India-Nepal: నేపాల్‌లో ఇవాళ్టి నుంచి ‘రూపే’ సేవలు షురూ.. ప్రదానులు మోదీ – దేవుబా జీ మధ్య కీలక ఒప్పందాలు!

India-Nepal Relations: భారతదేశం – నేపాల్ ప్రధాన మంత్రుల సంయుక్త మీడియా సమావేశం నిర్వహించారు. ప్రధాని నరేంద్ర మోదీ(Narendra Modi), నేపాలీ ప్రధాని షేర్ బహదూర్ దేవుబా(Sher Bahadur Deuba)  సమక్షంలో నాలుగు ఒప్పంద పత్రాలపై సంతకాలు జరిగాయి. నేపాల్‌లో ప్రధాని మోదీ రూపేని ప్రారంభించారు. ఇరు దేశాల మధ్య జరిగిన తొలి ఒప్పందంలో భారత్ నేతృత్వంలోని అంతర్జాతీయ సౌర కూటమిలో నేపాల్ చేరింది. రెండో ఒప్పందంలో రైల్వే రంగంలో భారత్, నేపాల్ మధ్య సాంకేతిక సహకారాన్ని పెంపొందించేందుకు ఒప్పందం కుదిరింది. నేపాల్‌కు పెట్రోలియం ఉత్పత్తుల సరఫరాపై మూడవ ఒప్పందంలో. ఇండియన్ ఆయిల్ కార్పొరేషన్ లిమిటెడ్, నేపాల్ ఆయిల్ కార్పొరేషన్ మధ్య అవగాహన ఒప్పందం కుదిరింది.

ఇది కాకుండా, నేపాల్ ఆయిల్ కార్పొరేషన్ మరియు IOCL మధ్య సాంకేతిక సహకారం కోసం నాల్గవ ఒప్పందం సంతకం చేయడం జరిగింది. ప్రెస్ ప్రోగ్రామ్‌లో ప్రధాని దేవుబాను స్వాగతిస్తూ.. చాలా సంతోషంగా ఉన్నానన్న భారత ప్రధాని నరేంద్ర మోడీ.. ఈరోజు, భారతీయ నూతన సంవత్సరం, నవరాత్రులు జరుపుకుంటున్న శుభ సందర్భంగా, దేవుబా జీకి శుభప్రదమైన ఆగమనం అన్నారు. దేవుబా జీ భారతదేశానికి పాత మిత్రుడని, ప్రధాని హోదాలో ఇది తనకు 5వ పర్యటన అని అన్నారు. భారత్-నేపాల్ సంబంధాల అభివృద్ధిలో ఆయన కీలక పాత్ర పోషించారు. భారత్-నేపాల్ లాంటి స్నేహ సంబంధాలు ప్రపంచంలో కనిపించవు. మనం సుఖ దుఃఖాల సహచరులమని మోదీ స్పష్టం చేశారు.

నేపాల్ శాంతి పురోగతిలో భారతదేశం ఒక దృఢమైన భాగస్వామి. మేము మా చర్చలో పరస్పర సంబంధాల గురించి విస్తృతంగా చర్చించామని ప్రధాని మోదీ తెలిపారు. మా భాగస్వామ్య విజన్ డాక్యుమెంట్ భాగస్వామ్య సహకారం కోసం కొత్త రోడ్ మ్యాప్ అవుతుంది. విద్యుత్ రంగంలో పరస్పర సహకారానికి గల అవకాశాలను సద్వినియోగం చేసుకోవాలని నిర్ణయించామన్నారు. పంచేశ్వర్ ప్రాజెక్ట్ గేమ్ ఛేంజర్ ప్రాజెక్ట్ అని ప్రధాని అన్నారు. నేపాల్ తన మిగులు విద్యుత్‌ను భారత్‌కు ఎగుమతి చేయనుండడం సంతోషించదగ్గ విషయం. నేపాల్ సౌర కూటమిలో భాగం కావడం వల్ల మన ప్రాంతంలో స్వచ్ఛమైన, స్థిరమైన శక్తికి మూలం కానుంది.

