WhatsApp New Feature: యూట్యూబ్‌ని ఫాలో అవుతోన్న వాట్సాప్.. ఆ ఫీచర్‌ను కూడా తెచ్చేసింది..

టెక్ ప్రపంచంలో వాట్సాప్ ఒక ట్రెండ్ సెట్టర్ అని చెప్పాలి. మెటా యాజమాన్యంలో నడిచే ఈ మెసేజింగ్ యాప్ గ్లోబల్ లీడర్ అని చెప్పడం అతిశయెక్తి కాదు. స్మార్ట్ ఫోన్లలోకి మెసేజింగ్ మాత్రమే కాక స్టేటస్, ఆడియో, వీడియో కాల్స్, ఇటీవల కాలంలో వచ్చిన వాట్సాప్ చానల్ వంటి సరికొత్ ఫీచర్లు వినియోగదారులకు పరిచయం చేసి, వారి మనన్నలు పొందుతోంది. అంతేకాక వినియోగదారుల ఫీడ్ బ్యాక్ ఎప్పటికప్పుడు తీసుకుంటూ.. అత్యాధునిక సాంకేతికతను యాప్ నకు జోడిస్తోంది వాట్సాప్. ఇదే క్రమంలో వాట్సాప్ ను సూపర్ గా మార్చే ఓ కొత్త ఫీచర్ ను వాట్సాప్ లోకి తీసుకొస్తున్నట్లు తెలుస్తోంది. అదే వీడియోలలో ప్లే బ్లాక్ కంట్రోల్ ఆప్షన్. అంటే మీరు చూస్తున్న వీడియోను ఫార్వాడ్, బ్యాక్ వర్డ్ చేసుకొనే అవకాశం అన్నమాట. మీరు యాప్ లో వీడియోని ప్లే చేయొచ్చు. లేదా పాజ్ చేయొచ్చు. ఇంకా ఫార్వాడ్ బ్యాక్ వర్డ్ ఏదైనా చేయొచ్చు. ఈ ఫీచర్ పూర్తి స్థాయిలో అందుబాటులోకి వస్తే వాట్సాప్ కూడా మీకు మరో యూ ట్యూబ్ లా మారిపోయే అవకాశం ఉంది. ప్రస్తుతం ఈ కొత్త ఫీచర్‌ను వాట్సాప్ పరీక్షిస్తోంది. ఈ ఫీచర్ ప్రస్తుతం ఆండ్రాయిడ్ ఫోన్లలోని వాట్సాప్ బీటా టెస్టర్లకు అందుబాటులో ఉంది. పరీక్ష విజయవంతమైతే అందిరికీ అందుబాటులోకి వస్తుంది.

వాబీటాఇన్ ఫో ప్రకారం..

వాట్సాప్ ప్లే బ్యాక్ కంట్రోల్ ఆప్షన్ గురించి వివరాలు వాబీటా ఇన్ ఫో ఓ నివేదికలో పొందుపరచింది. యూ ట్యూబ్ యాప్ లో వీడియోను పది సెకండ్లు ఫార్వాడ్, లేదా బ్యాక్ వర్డ్ చేసుకునే మాదిరిగానే వాట్సాప్ లో కూడా వీడియోలను 10 సెకన్ల పాటు ముందుకు, వెనుకకు వెళ్లడానికి ఈ ఫీచర్ అనుమతిస్తుంది. దీని కారణంగా వీడియోను చూస్తున్నప్పుడు కావలసిన పోర్షన్ ను వీక్షించే అవకాశం ఉంది .

మరో ఫీచర్..

ఈ ప్లేబ్యాక్ కంట్రోల్ మాత్రమే కాకుండా, వాట్సాప్ మరో ప్రైవసీ భద్రతకు సంబంధించిన ఫీచర్‌ను కూడా విడుదల చేస్తోంది. దీనికి ‘ఆల్టర్నేట్ ప్రొఫైల్’ ఆప్షన్ ని కూడా జోడించింది. ఇది వినియోగదారుల ప్రొఫైల్ ఫోటోసమాచారాన్ని దాచిపెడుతుంది. వినియోగదారులు వారి కాంటాక్ట్ లిస్ట్‌లో లేని కాంటాక్ట్‌ల కోసం వేరే ఫొటో, పేరుని సెట్ చేసే అవకాశాన్ని ఇస్తుంది. ఈ ఫీచర్ ఇంకా టెస్టింగ్‌లో ఉంది. వినియోగదారులకు విడుదల చేయలేదు. ఇది రాబోయే సమయంలో కొత్త అప్‌డేట్‌లో విడుదల కావచ్చు. కాగా గత అప్ డేట్ లోనే గ్రూప్ కాలింగ్ సభ్యుల సంఖ్యను వాట్సాప్ 32కు పెంచిన విషయం తెలిసిందే. గతంలో కేవలం 15మందిని మాత్రమే వాట్సాప్ గ్రూప్ కాలింగ్ చేసుకొనే వెసులుబాటు ఉండేది. అయితే తాజా అప్ డేట్తో మొత్తం 32 మంది ఒకేసారి గ్రూప్ కాల్ మాట్లాడే అవకాశం ఉంటుంది. అయితే ఇది కేవలం ఐఓఎస్ యూజర్లకు మాత్రమే అందుబాటులో ఉంటుందని వాబీటాఇన్ఫో పేర్కొంది.

ఇవి కూడా చదవండి

హార్ట్‌ రేట్‌ ఎంతో చెవిలో చెబుతా అంటున్న గూగుల్.. వింటారా?

మోసం గురూ! దీని గురించి తెలుసుకోకపోతే రూ. లక్షలు నష్టపోతారు!

తిరుగులేని ఫీచర్లతో జియోమీ నుంచి ప్రీమియం స్మార్ట్ వాచ్..

ఎన్ఆర్ఐలకు, వారి పిల్లలకూ ఆధార్.. ఎలా దరఖాస్తు చేసుకోవాలంటే..

మరిన్ని టెక్నాలజీ వార్తల కోసం ఇక్కడ క్లిక్ చేయండి..