంది. రిక్టర్ స్కేలుపై భూకంప తీవ్రత 6.8గా నమోదైంది. టిబెట్‌లోని అనేక కుటుంబాలకు భూకంపం మరపురాని బాధను ఇచ్చింది
Updated on: Jan 07, 2025 | 4:02 PM
మంగళవారం టిబెట్, నేపాల్‌లో భూకంప ప్రకంపనలతో సూర్యోదయం అయింది. అంతేకాదు భారతదేశం, బంగ్లాదేశ్‌లోని అనేక ప్రాంతాలలో కూడా భూకంప ప్రకంపనలు సంభవించాయి. అయితే ఈ భూకంపం కేంద్రం టిబెట్. అక్కడ 7.1 తీవ్రతతో శక్తివంతమైన భూకంపం సంభవించింది. నేపాల్ సరిహద్దు సమీపంలోని టిబెట్ ప్రాంతంలో సంభవించిన శక్తివంతమైన భూకంపంలో ఇప్పటివరకు 95 మంది మరణించారని, 130 మంది గాయపడినట్లు తెలుస్తోంది.
టిబెట్‌లోని షిగాజ్ నగరంలో భూకంపం సంభవించింది. షిగాజ్ నగరంలోని డింగ్రీ కౌంటీలో భూకంపం సంభవించింది. అయితే చైనా భూకంప తీవ్రత 6.8గా నమోదైంది. 10 కిలోమీటర్ల లోతులో భూకంపం సంభవించింది. USGS నివేదిక ప్రకారం ఉదయం 7 గంటల సమయంలో ఒక గంటలోపు కనీసం ఆరు సార్లు నాలుగు నుంచి ఐదు తీవ్రతల భూకంపాలు నమోదయ్యాయి.
Strong 7.0 earthquake that hit Tibet region made significant damage. Earthquake was widely felt in Nepal and India.#earthquake #sismo #temblor pic.twitter.com/eKVICcvWB0
— Disasters Daily (@DisastersAndI) January 7, 2025
ఉదయం 6:52 గంటల ప్రాంతంలో భూకంపం సంభవించింది. నేపాల్‌లోని ఖాట్మండు, ధాడింగ్, సింధుపాల్‌చౌక్, కవ్రే, మక్వాన్‌పూర్ సహా అనేక ఇతర జిల్లాల్లో భూకంపం సంభవించింది. ఉత్తర భారతదేశంలోని అనేక నగరాల్లో కూడా భూకంప ప్రకంపనలు సంభవించాయి. అయితే భారతదేశంలో ఎటువంటి ప్రాణనష్టం జరిగినట్లు వార్తలు లేవు.
నేపాల్‌లోని ఏ నగరాల్లో భూకంపం?
నేపాల్‌లోని ఖాట్మండు, కబ్రేపాలంచోక్, సింధుపాలాంచోక్, ధాడింగ్ , సోలుకుంబు నగరాల్లో భూకంపం సంభవించింది. భూకంపం రావడంతో ప్రజలు ఇళ్ల నుంచి బయటకు వచ్చారు. కొంత సేపు రోడ్లకిరువైపుల ఉన్న చెట్లు, విద్యుత్ తీగలు వణుకుతున్నట్లు ప్రజలు చూశారు.
ఈ భూకంపం నేపాల్ ప్రజలను భయాందోళనకు గురిచేసేంత శక్తివంతమైనదిగా తెలుస్తోంది. ఇది 2015లో సంభవించిన భారీ భూకంపం గుర్తు చేసుకుని ఆ దేశ ప్రజలు వణికిపోతున్నారు. ఆ సమయంలో ఏర్పడిన భూకంపంలో 9,000 మంది మరణించారు.
అయితే ఇప్పటి వరకు తమకు పెద్దగా నష్టం వాటిల్లినట్లు సమాచారం అందలేదని నేపాల్ పోలీసు అధికార ప్రతినిధి తెలిపారు. భూకంప కేంద్రం టిబెట్‌లో ఉండటంతో ఉత్తర నేపాల్‌లో నివసిస్తున్న ప్రజలు మరింత తీవ్ర ప్రకంపనలకు గురయ్యారని నేపాల్ పోలీసు అధికార ప్రతినిధి బిష్వో అధికారి తెలిపారు.
భూకంపాలు ఎలా వస్తాయి?
ఈ రోజు ఢిల్లీ ఎన్‌సీఆర్‌లో భూకంపాలు నిరంతరం సంభవిస్తున్నాయి. మన భూమి ఏడు టెక్టోనిక్ ప్లేట్‌లతో రూపొందించబడింది. భూమి అంతర్భాగంలో ఎక్కడైనా ఒకచోట ఆకస్మిక అలజడి వచ్చినప్పుడు కంపనాలు ఉపరితలాన్ని చేరడాన్నే భూకంపం అంటారు. భూకంప తీవ్రత కారణంగా పెను విధ్వంసం జరిగే ప్రమాదం ఉంది.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..
