వరుసగా మూడు క్లౌడ్బర్స్ట్లు..! ఆరుగురు మృతి.. 11 మంది గల్లంతు
ఉత్తరాఖండ్లో భారీ వర్షాలు, వరదలు, కొండచరియలు విరిగిపడటం వల్ల ఆరుగురు మరణించగా, పదకొండు మంది మిస్సింగ్ అయ్యారు. చమోలి, రుద్రప్రయాగ, తెహ్రీ, బాగేశ్వర్ జిల్లాలను తీవ్రంగా ప్రభావితం చేసింది. ఇళ్ళు, పశువుల కొట్టాలు కూలిపోయాయి. రక్షణ కార్యక్రమాలు జరుగుతున్నాయి. వరదల తీవ్రతను అధికారులు హెచ్చరించారు.
Updated on: Aug 30, 2025 | 7:11 AM
ఉత్తరాఖండ్లోని వివిధ జిల్లాల్లో భారీ వర్షాలు, వరదలతో ఇప్పటి వరకు ఆరుగురు మరణించగా, 11 మంది గల్లంతయ్యారని స్థానిక అధికారులు తెలిపారు. వరదల కారణంగా కొండచరియలు విరిగిపడి ఇళ్లు దెబ్బతిన్నాయని, శిథిలాల గుట్టల కింద ప్రజలు సమాధి అయ్యారని అధికారులు తెలిపారు. ఆగస్టు 23న థరాలి విపత్తు తర్వాత వచ్చిన ప్రకృతి వైపరీత్యం చమోలి, రుద్రప్రయాగ, తెహ్రీ, బాగేశ్వర్ జిల్లాలను తీవ్రంగా దెబ్బతీసింది.
ఉత్తరాఖండ్లోని చమోలిలోని థరాలిలో జరిగిన విషాదం జరగడానికి ముందే ఆగస్టు 5న ఖీర్ గంగా నదిలో ఆకస్మిక వరద ఉత్తరకాశి జిల్లాను ముంచెత్తింది. ధరాలిలో దాదాపు సగం భాగం నాశనమైంది. గంగోత్రి మార్గంలో హోటళ్ళు, హోమ్స్టేలు ఉన్న ప్రాంతం అది. పొరుగున ఉన్న హర్సిల్ ప్రాంతం కూడా వరదల బారిన పడింది. రాత్రిపూట కురిసిన అధిక వర్షపాతం బాగేశ్వర్ జిల్లాలోని కప్కోట్ ప్రాంతంలోని పౌసరి గ్రామ పంచాయతీలో దాదాపు అర డజను ఇళ్లు దెబ్బతిన్నాయని, ఇద్దరు వ్యక్తులు మరణించారని, ముగ్గురు తప్పిపోయారని ఉత్తరాఖండ్ రాష్ట్ర విపత్తు నిర్వహణ అథారిటీ (USDMA) తెలిపింది.
ఇప్పటి వరకు రెండు మృతదేహాలను వెలికితీశారు, బెగేశ్వర్లో గాయపడిన స్థితిలో ఒకరిని రక్షించారు, మరో ముగ్గురు ఇంకా కనిపించడం లేదని USDMA తెలిపింది. మృతులను బసంతి దేవి, బచులి దేవిగా గుర్తించారు. గాయపడిన వ్యక్తి బసంతి దేవి కుమారుడు పవన్, ఆమె భర్త రమేష్ చంద్ర జోషి తప్పిపోయిన ముగ్గురిలో ఉన్నారు. తప్పిపోయిన మిగిలిన ఇద్దరు గిరీష్, పురాన్ జోషి, వీరంతా పౌసరి నివాసితులుగా అధికారులు గుర్తించారు. చమోలి జిల్లాలోని మోపాటా గ్రామంలో కొండచరియలు విరిగిపడిన శిథిలాల కింద ఒక ఇల్లు, పశువుల కొట్టం కూలిపోయాయని, ఈ ప్రమాదంలో ఒక జంట మృతి చెందగా, మరొకరు గాయపడ్డారని చీఫ్ డెవలప్మెంట్ ఆఫీసర్ అభిషేక్ త్రిపాఠి తెలిపారు.
మరణించిన దంపతులను 62 ఏళ్ల తారా సింగ్ మరియు అతని భార్య 60 ఏళ్ల కమలా దేవిగా గుర్తించినట్లు USDMA తెలిపింది. చమోలి జిల్లాలో ఇరవై ఐదు పశువులు కూడా కనిపించకుండా పోయాయని సమాచారం. రుద్రప్రయాగ్ జిల్లాలోని బసుకేదార్ ప్రాంతంలో ఎడతెరిపి లేకుండా కురుస్తున్న వర్షాలు, కొండచరియలు విరిగిపడటం వల్ల అర డజనుకు పైగా గ్రామాలు భారీ నష్టాన్ని చవిచూశాయని అధికారులు తెలిపారు. రుద్రప్రయాగ జిల్లాలోని జఖోలి వద్ద ఇల్లు కూలి సరితా దేవి అనే మహిళ మరణించిందని విపత్తు నిర్వహణ కార్యదర్శి వినోద్ కుమార్ సుమన్ తెలిపారు. జిల్లాలో మూడు క్లౌడ్బర్స్ట్లు సంభవించాయని ఆయన అన్నారు.
మరిన్ని జాతీయ వార్తల కోసం ఇక్కడ క్లిక్ చేయండి
