Stray Dogs: మాజీ మేయర్ చెప్పులు ఎత్తుకెళ్లిన కుక్కలు.. చివరికి ఏం చేశారంటే
ఓ మాజీ మేయర్ తన ఇంటి ముందు విడిచిన చెప్పులను వీధి కుక్కలు ఎత్తకెళ్లడం ఆయనకు ఆగ్రహాన్ని గురిచేసింది. దీంతో ఆయన అధికారులకు ఫిర్యాదు చేసి.. సిబ్బందిని రంగంలోకి దింపి ఆ కుక్కలను పట్టుకొచ్చారు.
Updated on: Jun 15, 2023 | 7:46 AM
ఓ మాజీ మేయర్ తన ఇంటి ముందు విడిచిన చెప్పులను వీధి కుక్కలు ఎత్తకెళ్లడం ఆయనకు ఆగ్రహాన్ని గురిచేసింది. దీంతో ఆయన అధికారులకు ఫిర్యాదు చేసి.. సిబ్బందిని రంగంలోకి దింపి ఆ కుక్కలను పట్టుకొచ్చారు. వివరాల్లోకి వెళ్తే మహారాష్ట్రలోని ఔరంగాబాద్లోని నక్షత్రవాడి ప్రాంతంలో నగర మాజీ మేయర్ నంద్కుమార్ నివాసం ఉంటున్నారు. అయితే సోమవారం రాత్రి ఆయన తన ఇంటిముందు విడిచిన చెప్పులు కనిపించకుండా పోయాయి. అప్పటికే ఇంటి గేటు తెరచి ఉంది. గేటు తెరచి ఉండటంతో వీధి కుక్కలు వచ్చి ఎత్తుకెళ్లాయని ఆయన కుటుంబీకులు అనుమానించారు. దీంతో ఆ మాజీ మేయర్ మున్సిపల్ అధికారులకు ఫిర్యాదు చేశారు.
తర్వాత రోజు రంగంలోకి జరిగిన ఔరంగాబాద్ మన్సిపల్ అధికారులు.. విధి కుక్కలను పట్టుకునేందుకు రంగంలోకి దిగారు. ఆ మాజీ మేయర్ నందకుమార్ ఇంటి దగ్గర్లో ఉండే నాలుగు కుక్కలను పట్టుకున్నారు. అనంతరం వాటికి కుటుంబ నియంత్రణ ఆపరేషన్ (స్టెరిలైజేషన్) చేశారు. అయితే వీధి కుక్కలకు సంబంధించి ఎలాంటి ఫిర్యాదులు వచ్చినా.. సిబ్బందిని పంపించి వాటిని పట్టుకునే ప్రక్కియ సాధారణంగా జరుగుతుందని ఏఎంసీ అధికారులు చెప్పారు.
మరిన్ని జాతీయ వార్తల కోసం క్లిక్ చేయండి..
