Hyderabad: గత్తరలేపుతున్న గలీజ్‌ వ్యవహారం.. గే డేటింగ్‌ యాప్‌ మాటున.. వామ్మో..

ఫ్లైట్‌ సింబల్ పెడితే ఎక్కడికో వెళ్తున్నట్లు… కానీ అక్కడ మాత్రం దానర్థం ఐ వాంట్ అని…!  రాకెట్‌ సింబల్‌ అంటే జట్‌ స్పీడ్‌ అని మనం అనుకుంటాం… కానీ వాళ్లు మాత్రం అవైలబుల్‌ అని అర్థం చేసుకుంటారు…!  ఇక పావురం సింబల్‌ అంటే ఎగిరిపోవడమని మనకి తెలుసు… వాళ్లు మాత్రం ‘ఆన్ ద వే’ హ్యాపీగా ఫీలవుతుంటారు…! ఇలా సింబల్స్‌ని డిఫరెంట్‌గా అర్ధం చేసుకునేది ఎక్కడనుకుంటున్నారా…! గ్రిండర్‌ గే డేటింగ్‌ యాప్‌లో. యస్‌.. రకరకాల డ్రగ్స్‌ను రకరకాల మనుషులు వాడుతుండుతున్నట్లు ఈస్ట్‌ జోన్‌ పోలీసులు తేల్చారు.

కొడుకు డ్రగ్స్‌ తీసుకుంటున్నాడని… దానికో యాప్‌ను వాడుతున్నాడని ఓ తండ్రికి అనుమానం వచ్చింది…! ఆయన వెళ్లి పోలీసులకు చెప్పగా తమదైన స్టైల్‌లో ఇన్వెస్టిగేషన్‌ చేస్తే… వినడానికే ఇబ్బంది కలిగే డర్టీ పిక్చర్‌ బట్టబయలైంది. గ్రిండర్ అనే ఓ గే డేటింగ్‌ యాప్‌ ద్వారా డ్రగ్స్‌ దందా సాగుతోందని… కేవలం సింబల్స్‌ ద్వారానే ఆర్డర్ అండ్‌ డెలివరీ నడుస్తోందని… ఆ యాప్‌లో వందలాదిమంది అసహజ సంపర్కులే ఉన్నారన్న వ్యవహారం మైండ్‌ పోయేలా చేస్తోంది.

డ్రగ్స్‌ అంటేనే గలీజ్‌ వ్యవహారం… ఇంతటి డర్టీ కంటెంట్‌ ఉన్న ఈ కేసులో బయటకొచ్చిందీ మరో అసహ్యం. అదే నిందితులు, కన్జ్యుమర్స్‌లో కొందరికి HIV ఉండటం. ఇక ఈ కేసులో 10 మందిని అదుపులోకి తీసుకున్న హైదరాబాద్‌ ఈస్ట్‌ జోన్‌ పోలీసులు.. అందులో ఓ డాక్టర్ కూడా ఉన్నట్లు తేల్చారు. 100 గ్రాముల డ్రగ్స్ స్వాధీనం చేసుకున్నారు. బెంగళూరుకి చెందిన ఓ నైజీరియన్ ద్వారా ఇద్దరు పెడ్లర్లు డ్రగ్స్‌ కొనుగోలు చేస్తున్నట్లు వెల్లడించారు. గ్రాము 10వేల రూపాయలకు కొనుగోలు చేసి హైదరాబాద్‌లో 15వేల రూపాయలకు అమ్ముతున్నట్లు తెలిపారు. ఇంటర్నేషన్‌ లెవల్‌లో ఈ గ్రిండర్‌ యాప్‌ వ్యవహారం నడుస్తోందని… విచారణ ముమ్మరం చేశామన్నారు పోలీసులు.

మరిన్ని తెలంగాణ వార్తల కోసం ఇక్కడ క్లిక్ చేయండి.