Guava: జామపండ్లు మీకూ ఇష్టమా? జాగ్రత్త.. వీరికి విషంతో సమానం
కొద్దిగా వగరు, మరికాస్త పులుపు, ఇంకాస్త తీపి.. రుచులతో జామ పండ్లు తినేందుకు భలేగా ఉంటాయి. జూలై మొదలు సెప్టెంబర్ వరకు మార్కెట్లలో జామపండ్లు దర్శనమిస్తాయి. అందుకే వీటిని పిల్లల నుంచి పెద్దల వరకు అందరూ ఎంతో ఇష్టంగా తింటారు. రుచి మాత్రమే కాదు దాని ఆరోగ్య ప్రయోజనాలు, సరసమైన ధర కారణంగా..
Updated on: Jul 15, 2025 | 8:01 AM
జామపండ్ల సీజన్ వచ్చేసింది. కొద్దిగా వగరు, మరికాస్త పులుపు, ఇంకాస్త తీపి.. రుచులతో జామ పండ్లు తినేందుకు భలేగా ఉంటాయి. జూలై మొదలు సెప్టెంబర్ వరకు మార్కెట్లలో జామపండ్లు దర్శనమిస్తాయి. అందుకే వీటిని పిల్లల నుంచి పెద్దల వరకు అందరూ ఎంతో ఇష్టంగా తింటారు. రుచి మాత్రమే కాదు దాని ఆరోగ్య ప్రయోజనాలు, సరసమైన ధర కారణంగా ఈ పండును పేదవాడి ఆపిల్ అని పిలుస్తారు. ఈ పండు పోషకాలతో సమృద్ధిగా ఉంటుంది. ఆపిల్ మాదిరి శరీరానికి అనేక ప్రయోజనాలను అందిస్తుంది. అయితే కొన్ని రకాల ఆరోగ్య సమస్యలతో బాధపడేవారు జామపండును ఎక్కువగా తినకూడదని అంటున్నారు . ఎందుకో తెలుసా?
జామపండ్ల ప్రయోజనాలు
జామపండ్లలో విటమిన్ సి అధికంగా ఉంటుంది. నారింజ కంటే నాలుగు రెట్లు ఎక్కువ విటమిన్ సి ఉంటుంది. ఇవి రోగనిరోధక శక్తిని పెంచుతాయి. వాటిలోని విటమిన్ ఎ కంటి ఆరోగ్యానికి మేలు చేస్తుంది. వీటిలో ఫైబర్ కూడా పుష్కలంగా ఉంటుంది. జీర్ణక్రియకు సహాయపడుతుంది. జామపండ్లలోని పొటాషియం రక్తపోటును నియంత్రించడంలో సహాయపడుతుంది. యాంటీఆక్సిడెంట్లు ఫ్రీ రాడికల్స్తో పోరాడతాయి. కణాలను రక్షిస్తాయి. క్యాన్సర్ను నివారించడంలో సహాయపడతాయి. అయితే, కొన్ని రకాల ఆరోగ్య సమస్యలతో బాధపడేవారు జామపండ్లను తినకూడదు. అవేంటంటే..
కిడ్నీ సమస్య
ఇటీవలి కాలంలో కిడ్నీ సంబంధిత సమస్యలు పెరుగుతున్నాయి. కాబట్టి జామపండ్లను తినేటప్పుడు చాలా జాగ్రత్తగా ఉండాలి. జామపండ్లలో పొటాషియం ఎక్కువగా ఉంటుంది. కిడ్నీ సమస్యలతో బాధపడేవారు అదనపు పొటాషియాన్ని సమర్థవంతంగా ఫిల్టర్ చేయలేరు. కాబట్టి కిడ్నీ సమస్యలు ఉన్నవారు జామపండ్ల తినడానికి ముందు వైద్యుడిని సంప్రదించడం మంచిది.
జీర్ణ సమస్య
జామపండ్లలో ఫ్రక్టోజ్ తో పాటు విటమిన్ సి కూడా ఎక్కువగా ఉంటుంది. వీటిని అధికంగా తీసుకోవడం వల్ల జీర్ణ సమస్యలతో బాధపడేవారికి సమస్యలు వస్తాయి. వీటిని తినడం వల్ల ఉబ్బరం, గ్యాస్, అసిడిటీ వంటి సమస్యలు పెరుగుతాయి. ముఖ్యంగా రాత్రిపూట వీటిని తీసుకోవడం వల్ల సమస్యలు మరింత పెరుగుతాయి. జామపండ్లలో ఫైబర్ అధికంగా ఉంటుంది. ఇది జీర్ణక్రియకు మంచిది. ఇప్పటికే కడుపు నొప్పి, విరేచనాలు, తీవ్రమైన మలబద్ధకం ఉన్నవారు వీటిని ఎక్కువగా తినడం వల్ల జీర్ణవ్యవస్థపై ప్రభావం చూపుతుంది. ఇది మీ సమస్యలను మరింత తీవ్రతరం చేస్తుంది. ఈ పండులోని విత్తనాలు కొంతమందికి జీర్ణ సమస్యలను కూడా కలిగిస్తాయి.
జలుబు, దగ్గు
సాధారణంగా, జామపండ్లు జలుబు, దగ్గు వంటి కాలానుగుణ వ్యాధులను నివారిస్తాయి. దీనికి కారణం ఇందులో ఉండే విటమిన్ సి. అయితే వర్షాకాలంలో జలుబు, దగ్గు ఉన్నప్పుడు జామపండ్లు తినడం వల్ల సమస్య మరింత తీవ్రమవుతుందని నిపుణులు హెచ్చరిస్తున్నారు. జామపండ్లు చల్లబరిచే లక్షణాలను కలిగి ఉన్నందున ఇది సమస్యను మరింత తీవ్రతరం చేస్తుంది.
మధుమేహ రోగులు
నేటి కాలంలో చాలా మంది డయాబెటిస్ తో బాధపడుతున్నారు. జామపండ్లలో గ్లైసెమిక్ ఇండెక్స్ తక్కువగా ఉండటం వల్ల ఇవి వారికి మంచి ఎంపిక. కానీ జామపండ్లలో సహజ చక్కెర కూడా ఎక్కువగా ఉంటుంది. అందువల్ల జామపండ్లను ఎక్కువగా తింటే, రక్తంలో చక్కెర స్థాయిలు పెరిగే అవకాశం ఉంది. కాబట్టి డయాబెటిక్ రోగులు జామపండ్లను మితంగా తీసుకోవాలి లేదా పూర్తిగా తినడం మానేయాలి.
మితమైన వినియోగం ఆరోగ్యానికి మేలు
బేరి పండ్లలోని కొన్ని రసాయనాలు కొంతమందిలో చర్మపు చికాకు, అలెర్జీలు కలిగిస్తుంది. కాబట్టి ఇప్పటికే తామర వంటి చర్మ సమస్యలు ఉంటే, జామపండ్లు తినడానికి ముందు వైద్యుడిని సంప్రదించడం మంచిది. అలాగే జామపండ్లు గట్టిగా ఉంటాయి. దంతాలు లేదా చిగుళ్ల సమస్యలు ఉన్నవారు వాటిని నమలడం కష్టంగా అనిపించవచ్చు. ఇది నొప్పిని పెంచుతుంది. అలాగే జామపండ్లను మితంగా తినడం మంచిది. సాధారణ వ్యక్తులు కూడా ఎక్కువగా తింటే వివిధ సమస్యలు తలెత్తుతాయి.
మరిన్ని ఆరోగ్య కథనాల కోసం క్లిక్ చేయండి.
