Viral: జానెడు పొట్ట కోసం ప్రాణాల‌నే ప‌ణంగా పెట్టిన కూలీ.. గుండెను పిండేస్తున్న వీడియో..

బ‌తుకు బండి సాఫీగా సాగేందుకు ఎవరైనా ఏదో ఒక పని చేసి సంపాదించక తప్పదు. కానీ జానెడు పొట్ట కోసం ప్రాణాల‌నే ప‌ణంగా పెట్టి ప‌నిచేయాల్సిన ప‌రిస్ధితుల్లోనూ చాలా మంది బ‌తుకు వెళ్లదీస్తున్నారు.

Worker

Shiva Prajapati |

Updated on: Jan 11, 2023 | 2:05 PM

బ‌తుకు బండి సాఫీగా సాగేందుకు ఎవరైనా ఏదో ఒక పని చేసి సంపాదించక తప్పదు. కానీ జానెడు పొట్ట కోసం ప్రాణాల‌నే ప‌ణంగా పెట్టి ప‌నిచేయాల్సిన ప‌రిస్ధితుల్లోనూ చాలా మంది బ‌తుకు వెళ్లదీస్తున్నారు. నిర్మాణ రంగంలో ప‌నిచేసే ఓ కూలీ ఎత్తైన భ‌వ‌న నిర్మాణ ప‌నుల్లో అత్యంత ప్రమాద‌క‌రంగా ఐర‌న్ ప్లేట్ అంచున కూర్చుని ప‌నిచేస్తున్న వీడియో సోష‌ల్ మీడియాలో వైర‌ల్‌గా మారింది.

Dr Showkat Shah పేరుతో ఉన్న ట్విట్టర్ యూజర్ షేర్ చేసిన ఈ వీడియోలో ఓ బిల్డింగ్ నిర్మాణం జరుగుతోంది. సెంట్రింగ్ ఫిట్ చేసే క్రమంలో ఓ కూలీ.. తన ప్రాణాలను పణంగా పెట్టి మరీ.. జస్ట్ ఒక అడుగు సైజ్‌లో ఉన్న ప్లేట్‌పై కూర్చుని.. వాటిని సెట్ చేస్తున్నాడు. ఆ కార్మికుడికి సేఫ్టీ బెల్ట్స్ లాంటి ఫెసిలిటీ ఏదీ లేదు. ఏమాత్రం తేడా జరిగినా.. ప్రాణాలు గాల్లో కలవాల్సిందే. దాదాపు 5, 6 ఫ్లోర్స్ ఎత్తులో ఈ నిర్మాణ పనులు జరుగుతున్నాయి. కనీస సేఫ్టీ కూడా లేకుండా, అత్యంత ప్రమాదకరమైన ప్లేస్‌లో కూర్చుని కార్మికుడు అలా పని చేయడం ఇప్పుడ సంచలనంగా మారింది.

ఇవి కూడా చదవండి

ఈ వీడియో సోషల్ మీడియాలో వైరల్ అవుతుండగా.. నెటిజన్లు ఫైర్ అవుతున్నారు. బిల్డింగ్ కాంట్రాక్టర్ ఎవరోగానీ ముందుగా వారిని ఆ ఐరన్ ప్లేట్‌పై కూర్చోపెట్టి పని చేయించాలని ఫైర్ అవుతున్నారు. అదే సమయంలో జీవనోపాది కోసం ప్రాణాలకు తెగించి అతను పని చేయడాన్ని చాలామంది ప్రశంసిస్తున్నారు. వీడియో చూస్తే మీరు కూడా అదేవిధంగా రెస్పాండ్ అవుతారు.