T20 World Cup 2024: టీ20 ప్రపంచకప్‌లో సిక్సర్ల కింగ్‌.. యువరాజ్‌ సింగ్‌ కు కీలక బాధ్యతలు

IPL 17వ సీజన్ ఉత్కంఠగా జరుగుతుంది. ఈ ధనాధన్ లీగ్ ముగిసిన మరికొన్ని రోజులకే ప్రతిష్ఠాత్మక ఐసీసీ టీ20 ప్రపంచకప్ ప్రారంభం కానుంది. జూన్ 1 నుంచి 29 వరకు అమెరికా, వెస్టిండీస్ దేశాలు ఐసీసీ టీ20 ప్రపంచకప్‌ను సంయుక్తంగా నిర్వహిస్తున్నాయి. ఈ టోర్నీలో మొత్తం 20 జట్లు పాల్గొంటాయి.

Yuvraj Singh

Updated on: Apr 26, 2024 | 6:28 PM

IPL 17వ సీజన్ ఉత్కంఠగా జరుగుతుంది. ఈ ధనాధన్ లీగ్ ముగిసిన మరికొన్ని రోజులకే ప్రతిష్ఠాత్మక ఐసీసీ టీ20 ప్రపంచకప్ ప్రారంభం కానుంది. జూన్ 1 నుంచి 29 వరకు అమెరికా, వెస్టిండీస్ దేశాలు ఐసీసీ టీ20 ప్రపంచకప్‌ను సంయుక్తంగా నిర్వహిస్తున్నాయి. ఈ టోర్నీలో మొత్తం 20 జట్లు పాల్గొంటాయి. ఈ 20 జట్లను 5-5 ప్రాతిపదికన 4 గ్రూపులుగా విభజించారు. ఈ 20 జట్లు మే 1లోగా ప్రపంచకప్‌కు తమ ఆటగాళ్ల పేర్లను ప్రకటించాల్సి ఉంది. ప్రపంచకప్‌లో టీమిండియాలో ఎవరికి అవకాశం దక్కుతుంది? దీనిపై క్రికెట్ అభిమానులు ఆసక్తిగా ఎదురుచూస్తున్నారు? ఎవరికి అవకాశం ఇవ్వాలి, ఎవరిని తప్పించాలి? సెలక్షన్ కమిటీ ఎలాంటి నిర్ణయాలు తీసుకుంటుందన్న దానిపై సర్వత్రా ఉత్కంఠ నెలకొంది. అదేంటంటే.. టీ 20 ప్రపంచకప్ 2024కి బ్రాండ్ అంబాసిడర్‌గా టీమ్ ఇండియా మాజీ ఆల్ రౌండర్ సిక్సర్ల కింగ్ యువరాజ్ సింగ్ నియమితులయ్యాడు. ఈ విషయాన్ని సోషల్ మీడియా ద్వారా అధికారికంగా ప్రకటించింది ఐసీసీ. యువరాజ్‌తో పాటు వెస్టిండీస్ మాజీ ఓపెనర్ క్రిస్ గేల్, స్పీడ్ కింగ్ ఉసేన్ బోల్ట్‌లు కూడా బ్రాండ్ అంబాసిడర్‌లుగా నియమితులయ్యారు.

ఒకే ఓవర్ లో ఆరు సిక్సర్లు..

టీ 20 ప్రపంచకప్ కు బ్రాండ్ అంబాసిడర్‌గా నియామకం కావడంపై యువరాజ్ సింగ్ స్పందించాడు. ‘క్రికెట్‌లో నాకు చాలా జ్ఞాపకాలు ఉన్నాయి. అందులో కొన్ని టి20 ప్రపంచకప్‌లోని జ్ఞాపకాలు కూడా. ఒక ఓవర్‌లో 6 సిక్సర్లు కొట్టడం ఈ టీ20 ప్రపంచకప్‌ లోనే జరగడం నేనెప్పుడూ మర్చిపోలేను. కాబట్టి ఈ ప్రపంచకప్‌లో భాగమైనందుకు నేను సంతోషిస్తున్నాను” అని యువరాజ్ సింగ్ హర్షం వ్యక్తం చేశారు. ఐసీసీ తొలిసారిగా 2007లో దక్షిణాఫ్రికాలో టీ20 ప్రపంచకప్‌ను నిర్వహించింది. అప్పట్లో చిరకాల ప్రత్యర్థి పాకిస్థాన్‌ను ఫైనల్ మ్యాచ్‌లో ఓడించి జగజ్జతగా నిలిచింది భారత్ . ఇదే ప్రపంచ కప్ లో ఇంగ్లండ్‌తో జరిగిన మ్యాచ్‌లో స్టువర్ట్ బ్రాడ్ బౌలింగ్‌లో యువరాజ్ సింగ్ ఒక ఓవర్‌లో 6 సిక్సర్లు బాదాడు. యువరాజ్ కొట్టిన ఈ 6 సిక్సర్లు ఇప్పటికీ ప్రతి క్రికెట్ అభిమానికి గుర్తుండే ఉంటాయి.

టీమ్ ఇండియా వరల్డ్ కప్ షెడ్యూల్

మరోవైపు టీ20 ప్రపంచకప్ 2024లో టీమ్ ఇండియా గ్రూప్-ఎలో ఉంది. టీమ్ ఇండియాతో పాటు ఈ గ్రూప్‌లో అమెరికా, కెనడా, పాకిస్థాన్, ఐర్లాండ్ ఉన్నాయి. లీగ్ రౌండ్‌లో ఒక్కో జట్టు 4 మ్యాచ్‌లు ఆడుతుంది. ఈ టీ20 ప్రపంచకప్‌లో భారత జట్టును త్వరలో ప్రకటించనున్నారు.

ఇవి కూడా చదవండి