సమంత రుత్ ప్రభు

తెలుగు, తమిళ, హిందీ భాషల్లో నటించిన భారతీయ నటి సమంత రూత్ ప్రభు. మోడలింగ్‌తో కెరీర్ మొదలు పెట్టిన సమంత.. ఏ మాయ చేశావే సినిమాతో 2010లో తెలుగు సినీ పరిశ్రమలో అడుగుపెట్టారు. ఆ తర్వాత నటించిన బృందావనం, దూకుడు, ఈగ, ఎటో వెళ్ళిపోయింది మనసు, సీతమ్మ వాకిట్లో సిరిమల్లె చెట్టు, అత్తారింటికి దారేది వంటి హిట్ చిత్రాలతో టాలీవుడ్‌లో అగ్రనటిగా ఎదిగిపోయింది సమంత. 2017లో అక్కినేని నాగార్జున తనయుడు నాగ చైతన్యను ప్రేమవివాహం చేసుకుంది. ఆ తర్వాత కూడా సమంత నటనను కొనసాగించారు. వ్యక్తిగత కారణాలతో 2021 అక్టోబర్‌లో ఇద్దరూ విడిపోతున్నట్లు వారు సోషల్ మీడియా ద్వారా వారు ప్రకటించారు. విడాకుల తర్వాత కూడా ప్రతి ఏటా ఒకట్రెండు మూవీస్‌లో సమంత నటిస్తున్నారు. ఏ మాయ చేశావే మూవీలో నటనకు స్పెషల్ జ్యూరీ అవార్డు, ఎటో వెళ్ళిపోయింది మనసు సినిమాలో నటనకు ఉత్తమ నటిగా నంది పురస్కారం అందుకున్నారు. అత్తారింటికి దారేది మూవీకి ఉత్తమ నటి (2013), ఓ బేబి మూవీకి ఉత్తమ నటి (2019) గా సైమా అవార్డులు గెలుచుకున్నారు.