ఏకంగా 174 కిలోల బరువు తగ్గాడు.. చివరకు నిద్రలోనే..

 ‘‘హాయ్‌.. నాపేరు గాబ్రియల్‌. వయసు 29 ఏళ్లు. ఒకప్పుడు నేను 320 కేజీల బరువు ఉండేవాడిని. ఎలాంటి సర్జరీలు లేకుండా, మందులు వాడకుండా బరువు తగ్గేందుకు నేను ప్రయత్నించా. ఆ ప్రయాణం మీరూ చూడండి..’’ అంటూ ఎనిమిదేళ్ల కిందట అతను పోస్ట్‌ చేసిన వీడియో తెగ వైరల్‌ అయ్యింది. ఇన్‌స్టాలో అతనికి 70 వేల మంది ఫాలోవర్లు ఉన్నారు. బరువు తగ్గాలనుకునే ఎందరికో అతని పాఠాలు స్ఫూర్తిగా నిలిచాయి కూడా. అయితే ఆ తర్వాత ఆ ఫేమ్‌ ఎంతో కాలం నిలవలేదు. తండ్రిని, సోదరుడిని కోల్పోయాక మానసికంగా కుంగిపోయాడు. ఆ బాధలో మునుపటి అంతలా కాకపోయినా కాస్త బరువు పెరిగాడు. చివరకు డిసెంబర్‌ 30వ తేదీన నిద్రలోనే గుండెపోటుతో చనిపోయాడని అతని స్నేహితుడు రికార్డో ప్రకటించాడు. ‘‘మా వాడి మనసు బంగారం. ఎందరికో వాడి ప్రయాణం ఇన్‌స్పిరేషన్‌. అలాంటోడు ఏ నొప్పి లేకుండా ప్రశాంతంగా నిద్రలోనే కన్నుమూశాడు’’ అని తెలిపాడు.