అదే సమయంలో, నేపాల్ మరియు నేపాల్ ప్రజల పట్ల మీ ఆప్యాయత మరియు అనుబంధాన్ని నేను గౌరవిస్తున్నాను అని నేపాల్ ప్రధాన మంత్రి షేర్ బహదూర్ దేవుబా అన్నారు. నా సందర్శన ఈ భావాన్ని మరింత బలపరుస్తుంది. భారతదేశానికి స్వాతంత్ర్యం వచ్చిన ఈ సంవత్సరం అమృత్ మహోత్సవ్‌లో, మేము ఇండో-నేపాల్ సంబంధాల 75 సంవత్సరాలను కూడా జరుపుకుంటున్నామని తెలిపారు.

కరోనా మహమ్మారి విరుచుకుపడుతున్న సమయంలో భారతదేశం నుండి మొదటి కోవిడ్ వ్యాక్సిన్‌ని పొందానన్నారు. ఈ మహమ్మారిని ఎదుర్కోవడంలో నేపాల్‌కు అందించిన సహాయాన్ని మరువలేనిదన్నారు. రాజకీయ, సామాజిక మరియు ఆర్థిక రంగంలో సహకారాన్ని బలోపేతం చేయడంపై మా దృష్టి ఉంది. మేము భారతదేశం పురోగతి నుండి లాభం కోసం ఎదురు చూస్తున్నామని దేవుబా జీ తెలిపారు.

నేపాల్‌లో ఇంటిగ్రేటెడ్ చెక్‌పోస్ట్‌ను త్వరగా నిర్మించడంపై భారత్ – నేపాల్ మధ్య చర్చ కూడా జరిగింది. దీనితో పాటు, అనేక ఇతర అదనపు విమాన మార్గాలు, కనెక్టివిటీని కూడా పెంచాలని అభ్యర్థించారు. 1.5 లక్షల మెట్రిక్ టన్నుల రసాయన ఎరువులు సరఫరా చేయాలని భారతదేశానికి విజ్ఞప్తి చేయడం జరిగింది. ఇది విత్తనాల సీజన్‌కు ముందే అందుబాటులో ఉంటే చాలా ఉపయోగకరంగా ఉంటుంది. అలాగే, నేపాల్‌లో రూపే కార్డ్ వాడకం కూడా ఈరోజు నుండి ప్రారంభమైంది. దీనిని మేము ఈరోజు ప్రారంభించాము. ఇది భారతదేశ పర్యాటకులకు ప్రయోజనం చేకూరుస్తుందని రెండు దేశాల ప్రధానులు తెలిపారు.

నేపాల్‌తో విద్యుత్ కొనుగోలు ఒప్పందాలకు భారతదేశానికి ధన్యవాదాలు తెలియజేస్తున్నామని నేపాల్ తెలిపింది. కోవిడ్ మహమ్మారి సమయంలో, మరిన్ని మందులను సరఫరా చేయడంలో నేపాల్ అనేక ఆరోగ్య సౌకర్యాలను బలోపేతం చేయడంలో భారతదేశం చేసిన సహాయానికి మేము ధన్యవాదాలు తెలియజేస్తున్నామని దేవుబా జీ తెలిపారు. నేపాల్‌లోని హిందువులు తమ జీవితంలో ఒక్కసారైనా కాశీని సందర్శించాలని, విశ్వనాథ్ ఆలయాన్ని సందర్శించాలని కోరుకుంటారు. నా బనారస్ సందర్శన కూడా మా బంధానికి మరింత బలాన్నిస్తుందని నేపాల్ ప్రధాని స్పష్టం చేశారు..

Nepal PM Deuba applauds India’s COVID-19 response

Read @ANI Story | https://t.co/QfsWURaTne pic.twitter.com/bjVg6lMgqA

— ANI Digital (@ani_digital) April 2, 2022

Read Also…. Ugadi 2022: కశ్మీర్ నుంచి కన్యాకుమారి దాకా.. దేశవ్యాప్తంగా ఉగాది.. ఎవరెవరు ఎలా జరుపుకుంటారో తెలుసా?