Video: అది క్యాచ్ కాదు.. కాంట్రవర్సీకి కేరాఫ్ అడ్రస్.. SRH vs RCB మ్యాచ్‌తో లొల్లి షురూ..

Phil Salt catch Controversy: సన్‌రైజర్స్ హైదరాబాద్ బ్యాటింగ్ చేస్తున్న సమయంలో రోమారియో షెపర్డ్ వేసిన బంతిని హెన్రిచ్ క్లాసెన్ లెగ్ సైడ్ గాల్లోకి లేపాడు. డీప్ మిడ్ వికెట్ వద్ద ఫీల్డింగ్ చేస్తున్న ఫిల్ సాల్ట్ పరిగెత్తుకుంటూ వచ్చి అద్భుతంగా బంతిని అందుకున్నాడు. అయితే, క్యాచ్ పూర్తి చేసే క్రమంలో అతను బౌండరీ లైన్ పక్కన పల్టీలు కొట్టాడు. ఆ సమయంలో సాల్ట్ కాలు లేదా శరీరం బౌండరీ తాడుకు తగిలిందని సన్‌రైజర్స్ శిబిరం భావించింది. మైదానంలోని అంపైర్లు దీనిని థర్డ్ అంపైర్‌కు పంపగా, అతను చాలా సేపు పరిశీలించి ఫీల్డింగ్ జట్టుకు అనుకూలంగా తీర్పు ఇచ్చాడు. ఇది ఇప్పుడు పెను వివాదానికి దారితీసింది.

సన్‌రైజర్స్ ఇన్నింగ్స్..

టాస్ ఓడి బ్యాటింగ్‌కు దిగిన హైదరాబాద్ జట్టుకు ఆరంభంలోనే ఎదురుదెబ్బలు తగిలాయి. పవర్‌ప్లేలో ముగ్గురు కీలక ఆటగాళ్లను కోల్పోయినప్పటికీ, కెప్టెన్ ఇషాన్ కిషన్ అద్భుత ఇన్నింగ్స్ ఆడాడు. కేవలం 38 బంతుల్లో 8 ఫోర్లు, 5 సిక్సర్లతో 80 పరుగులు చేసి జట్టును ఆదుకున్నాడు. అతనికి క్లాసెన్ (31) మంచి సహకారం అందించాడు. వీరిద్దరూ కలిసి నాలుగో వికెట్‌కు 97 పరుగుల భాగస్వామ్యాన్ని నెలకొల్పారు. ఇషాన్ కిషన్ కేవలం 32 బంతుల్లోనే తన అర్ధశతకాన్ని పూర్తి చేసుకున్నాడు.

That’s not just a catch, that’s a full-on rollercoaster at the ropes 😮‍💨

Screen badi, awaazein badi. Apne smart TV ke JioHotstar app pe dekhiye Champions waali commentary LIVE💥#TATAIPL 2026 | #RCBvSRH | LIVE NOW 👉 https://t.co/LWOEeT2vNG pic.twitter.com/IzIDC3MtkX

— Star Sports (@StarSportsIndia) March 28, 2026

బౌలింగ్‌లో జాకబ్ డఫీ మాయాజాలం..

Not out! The umpire is blind..! 🤡

— Shamshuddin Shaik 💎 (@shamshud777) March 28, 2026

ఆర్సీబీ తరపున ఐపీఎల్ అరంగేట్రం చేసిన జాకబ్ డఫీ తొలి మ్యాచ్‌లోనే ముద్ర వేశాడు. 4 ఓవర్లలో కేవలం 22 పరుగులు మాత్రమే ఇచ్చి 3 వికెట్లు పడగొట్టాడు. అభిషేక్ శర్మ, ట్రావిస్ హెడ్ మరియు నితీష్ కుమార్ రెడ్డిలను తన తెలివైన బౌలింగ్‌తో పెవిలియన్‌కు పంపాడు. రోమారియో షెపర్డ్ కూడా 3 వికెట్లు తీసినప్పటికీ, భారీగా పరుగులు సమర్పించుకున్నాడు.

చివరిలో అనికేత్ వర్మ మెరుపులు..

Umpiring Blunder or Intentional? 😤

Why was only ONE angle shown when there are 50+ cameras on the field? The one angle they provided literally shows Phil Salt touching the boundary rope. Absolute clownery in a high-stakes game. 🤡🏏 pic.twitter.com/SSiA7PqYsf

— Cricket Central (@CricketCentrl) March 28, 2026

వరుసగా వికెట్లు పడుతున్న సమయంలో అనికేత్ వర్మ విధ్వంసకర ఇన్నింగ్స్ ఆడాడు. కేవలం 18 బంతుల్లో 3 ఫోర్లు, 4 సిక్సర్లతో 43 పరుగులు చేసి స్కోరును 200 దాటించాడు. దీంతో హైదరాబాద్ నిర్ణీత 20 ఓవర్లలో 9 వికెట్ల నష్టానికి 201 పరుగులు చేసింది. ఫిల్ సాల్ట్ ఈ మ్యాచ్‌లో మొత్తం మూడు క్యాచ్‌లు పట్టడం విశేషం. అందులో ఇషాన్ కిషన్ క్యాచ్ ఒక చేత్తో డైవ్ చేస్తూ పట్టడం మ్యాచ్‌కే హైలైట్‌గా నిలిచింది.