భర్త నల్లగా ఉన్నాడని ప్రియుడితో కలిసి భార్య జంప్.. నెలన్నర కూతురు తల్లికోసం ఏడుపు

భారతీయ సాంప్రదాయంలో వివాహానికి ముఖ్య స్థానం ఉంది. పెళ్లి అనేది హృదయాల కలయిక అని.. ఇందులో రంగు, రూపు ఆస్తులు అంతస్తులు ఎంచరని చెబుతారు. అయితే కొంతమంది మాత్రం ఇందుకు మినహాయింపు.. కేవలం అందాన్ని చూసే పెళ్లి చేసుకునేవారు ఉంటే .. మరికొందరు డబ్బులు, ఆస్తులు అంతస్తులు చూసి పెళ్లి చేసుకునే వారుంటారు. ఇలాంటి వారికి తమ జీవిత భాగస్వామి ఎంత మంచివాడు అయినా ఎంత ప్రేమగా చూస్తున్నా లెక్క ఉండదు. తమ మనసుకు నచ్చిన నిర్ణయం తీసుకుని కుటుంబాన్ని వీధిన పడేస్తారు. తాజాగా ఇలాంటి ఘటనే మధ్యప్రదేశ్‌లోని గ్వాలియర్‌లో వెలుగుచూసింది. ఇక్కడ ఒక వివాహిత స్త్రీకి తన భర్త నచ్చలేదు.. నల్లగా ఉన్నాడంటూ భర్తను.. నెల చిన్నారిని విడిపెట్టింది. అంతేకాదు తన ప్రియుడితో పారిపోయింది. ఇప్పుడు ఆమె ప్రియుడితో కలిసి లివ్ ఇన్ రిలేషన్ షిప్ లో జీవిస్తోంది.

భర్త నచ్చలేదు సరే.. కనీసం తన ప్రేగు తెంచుకుని పుట్టిన తన నెలన్నర కుమార్తెపై కనికరం కూడా చూపలేదు ఆ స్త్రీ. తల్లి ప్రేమ కోసం ఏడుస్తున్నా సరే ఆ చిన్నారిని వదిలేసి తన జీవితాన్ని తాను ఎంచుకుంది. ఇప్పుడు ఆ మహిళ భర్త విశాల్ తనకు న్యాయం చేయాలని వేడుకుంటున్నాడు. మరోవైపు నెలన్నర వయసున్న కూతురు తల్లి కోసం ఏడుస్తూనే ఉంది. గురువారం ఎస్పీ కార్యాలయంలో ప్రజావాణి కార్యక్రమం జరుగుతోంది. విశాల్ మోగియా అనే యువకుడు తన ఏడాదిన్నర కుమార్తె, తల్లిదండ్రులతో కలిసి అక్కడికి రావడంతో ఈ ఘటన వెలుగులోకి వచ్చింది. గ్వాలియర్ఝాన్సీ రోడ్‌లోని విక్కీ ఫ్యాక్టరీ ప్రాంతంలో నివాసం ఉంటున్న 24 ఏళ్ల విశాల్ మోంగియాకు 13 నెలల క్రితం 8 ఏప్రిల్ 2023న నాకా చంద్రవద్నీలోని పార్డి మొహల్లాలో నివాసం ఉండే రాఖీతో వివాహం జరిగింది

విశాల్ కన్నీరు పెడుతూ మహిళా పోలీస్ స్టేషన్ డీఎస్పీకి జరిగిన కథంతా చెప్పాడు. ఏడాది క్రితమే తనకు ఓ అమ్మాయితో వివాహమైందని చెప్పాడు. పెద్దలు కుదిర్చిన పెళ్లి అని.. ఇరు కుటుంబాలు అంగీకారంతోనే తమ వివాహం జరిగిందని.. అయితే పెళ్ళైనప్పటి నుంచి తనతో ఎప్పుడూ భార్య నేరుగా మాట్లాడలేదని వెల్లడించాడు. అంతేకాదు తాను నల్లగా ఉన్నానంటూ ఎప్పుడూ ఏదోకటి అంటూ వెక్కిరిస్తూనే ఉంది. అయినా తన కుటుంబం కోసం భార్యలో ఎప్పటికైనా మార్పు వస్తుందని ఆశాభావంతో ఆమె ఎన్ని అన్నా కూడా పట్టించుకోకుండా ఉన్నట్లు తెలిపాడు. తమకు నెలన్నర క్రితం ఓ అందమైన కూతురు జన్మించిందని పోలీసులకు చెప్పాడు విశాల్.

