Dark Circles: కళ్ల కింద నల్లటి వలయాలా.. ఈ అద్భుతమైన చిట్కాలతో దూరం చేసుకోండి!
నల్లటి వలయాలు వయస్సుతో పాటు జీవనశైలికి సంబంధించి వస్తాయి. మార్కెట్ ఉత్పత్తులకన్నా ఇంటి చిట్కాలు, సహజ పదార్థాలు మెల్లగా పని చేసి దీర్ఘకాలిక ఫలితాలు ఇస్తాయి. క్రమం తప్పకుండా వాటిని అనుసరించితే మీ కళ్ల చుట్టూ ప్రకాశం కనిపిస్తుంది,ఈ సమస్యను ఎదుర్కొవచ్చు.
Updated on: Aug 20, 2025 | 5:56 PM
ముఖానికి అందాన్నిచ్చే కళ్ళు కింద నల్లటి వలయాలు (డార్క్ సర్కిల్స్) వస్తే ఇబ్బందిగా ఉంటుంది. సరైన నిద్ర లేకపోవడం, ఒత్తిడి, పోషకాహార లోపం, లేదా కేవలం వయసు పెరగడం వంటి అనేక కారణాల వల్ల ఈ సమస్య వస్తుంది. మార్కెట్లో దొరికే రసాయన క్రీముల కంటే ఇంట్లో సులభంగా లభించే సహజ పదార్థాలతో ఈ నల్లటి వలయాలను సమర్థవంతంగా తగ్గించుకోవచ్చు. ఈ చిట్కాలను క్రమం తప్పకుండా పాటిస్తే, మీ కళ్ళు తిరిగి ప్రకాశవంతంగా కనిపిస్తాయి.
ఐస్ క్యూబ్స్: ఒక శుభ్రమైన గుడ్డలో ఐస్ క్యూబ్స్ వేసి కళ్ళ కింద సున్నితంగా మసాజ్ చేయండి. ఇది రక్త నాళాలను శాంతపరిచి, రక్త ప్రసరణను మెరుగుపరుస్తుంది. దీంతో వాపు, నల్లటి వలయాలు తగ్గుతాయి.
తగినంత నిద్ర: రోజూ కనీసం 7 నుంచి 8 గంటల నిద్ర చాలా అవసరం. నిద్రపోయేటప్పుడు కళ్ళ కింద చర్మం రిపేర్ చేసుకుని, కొత్త కణాలు ఉత్పత్తి అవుతాయి.
దోసకాయ ముక్కలు: దోసకాయను గుండ్రంగా కోసి, వాటిని కళ్ళపై 10-15 నిమిషాలు ఉంచండి. దోసకాయలో ఉండే యాంటీఆక్సిడెంట్లు, సిలికాన్ కళ్ళ కింద వాపును తగ్గించి, చర్మాన్ని చల్లబరుస్తాయి.
టీ బ్యాగులు: వాడిన గ్రీన్ టీ లేదా బ్లాక్ టీ బ్యాగులను ఫ్రిజ్లో చల్లబరిచి కళ్ళపై పెట్టుకోండి. వీటిలో ఉండే కెఫీన్, యాంటీఆక్సిడెంట్లు నల్లటి వలయాలను తొలగించడంలో సహాయపడతాయి.
బాదం నూనె మరియు విటమిన్ ఇ ఆయిల్: రాత్రి పడుకునే ముందు కళ్ళ కింద బాదం నూనె లేదా విటమిన్ ఇ ఆయిల్ తో మసాజ్ చేయండి. బాదం నూనెలో ఉండే విటమిన్ ఇ చర్మాన్ని ప్రకాశవంతం చేస్తుంది. ఈ నూనెలను కలిపి కూడా వాడవచ్చు.
సూర్యరశ్మి నుంచి రక్షణ: ఎండలోకి వెళ్లేటప్పుడు కళ్ళ కింద, ముఖానికి ఎస్పీఎఫ్ 30 లేదా అంతకంటే ఎక్కువ ఉన్న సన్స్క్రీన్ లోషన్ రాయండి. ఇది సూర్యకిరణాల వల్ల చర్మానికి నష్టం జరగకుండా కాపాడుతుంది.
నీరు ఎక్కువగా తాగండి: శరీరాన్ని హైడ్రేటెడ్గా ఉంచుకోవడం వల్ల చర్మం తేమగా ఉంటుంది. ఇది నల్లటి వలయాలు రాకుండా నివారిస్తుంది. ఈ సులభమైన చిట్కాలను పాటిస్తే, మీ కళ్ళకు సహజసిద్ధమైన అందం తిరిగి వస్తుంది.
