SRH vs RCB Match Result: చెల్లుకు చెల్లు.. ప్రతీకారం తీర్చుకున్న బెంగళూరు.. 4 విజయాల తర్వాత ఓడిన ఎస్‌ఆర్‌హెచ్

Sunrisers Hyderabad vs Royal Challengers Bengaluru, 41st Match: ఐపీఎల్-2024లో రెండో మ్యాచ్‌లో రాయల్ ఛాలెంజర్స్ బెంగళూరు (RCB) విజయం సాధించింది. ఈ సీజన్‌లోని 41వ మ్యాచ్‌లో ఆ జట్టు 35 పరుగుల తేడాతో సన్‌రైజర్స్ హైదరాబాద్ (SRH)ని ఓడించింది. వరుసగా 6 మ్యాచ్‌ల్లో ఓడిన బెంగళూరు ఈ సీజన్‌లో విజయం సాధించగా, హైదరాబాద్ వరుసగా 4 విజయాల తర్వాత ఓడిపోయింది.

Srh Vs Rcb Result

Venkata Chari |
Updated on: Apr 25, 2024 | 11:27 PM

Sunrisers Hyderabad vs Royal Challengers Bengaluru, 41st Match: ఐపీఎల్-2024లో రెండో మ్యాచ్‌లో రాయల్ ఛాలెంజర్స్ బెంగళూరు (RCB) విజయం సాధించింది. ఈ సీజన్‌లోని 41వ మ్యాచ్‌లో ఆ జట్టు 35 పరుగుల తేడాతో సన్‌రైజర్స్ హైదరాబాద్ (SRH)ని ఓడించింది. వరుసగా 6 మ్యాచ్‌ల్లో ఓడిన బెంగళూరు ఈ సీజన్‌లో విజయం సాధించగా, హైదరాబాద్ వరుసగా 4 విజయాల తర్వాత ఓడిపోయింది.

హైదరాబాద్‌లోని రాజీవ్ గాంధీ ఇంటర్నేషనల్ స్టేడియంలో టాస్ ఓడి బ్యాటింగ్ చేసిన బెంగళూరు నిర్ణీత 20 ఓవర్లలో 7 వికెట్లకు 206 పరుగులు చేసింది. దీంతో హైదరాబాద్ జట్టు నిర్ణీత 20 ఓవర్లలో 8 వికెట్లకు 171 పరుగులు మాత్రమే చేయగలిగింది.

ఇవి కూడా చదవండి

విరాట్ కోహ్లి (51 పరుగులు), రజత్ పాటిదార్ (50 పరుగులు) ఆర్‌సీబీలో అర్ధ సెంచరీలు చేశారు. కెమెరాన్ గ్రీన్ 20 బంతుల్లో అజేయంగా 37 పరుగులు చేయగా, కెప్టెన్ ఫాఫ్ డు ప్లెసిస్ 25 పరుగులు చేశాడు. జయదేవ్ ఉనద్కత్ 3 వికెట్లు తీశాడు. కెప్టెన్ పాట్ కమిన్స్, టి నటరాజన్, మయాంక్ మార్కండేలకు ఒక్కో వికెట్ దక్కింది. SRH తరపున షాబాజ్ అహ్మద్ 40 పరుగులతో అజేయ ఇన్నింగ్స్ ఆడాడు. కెప్టెన్ పాట్ కమిన్స్, అభిషేక్ శర్మలు తలో 31 పరుగులతో సమానంగా నిలిచారు. అరంగేట్రం చేసిన స్వప్నిల్ సింగ్, కర్ణ్ శర్మ, కెమరూన్ గ్రీన్ 2-2 వికెట్లు తీశారు.

పాయింట్ల పట్టికలో పంజాబ్‌తో సమానంగా బెంగళూరు..

Match 41. Royal Challengers Bengaluru Won by 35 Run(s) https://t.co/2EpEyR3PF2 #TATAIPL #IPL2024 #SRHvRCB

— IndianPremierLeague (@IPL) April 25, 2024

ఈ విజయంతో ఆర్‌సీబీ 9 మ్యాచ్‌ల్లో 2 విజయాలతో పంజాబ్ కింగ్స్‌తో 4 పాయింట్లతో సమం చేసింది. పంజాబ్ 8 మ్యాచ్‌ల్లో 2 విజయాలతో 4 పాయింట్లు సాధించింది. అయితే, పేలవమైన రన్ రేట్ కారణంగా, RCB పట్టికలో చివరి స్థానంలో కొనసాగుతోంది. మరోవైపు SRH 10 పాయింట్లతో మూడో స్థానంలో ఉంది.

ఇరుజట్ల ప్లేయింగ్ 11:

రాయల్ ఛాలెంజర్స్ బెంగళూరు (ప్లేయింగ్ XI): విరాట్ కోహ్లి, ఫాఫ్ డు ప్లెసిస్(సి), రజత్ పటీదార్, కామెరాన్ గ్రీన్, విల్ జాక్స్, దినేష్ కార్తీక్(w), మహిపాల్ లోమ్రోర్, కర్ణ్ శర్మ, లాకీ ఫెర్గూసన్, మహ్మద్ సిరాజ్, యశ్ దయాల్.

సన్‌రైజర్స్ హైదరాబాద్ (ప్లేయింగ్ XI): అభిషేక్ శర్మ, ఐడెన్ మర్క్రమ్, హెన్రిచ్ క్లాసెన్(w), నితీష్ రెడ్డి, అబ్దుల్ సమద్, షాబాజ్ అహ్మద్, పాట్ కమిన్స్(సి), భువనేశ్వర్ కుమార్, జయదేవ్ ఉనద్కత్, మయాంక్ మార్కండే, టి నటరాజన్.