Chanakya Niti: ఇలాంటి భర్తలను వదిలేసినా తప్పులేదు.. మహిళలకు చాణక్యుడి సలహా..

ఆచార్య చాణక్యుడు తన నీతి శాస్త్రంలో వివాహ బంధం విఫలం కావడానికి దారితీసే కొన్ని ముఖ్య విషయాలను ప్రస్తావించాడు. భర్తలో ఈ లక్షణాలు ఉంటే వైవాహిక జీవితం దుర్భరంగా మారుతుంది. దాంపత్య జీవితంలో భర్త పాత్ర అత్యంత ముఖ్యం. భార్యను గౌరవించడం, నమ్మకంతో మెలగడం అతని బాధ్యత. అయితే, భర్త కొన్ని లక్షణాలు కలిగి ఉంటే, ఆ కుటుంబంలో లక్ష్మీదేవి నిలవదని, ఇంట్లో శాంతి ఆనందం కరువవుతుందని చాణక్యుడు చెప్పాడు.

చాణక్య నీతి ప్రకారం, వైవాహిక బంధాన్ని నాశనం చేసే భర్త లక్షణాలు ఇవి:

1. గౌరవం లేని ప్రవర్తన: భార్యను ఎగతాళి చేయడం, చిన్న విషయాలకు అవమానించడం భర్త చేయకూడదు. తన భార్యను గౌరవించని భర్త నిజమైన జీవిత భాగస్వామి కాదు. గౌరవం లేనిచోట ప్రేమ బంధం బలం కోల్పోతుంది.

2. అబద్ధాలు, నిజాయితీ లోపం: భార్య పట్ల నిజాయితీగా లేని, రహస్యాలు దాచే భర్త సంబంధాన్ని బలహీనపరుస్తాడు. నిజాయితీ, నమ్మకం బంధానికి మూలం. అబద్ధాలు బంధాన్ని విచ్ఛిన్నం చేస్తాయి.

3. మితిమీరిన అహంకారం: భార్యాభర్తల మధ్య అహంకారానికి చోటు ఉండకూడదు. అహంకారం సంబంధంలో సామరస్యాన్ని తగ్గిస్తుంది. అహంభావం ఎక్కువగా ఉన్న భర్తతో భార్య సంతోషంగా ఉండలేదు.

4. కోపాన్ని అదుపు చేయకపోవడం: భర్తకు కోపం ఎక్కువ ఉంటే, ఆ ఇంటిలో శాంతి ఉండదు. కోపం మనిషి జ్ఞానాన్ని మర్చిపోయేలా చేస్తుంది. ప్రతి చిన్న విషయానికి కోపం తెచ్చుకునే భర్తతో కాపురం కష్టం.

5. అనుమానం, పోటీ తత్వం: భాగస్వామిపై అనుమానం ఉండకూడదు. నమ్మకం లేనిచోట అనుమానం పెరుగుతుంది. ఇది ఆ బంధానికి ముగింపు ఇస్తుంది. అలాగే, భార్యాభర్తల మధ్య ప్రేమ సహనం కంటే పోటీ తత్వం ఎక్కువ ఉంటే, ఆ సంబంధం ఎక్కువ కాలం నిలబడదు.

చాణక్య నీతి ప్రకారం, భర్తలో ఇటువంటి దుర్గుణాలు పెరిగితే, ఆ భార్య జీవితం నరకం అవుతుంది. అలాంటి భర్తతో కలిసి ఉంటే ఆనందం ఉండదు. భార్య అలాంటి బంధాన్ని వదులుకుంటే తప్పుపట్టాల్సిన అవసరం లేదు.