ఇవి కూడా చదవండి

రక్తహీనతతో ఇబ్బంది పడుతున్నారా..! తినే ఆహారంలో దీనిని చేర్చుకోండి

ఈరోజు వివాహ బంధంతో ఒక్కటి కానున్న అనంత్-రాధిక సుముహర్తం ఎప్పుడంటే

నేపాల్‌లో భారీ ప్రమాదం.. నదిలో పడిన 2 బస్సులు.. 60 మంది మిస్సింగ్

సొంత ఇల్లు మీ కలా.. స్వర్గంలా అందమైన ప్రదేశంలో రూ. 90కే ఇల్లు..

‘చచ్చిపోతానని బెదిరించేది’

బాధిత భర్త మాట్లాడుతూ 10 రోజుల క్రితం తన భార్య హఠాత్తుగా అదృశ్యమైంది. ఆమె కోసం ఎంత వెతికినా దొరకలేదు. చివరకు తన భార్య తన ప్రేమికుడితో కలిసి పారిపోయిందని తేలింది. ఇప్పుడు అతనితో లివ్ ఇన్ రిలేషన్ షిప్ లో జీవిస్తోందని చెప్పాడు. అతను ఇంకా మాట్లాడుతూ.. తన భార్య తన కుటుంబ సభ్యులను కూడా వేధించేదని.. అంతేకాదు ఆమె తల్లిదండ్రులతో కూడా గొడవపడేది. చనిపోతానని కూడా బెదిరించిందని చెప్పాడు.

అత్తగారు, మామగారు ఏం చెప్పారంటే

కోడలు కూడా చాలాసార్లు ఆత్మహత్యకు ప్రయత్నించిందని విశాల్ తండ్రి చెప్పారు. అయితే తాము కోడలని అడ్డుకున్నామని చెప్పారు. ఒకసారి ఆమె రైలు నుంచి దూకబోతుంటే ఆమెని కాపాడే ప్రయత్నంలో తాను ప్రమాదానికి గురయ్యానని వెల్లడించాడు. విశాల్ తల్లి మాట్లాడుతూ- పెళ్లయినప్పటి నుంచి మా అబ్బాయితో గొడవపడేది. మేము ఆమెకు చాలాసార్లు సర్దుకు పోవాలని చెప్పమని.. అయినా తమ కోడలు ఒప్పుకోలేదని అంది. కారణం అడిగితే మీ అబ్బాయి నల్లగా ఉన్నాడని, అతనితో కలిసి జీవించడం నాకు ఇష్టం లేదని చెప్పింది. మా మనవరాలు 10 రోజులుగా అమ్మ కోసం తహతహలాడుతోంది. అయితే ఆమె ఇంటికి తిరిగి రావడం లేదని ఆవేదన వ్యక్తం చేసింది విశాల్ తల్లి.

డీఎస్పీ ఏం చెప్పారు?

బాధిత కుటుంబీకుల మాటలు విన్న తర్వాత డీఎస్పీ కిరణ్ మాట్లాడుతూ – మహిళా పోలీస్ స్టేషన్‌లో కుటుంబసభ్యుల దరఖాస్తు కూడా పెట్టారు. త్వరలో ఇద్దరినీ పిలిపించి కౌన్సెలింగ్ చేయనున్నామని .. ఈ విషయంపై క్షుణ్ణంగా విచారణ జరుపుతామని చెప్పారు.

మరిన్ని జాతీయ వార్తల కోసం ఇక్కడ క్లిక్ చేయండి..