Pomegranate: దానిమ్మ గింజలు 21 రోజులు క్రమం తిప్పకుండా తింటే.. ఏం జరుగుతుందో తెలుసా?
Benefits of Eating Pomegranate for 3 Weeks: దానిమ్మ ఆరోగ్యానికి మేలు చేస్తుందన్న సంగతి అందరికీ తెలిసిందే. దానిమ్మ గింజల్లో ఉండే పాలీఫెనాల్స్ రక్తపోటును నియంత్రించడంలో, హృదయ సంబంధ వ్యాధులను నివారించడంలో సహాయపడతాయి. అంతే కాదు అవి చర్మాన్ని UV కిరణాలు, ఆక్సీకరణ ఒత్తిడి నుంచి కూడా రక్షిస్తాయి. చర్మం ప్రకాశవంతంగా..
Updated on: Nov 27, 2025 | 8:30 PM
దానిమ్మ ఆరోగ్యానికి మేలు చేస్తుందన్న సంగతి అందరికీ తెలిసిందే. దానిమ్మ గింజల్లో ఉండే పాలీఫెనాల్స్ రక్తపోటును నియంత్రించడంలో, హృదయ సంబంధ వ్యాధులను నివారించడంలో సహాయపడతాయి. అంతే కాదు అవి చర్మాన్ని UV కిరణాలు, ఆక్సీకరణ ఒత్తిడి నుంచి కూడా రక్షిస్తాయి. చర్మం ప్రకాశవంతంగా ఉండటానికి సహాయపడతాయి. ముఖ్యంగా 21 రోజుల పాటు ప్రతిరోజూ ఓ కప్పు దానిమ్మ గింజలు తినడం వల్ల అనేక అరోగ్య ప్రయోజనాలు పొందవచ్చని ఆరోగ్య నిపుణులు చెబుతున్నారు. అవేంటో ఇక్కడ తెలుసుకుందాం..
దానిమ్మ గింజలను తినడం వల్ల పొందే ప్రయోజనాలు ఇవే..
దానిమ్మ గింజలను 21 రోజులు క్రమం తప్పకుండా తినడం వల్ల తక్షణ శక్తి లభిస్తుంది. మానసిక స్థితి మెరుగుపడుతుంది. ఒత్తిడి కూడా తగ్గుతుంది. ఈ పండు గింజల్లో యాంటీఆక్సిడెంట్లు ఉంటాయి. ఇవి హార్మోన్లను సమతుల్యం చేయడంలో సహాయపడతాయి. అవి మెదడును ఆక్సీకరణ ఒత్తిడి నుండి రక్షిస్తాయి. జ్ఞాపకశక్తిని మెరుగుపరుస్తాయి. మెదడు చురుకుగా పనిచేయడానికి సహాయపడతాయి. అంతే కాదు ఈ పండు విత్తనాలను తిపడం వల్ల దంతాలు, చిగుళ్ళు ఆరోగ్యంగా ఉంటాయి. ఇవి దంతాలను తెల్లగా చేస్తుంది. నోటి దుర్వాసనను కూడా తొలగిస్తుంది.
దానిమ్మ గింజల్లో ఉండే ఫైబర్ కంటెంట్ పేగు కండరాలను మెరుగుపరుస్తుంది. అంతే కాదు ఇది మలబద్ధకాన్ని నివారించడానికి కూడా సహాయపడుతుంది. అధిక కొలెస్ట్రాల్తో బాధపడేవారు దానిమ్మ గింజలను క్రమం తప్పకుండా తీసుకోవడం మంచిది. వాటిలోని పోషకాలు చెడు కొలెస్ట్రాల్ను కరిగించి మంచి కొలెస్ట్రాల్ను పెంచుతాయి. దానిమ్మలో అధికంగా ఉండే ఐరన్ రక్తహీనతను తొలగించడంలో సహాయపడుతుంది.
మరిన్ని ఆరోగ్య కథనాల కోసం క్లిక్ చేయండి.
