Viral Video: వీడు గత జన్మలో బల్లినో, తొండనో అయి ఉంటాడు… యువకుడి పుషప్స్‌ చూసి నెటిజన్స్‌ షాక్‌

సోషల్‌ మీడియా అందుబాటులోకి వచ్చాక ఏదో ఒకటి చేసి వైరల్‌ అవ్వాలనే ఆలోచన చాలమందని తొలిచేస్తుంది. రకరకాల స్టంట్‌లు చేస్తూ నెట్టింట్ల వీడియోలు అప్‌లోడ్‌ చేస్తున్నారు. అందులో కొన్ని ఫన్నీగా ఉంటే మరికొన్ని మాత్రం చాలా ప్రమాదకరంగా ఉంటున్నాయి. రీల్స్‌ పిచ్చిలో పడి ప్రమాదాలబారిన పడుతున్నారు. ప్రస్తుతం అలాంటి వీడియో ఒకటి సోషల్‌ మీడియాలో వైరల్‌ అవుతోంది. ఈ వీడియోలో ఒక యువకుడు వినూత్నంగా వ్యాయామం చేస్తూ కనిపించాడు. ఇది ఉత్సాహమా లేదా ఒకరి ప్రాణాలను పణంగా పెట్టడమా అని నెటిజన్స్‌ కామెంట్స్‌ పెడుతున్నారు.

వైరల్ వీడియోలో యువకుడు భవనం పైకప్పు నుండి వేలాడుతూ వ్యాయామం చేస్తున్నట్లు చూడవచ్చు. ఈ దృశ్యాన్ని చూసిన ప్రజలు ఆశ్చర్యపోతున్నారు. ఈ వీడియో ఒక యువకుడు పైకప్పు అంచున నిలబడి ఉండటంతో ప్రారంభమవుతుంది. అతని ముఖంలో ఏ మాత్రం భయం గానీ, బెరుకు గాననీ కనిపించడం లేదు. తరువాత, మరుసటి క్షణంలో, అతను ఎవరినైనా ఆశ్చర్యపరిచే ఒక విన్యాసం చేస్తాడు.

అతను పైకప్పు రెయిలింగ్ నుండి సగం దూరం వేలాడుతూ పుష్-అప్‌లు చేయడం ప్రారంభిస్తాడు. అత్యంత ఆశ్చర్యకరమైన విషయం ఏమిటంటే, ఆ యువకుడు ఇవన్నీ చాలా తేలికగా చేస్తాడు. అనుకోకుండా జారిపడతానేమోననే భయం కూడ లేకుండా అదో బల్లి మాదిరిగా గోడకు అతుక్కుని పుషప్స్‌ ఇస్తుంటాడు. ఈ ప్రత్యేకమైన వ్యాయామం సోషల్ మీడియాలో త్వరగా వైరల్ అయింది.

13 సెకన్ల వీడియోను ఇప్పటికే 30,000 సార్లు వీక్షించారు, వందలాది లైక్‌లు, కామెంట్స్‌ వచ్చాయి. వీడియో చూసిన తర్వాత “ఇది వ్యాయామం కాదు, దీనిని విపరీతమైన విన్యాసాలు అంటారు” అని అన్నారు, “ఫిట్‌నెస్ పేరుతో మీ జీవితాన్ని ఫణంగా పెట్టడం అవివేకం” అని మరికొందరు అన్నారు. ఒక వినియోగదారు, “అతను రీల్ చేయడానికి ఇలా చేస్తున్నాడు” అని రాశారు, మరొక వినియోగదారు, “ప్రాక్టీస్ మనిషిని పరిపూర్ణుడిని చేస్తుంది” అని రాశారు.

వీడియో చూడండి:

India Is Not For Beginners 🇮🇳 pic.twitter.com/4MLnZS1Oyc

— Rosy (@rose_k01) December 28, 2025